Fìlipì 4:17 - Ikan feg

¹⁷ Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

Meta’

¹⁷ Chəi mə̀ gha əne ɨmbə̀ʼ ɨghəm nɨ mə̀ kəb ni mbə naʼ ɨghɨ ɨ num. Mə kə̀b yeʼ ni Ŋwìə̀ chwɨ əwən ɨchî nɨ mbə̀ weerɨ əmɨ.

Fìlipì 4:17 교차 참조

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 15:8

Mbə mə̀ ya ko titam ndan ndàn ne chwìye gha mbə̰ ya ìmbum mə̀mə̀nənùg, ìmə Mbaʼ ya nìŋə ighumni.

Rm 15:28

Ane, anyumə̀ ne mə̀ mani àfàʼì azo̰ bə̀ nàʼ ighi mbe ne mbi chɔpi inɔb, mə biri chè mùg tì inən anyumə̀ ne me ghò a Spen.

2 Kɔrèn 11:16

Mbə̀ si mə ywirì kɔ̀mbì inən gha, imbə̀ʼ wə̀d nìŋə yi awum ane anen. Àmə yaʼ aghi ne gha mbə̰ ya nìŋə mə ane anen, nji ze yaʼ ane imbə̀ʼ mə kɔmɔ ìmə igo iki piʼì.

2 Kɔrèn 9:5

À ya aton ne mə̀ ya beri ikɔndi gha, ze kòʼ ni chà məfi mbo̰ gha mbe ko ghò imbìghè pè ghì mbə̀ chuʼri ìwən nyɔd ni nàʼ ighi mbe ne mbə̀ ya fə kàʼi. Mə mə̀ pe ne mbə̀ fə nàʼi ighi mbe, ze biri chwi gha, mbə nàʼ imbə̀ʼ icheg ne mbə kɔ̀ŋi ni nàʼ, kayi mbə̀ nàʼi nè zḭ̀ʼḛ̀.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 4:11

Kayi mə ghàmà anìŋ imbə̀ʼ icheg ne mə cheʼi aghi mɔ̀ʼɔ. Tesiʼ ya gha, mə fə nani icheg ni chughi amə, kə̀ mə bèrì ighi kə̀ chəyi!

1 Tèsàlonikà 2:5

Mbə̰ kyèri gha chəyi tì yaya ghàmà ìngam nəmi nəmi ni tambi awən. Ŋwiye bə̀ kyèri gha chəyi tì yaya ghàmà inug məyi ni kəndi icheg ne te ghə̀ʼrə̀ ìmbən ighi.

1 Timotì 3:3

Imbə̀ʼ tengàŋ yaʼ yi wə̀d ne no mənoʼ be. Imbə̀ʼ wì yaʼ yi wə̀d ne kɔ̀ŋɔ̀ àzɔ̀ŋì. Wì bèrì ni yaʼ wə̀d ne bɔ̀tɔ, kayi wə̀d ne kɔ̀ŋɔ̀ ni tàŋ inug tì bəd. Imbə̀ʼ wì yaʼ yi wə̀d ne beri adɔʼ ikab.

1 Timotì 6:10

À ya ane imbə̀ʼ icheg ne anug ni taŋ kɔ̀ŋ ikab ya aghi ne ghìyə̀ bəd fàʼà tiku inug tibɔ̀ŋ ijìm. À ya anug ni noto abɔ̀ʼ ikab ze ghìyə̀ gha bəd nɔʼ nɔʼ waʼ ìwɔb ibḛfiŋ, se zə̰ aku ngəʼ ndan ndàn ne zìyè ibəʼ inɔb inga fìŋ.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

Tayitùs 3:14

Ìmba bəd mənyìʼ nàni icheg ni ya zìyè atog ghìyə̀ inug chɔm. Mbɔb mə̀ ya ghìyə̀ ane mbɔb biri wètì bəd ndəŋ. Ane, chəyi mbɔb biri yaʼ icheg bəd ne chəyi aghi niŋi ane inɔb.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

1 Pità 5:2

Mbə̀ nəri njə̀g Ŋwiye te ne wì zi inga ìtən tikye abo. Imbə̀ʼ mbə̰ faʼa awən icheg ni gha mbi ya nyə̀mə̀ awən nyəmi. Mbə̀ faʼa tì izən fìŋ ifibì icheg ne Ŋwiye kə̀bi. Mbə̀ faʼa imbə̀ʼ icheg ne mbə̀ kɔŋi ni fàʼ, kayi imbə̀ʼ adɔʼ ikab.

2 Pità 2:15

Mbɔb fə waʼ ikuchèg chɔm, fèbè, si niŋ yaʼ ikuchèg tibɔ̀ŋ we abə Balàm, ŋwan Beyò. Balàm ya wə̀d ne ya kɔ̀ŋi ikab we ne wì yaya ghìyə̀ inug tibɔ̀ŋ bèrè.

2 Pità 2:3

Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.

Jûd 1:11

Ngəʼ kyen biri nyi igun inɔb! À ya ane imbə̀ʼ icheg ne mbɔb mbe ghìyə̀ inug icheg Ken ne ya zweti ìwi ifi. Mbɔb ya bə̀ ghìyə̀ inug icheg Balàm ne yaya ghìyə̀ tiku inug ijìm ni bèrì ikab. Mbɔb ya ghìyə̀ tìzughə̀ abə Ŋwiye icheg Korà. Ane, mbɔb biri ku nim icheg Korà.