Fìlipì 4:20 - Ikan feg

²⁰ Tè naʼa ighumni abə ìwa Ŋwiye ne yaʼi Mbaʼ ane ighə̀m imɔʼ. À ya ane.

Meta’

²⁰ Bə̂d wumnɨ Ŋwìə̀ a Mbǎʼ koŋ koŋ. À yɨ əne.

Fìlipì 4:20 교차 참조

Matìyò 28:20

Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Matìyò 6:9

Ane, mbə̀ chaʼra Ŋwiye anìŋ: ‹Ìwa Mbaʼ ikaŋ àbɔ̀ŋɔ, Ghiyə gha bəd ghumni ìwe ikum.

Rm 11:36

À ya ane imbə̀ʼ icheg ne, à ya Ŋwiye tangi ighi ijìm. À ya anjìm məd ne ighi ijìm yaʼi. Ighi ijìm ya ìmbi məd. Tì ghumni aməd ane ighə̀m imɔʼ. À ya ane.

Rm 16:27

Mbə̀ naʼa ighumni ane ighəm imɔʼ anjìm Yeso Kristo, abə Ŋwiye we imɔʼ ne beri iwe ijìm. À ya ane.

Efesùs 3:21

Tikəri bəd tijìm te ne yaʼi inga ifeti bəd Kristo fɔrɔ bəd məjìm mbe ne yaʼi ane ifɔti tì Yeso Kristo, mbe ghumni Ŋwiye kwàʼ ane ighə̀m imɔʼ. À ya ane.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 4:23

Anɔŋisəg Yeso Kristo ghiyə ìchɔ̀mì inən mbə̀ məjìm. À ya ane.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

Jûd 1:25

Tè ghumni aməd we imɔʼ ne yaʼi Ŋwiye, ne bə̀ yaʼi wə̀d ne pùmnə awa anjìm ìwa Anɔŋisəg Yeso Kristo. Ighumni tì anug ìfɔ̀n kyen tì ika fɔrɔ anug ni tùmbi ighi ijìm ya ibo ikye abo. Ighi mbo̰ ijìm ya yi ìmbi məd nɔ̀ʼ ane nyùmə̀ isəg we ne fə che, fɔrɔ amad anìŋ, fɔrɔ ane ighə̀m imɔʼ. À ya ane.

Ɨnû 1:6

Wì ya chɔʼ awa ane məfɔn bə̀ fɔrɔ ane bəd àfàʼì inga anug ìfɔ̀n Ŋwiye. Wì ya ghì ane ni gha tì se fàʼà abə Ŋwiye ne bə yaʼ Mbaʼ məd. Tì ghumni Yeso Kristo ne beri ika ni tùmbì isəg kwàʼ ane ighə̀m imɔʼ! À ya ane.

Ɨnû 11:13

Kwàʼ anyumə̀ we, ìseg ya ghùd kwàʼ ane ika. Aba amɔʼ inga iba ìghum ane aben kyen ze ya sùyə̀. Bəd chuʼ ìsàmbe ya ku icheg ne isiŋi ya wùri sùyə̀. Àbùʼì bəd ze ne ya pumi yaya se bìnde nàʼà ighumni abə Ŋwiyekɔʼ ne yaʼi ikaŋ àbɔ̀ŋɔ.

Ɨnû 14:7

Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Ɨnû 5:12

Mbi ya zə̀ʼ ikyeg ane gì ka ka gha, “Ŋwan njə̀g we ne mbi ya kyemi we kòʼ gha mbe naʼa ika ibo, nàʼ ighi ibo, nàʼ iwe ibo, nàʼ ighumni ibo bə̀ nàʼ məyakà ibo.”

Ɨnû 7:12

Mbi yaya ghùmnə ane ghà gha, “À ya ane! Tì ghumnə awe àghò ìwa Ŋwiye. Tì nàʼ məyakà ine. Àghò bèrì iwe ijìm, bə̀ bèrì ika ijìm ane ighə̀m imɔʼ! À ya ane.”