Fìlipì 3:3 - Ikan feg

³ Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Meta’

³ À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Fìlipì 3:3 교차 참조

Rm 1:9

Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Rm 15:17

Icheg ne mə̀ yaʼi mə ane anug amɔʼ tì Yeso Kristo, mə we tì mə kɔ̀m ìmə igo icheg ne mə̀ fàʼà abə Ŋwiye.

Rm 7:6

Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.

Rm 8:15

Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

Rm 8:39

ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.

Rm 9:6

Kayi mə gha, chəyi Ŋwiye fàʼi anug ne wì ya kàʼi. Aton ya gha, kayi bəd Izre məjìm yaʼi bəd Ŋwiye.

2 Kɔrèn 11:18

Icheg ne bəd nɔʼ nɔʼ mbe kɔ̀mɔ̀ igo icheg bəd igun isəg, mə biri bə kɔ̀m igo.

Gàlesìyà 5:25

Icheg ne à ya Azwighi Ŋwiye ze nàʼà ika ina, tì ya ghìyə̀ inug mbe ne Azwighi Ŋwiye ze kə̀bə̀.

Gàlesìyà 6:16

Ŋwiye ziye àbɔrɔ̀bɔd bə̀ dìgrì igun bəd mbe ne nɔ̀ŋɔ̀ ikə gho̰ inga ìwɔb ìtḛ̀. Wì bə ghì ane igun mə̀Izre ne yaʼi bəd Ŋwiye məjìm.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Fìlipì 3:12

Kayi mə gha, mə fə bèrì ighi mbo̰ ijìm, kə̀ gha mə fə bɔ̀ŋ mànì. Tesiʼ ya gha, mə we kìrə ika ni chè imbìghè imbə̀ʼ bèrì ighi ijìm mbe ne Yeso Kristo ya ghi gha mə yaʼ wə̀d məd imbə̀ʼ bèrì.

Fìlipì 3:14

Mə we kìrə ika ni chè imbìghè ni zən gha mə beri ineʼi we ne yaʼi imbìghè ne Ŋwiye ya kàʼi inum gha mə biri bèrì ikaŋ àbɔ̀ŋɔ icheg ne mə̀ yaʼi ane ifɔti tì Yeso Kristo.

Kòlosè 2:11

Mbi ya fə ŋwed awən icheg ne mbə̀ yaʼi ane ifɔti tì Kristo. Si ya gha, àŋwerì azo̰ ya kayi bəd faʼi ane ibo. Àŋwerì azo̰ ya icheg we ne Kristo kɔ̀pi ìtən fìŋ, chì ikuchèg tibɔ̀ŋ we ne ìtən nyàmnyɔd te ghə̀ʼrə̀.

Jûd 1:20

Àsi awən, ìmbum mə̀sə̀ʼ ne mə̀ taŋ kɔ̀ŋ, mbə̀ che imbìghè ni ghì inug ne biri ghì mbə̰ kweg inga ìwən ibḛfiŋ we ne zḛ mànì. Mbə̰ ya chàʼrà Ŋwiye icheg ne Azwighi ze nàʼà ika inən.