Fìlipì 4:14 - Ikan feg

¹⁴ Mbə̰ ya ghì anug chɔm icheg ne mbə̀ ya wèti amə anyumə̀ ne mə̀ ya yaʼi inga ngəʼ.

Meta’

¹⁴ Àyɨə mbə nyaʼa ghɨ̀ ɨ̀chɔ̀m ɨchî nɨ mbə weerɨ əmɨ ənɨ mə̀ nyaʼa ə ŋgəʼ.

Fìlipì 4:14 교차 참조

Matìyò 25:21

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Rm 15:27

Mbɔb ya kɔ̀ŋ ni chɔ̀pì ighi mbe. Tesiʼ ya gha, mbi ya bèrì ni ghì ane imbə̀ʼ icheg ne bəd ne kayi mə̀Ju fə fɔti tì mə̀Ju ni bèrì àbɔrɔ̀bɔd ze ne Azwighi Ŋwiye ze nàʼà. Ane, mbɔb bèrì ni nàʼ ighi mbe ne mbɔb bə bèrì abə mə̀Ju mbe ne bḛ Kristo.

Gàlesìyà 6:6

Mbə̀ bə kyèri gha, wə̀d we ne mbe chwìte Ìngam Ŋwiye ibo, wì bèrì ni ghàpì ighi chɔm chɔm məd ijìm tì wə̀d we ne chwìte Ìngam Ŋwiye ibo.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Fìlipì 4:18

Mə fə bàd ighi mbe ne mbə̀ cha inum. Ighi mbe ne mbə̀ cha mbe kòʼ chè. Mə fə bèrì ìmbum ighi ijìm icheg ne mbə̀ cha Èpàfròditùs wì yeʼe nàʼ ighi inum. Ighi mbe ne mbə̀ ya nàʼi ya icheg ighi àfàtì ne nyòʼro ifɔ chɔm ne ghìyə̀ fìŋ Ŋwiye bɔŋɔ̀.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Mə̀Hibrù 10:33

Anyumə̀ mɔ̀ʼɔ, mbi ya zɔ̀mbì awən bə̀ chə awən inga inɔ̰ bəd. Nyùmə̀ ndəŋ ya bə̀ yaʼ ne mbə̀ ya nəri fìŋ abə məfi ndəŋ ne mbi ya bə̀ zɔ̀mbì awɔb bə̀ chə awɔb.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.