Fìlipì 4:7 - Ikan feg

⁷ Mbə̰ mə̀ ghì ane, nji Ŋwiye biri zì àbɔrɔ̀bɔd inən inga fìŋ ne biri ghì gha imbə̀ʼ ìtən fìŋ si bɔd yi. Àbɔrɔ̀bɔd ze biri bə ghì gha imbə̀ʼ ìtən tikɔndi si naʼa yi ngəʼ inən icheg ne mbə̀ yaʼi ane ifɔti tì Yeso Kristo. Chəyi tì wə̀d-aku taŋ kyèri iku àbɔrɔ̀bɔd azo̰ ne Ŋwiye we nàʼà.

Meta’

⁷ Mbə mɨ ghɨ̀ əne, njɨ əbɔrəbɔd ə Ŋwiə̀, nɨ chəi ənɨ tɨ ɨwe bə̂d mɨ̀sɔŋɨchù kyerɨ màànɨ̀, bɨrɨ ghɨ ni tɨ tə fîŋ bɔrɨ i, bə̀ ghɨ̀ ni tɨ tə rɨkɔndɨ tɔb i əwən ɨchî nɨ mbə̀ yeʼ ənɨ ɨfɔtɨ mbɨ Kristo.

Fìlipì 4:7 교차 참조

Lk 1:79

ni chwi ìzḛzḛ abə bəd mbe ne kiri biri izimi bə̀ bɔ gha mbi biri ku ne chəyi mbi kyeri Ŋwiye, bə̀ chwi inɔnjì gha tè chughi ane àbɔrɔ̀bɔd.”

Lk 2:14

“Ighumni yaʼ abə Ŋwiye ikaŋ àbɔ̀ŋɔ, àbɔrɔ̀bɔd yaʼ abə bəd mbe ne məd gyḛ igun isəg.”

Jn 14:27

Mə nàʼ àbɔrɔ̀bɔd inən. À ya àmə àbɔrɔ̀bɔd ne mə naʼi inən. Chəyi mə̀ naʼi àbɔrɔ̀bɔd inən icheg ne bəd inga isəg mbe nàʼà. Imbə̀ʼ ìtən fìŋ naʼa yi ngəʼ inən. Imbə̀ʼ mbə̰ bə bɔ awən.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 8:6

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

2 Kɔrèn 10:5

Tì ya nìŋə ighi ibid mbe ni nimni inug mbe ne bəd mbe tàŋà inug imbə̀ʼ mbiwən bə̀ nimni inug ijìm mbe ne kə̰ gha imbə̀ʼ bəd si nɔ̀ʼ kyèri Ŋwiye. Tì ya bə̀ nìŋə ighi ibid mbe ni kɔd tikɔndi tijìm te ne bəd beri, si ghì gha te zugri Kristo.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 3:19

Mə we bə̀ chàʼrà Ŋwiye gha mbə̀ kyeri gha, icheg ne Kristo kɔ̀ŋi awən we chè icheg ne tì bəd kyeri. Mbə̰ mə̀ taŋ kyèri icheg ne wì kɔ̀ŋi awən, nji ìwən ikuchèg biri si yaʼ icheg ìwi Ŋwiye.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Fìlipì 1:2

Ŋwiye ne yaʼi ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Fìlipì 4:19

Ìmə Ŋwiye biri nàʼ ighi ijìm mbe ne mbə̰ mbe kə̀bə̀ inən. Wì biri chè anjìm Yeso Kristo nàʼ ighi inən inga ighi nɔʼ nɔʼ mbe ne məd bèri.

Fìlipì 4:21

Mbə̀ chaʼra bəd Ŋwiye məjìm ne yaʼi ane ifɔti tì Yeso Kristo. Ìmba məfi fɔrɔ ìta njàbi te ne yaʼi aŋa abɔ̀ʼ inum, mbɔb mbe bə̀ chàʼrà awən.

Fìlipì 4:9

Anug ne mbə̀ ya nani inum, kə̀ anug ne mbə̀ ya zughi ne mə̀ ya gha anyumə̀ ne mə̀ yaya chwìte inug inən, kə̀ anug ne mbə̀ ya bàri inga ìmə ikuchèg, mbə̀ bə ghì. Mbə̰ mə̀ ghì ane, Ŋwiye we ne nàʼà àbɔrɔ̀bɔd biri yaʼ tì inən.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

2 Tès 3:16

Tì we chàʼrà Ŋwiye inən gha, Anɔŋisəg ne zìyè àbɔrɔ̀bɔd igun bəd, wì ghiyə mbə̀ chughi ane àbɔrɔ̀bɔd mà nyumə̀ ijìm fɔrɔ inga inug ijìm. Anɔŋisəg yaʼ tì inən mbə̰ məjìm.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Ɨnû 1:4

À ya mo Jɔn ŋwàʼri àŋwàʼrì azo̰ abə tifeti bəd Kristo te ìsàmbe ne yaʼi inga aba aben ze a Esìyà. Məd we ne yaʼi amad anìŋ, ne ya bi yaʼ, ne biri ywìri yèʼe, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Izwighi mbe ìsàmbe ne yaʼi imbìghè atən ifɔn məd mbe bə ghì ìchɔ̀mì inən bə̀ ghì mbə̀ chughi ane àbɔrɔ̀bɔd.

Ɨnû 2:17

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Mə biri nàʼ manà mɔ̀ʼɔ abɔ̀ʼ we ne yaʼi inə̀mbi abə wə̀d ijìm ne che àkwàʼrì. Mə biri nàʼ iteg fu fu ne mbi ŋwàʼri ikum feg igun abə tengàŋ. Chəyi wə̀d mɔ̀ʼɔ ne kyeri ikum we chèyi ane wə̀d we ne nìŋə iteg angu.›”