Fìlipì 3:18 - Ikan feg

¹⁸ Icheg ne mə̀ yaya ghà inən, mə̀ ya anìŋ ywìrè ghà tì məsi inum inga aghə gha, bəd nɔʼ nɔʼ abɔ̀ʼ inən mbe ghìyə̀ inug icheg bəd ìpàb Kristo. Àze chwi gha chəyi mbɔb kə̀bi ni niŋ aton ze ne wì ya ku igun azed abaʼri ane anug.

Meta’

¹⁸ Mə nyaʼa fə ghà ɨ nən ɨghəm nɔnɔʼ, əne mə wɨə bə̀ yɨə ghà ɨ nən tɨ̀nîn mbɨ mɨsɨ əghə ni bə̂d mɨ̀nɔnɔʼ mbɨ əŋgu nɨə chub ɨghabɨ ə bə̂d pə̀n Kristo ɨchî nɨ chəi mbɨə ben nɨ zu əton nɨ wɨ̀ nyaʼa kwɨ əzed ə baʼnɨ.

Fìlipì 3:18 교차 참조

Lk 19:41

Yeso ya ghò anene se tìnde iban Jèrusalèm. Anyumə̀ ne wì ya bàri ikye aben we, wì dèg gha,

Ɨ̀fàʼì 20:19

Mə ya swi ìmə nyɔd icheg wə̀d àfàʼì Anɔŋisəg, fàʼ tì məsi aghə. Mə ya bə̀ nyìʼ ìkwàʼrì nɔʼ nɔʼ ne mə̀Ju mɔ̀ʼɔ ya taŋi mənaŋ igun inum.

Rm 9:2

Tesiʼ ya gha, mə we sɔ̀mnɔ̀ kwàʼ ako imbə̀ʼ icheg ne ibəʼ ne chəyi ìnwḭ fə sweg inga ìmə fìŋ.

1 Kɔrèn 1:18

Ikən imbə̀ʼ icheg ne Yeso Kristo ya ku igun azed abaʼri ya anug anen abə bəd mbe ne nìme. Àsi ina, mba mbe ne pùmə, tì niŋ gha à ya anug ne chwìye ika Ŋwiye.

1 Kɔrèn 6:9

Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

2 Kɔrèn 11:13

Bəd inug ako mbe ne gha mbɔb ya bədtɔm Kristo ya chwìye ìfe icheg bəd ne ghà tesiʼ, si ya gha, mbɔb ya tàmbà bəd.

2 Kɔrèn 11:29

Wə̀d ne bɔri ne chəyi ibɔri bə gwì mə, àkə we? Wə̀d ne gughi anug ne chəyi ze se amə, àkə we?

2 Kɔrèn 2:4

Anyumə̀ ne mə̀ yaya ŋwàʼrà àŋwàʼrì ze inən mə yaya sɔ̀mnɔ̀, ibəʼ ya bə̀ yaʼ inum inga fìŋ, mə se dèghè. Chəyi mə̀ ya ŋwàʼri ni chìki ìtən fìŋ. Mə ya ŋwàʼrì ni chwi icheg ne mə̀ taŋ kɔ̀ŋ awən mbə̰ məjìm.

Gàlesìyà 1:7

Tesiʼ ya gha, chəyi bèyi ikən chɔm ndəŋ angu. À ya gha, bəd mɔ̀ʼɔ mbe kə̀bə̀ ni bùrì ìmbən itog bə̀ kə̀bə̀ ni kɔpi ikən chɔm imbə̀ʼ Kristo ne ya ikən tesiʼ.

Gàlesìyà 2:14

Anyumə̀ ne mə̀ ya bàri gha chəyi mbɔb mbe bène abɔ̀ʼ tesiʼ we ne yaʼi inga ikən chɔm, mə̀ ya ghàm kyen abə Pità kwàʼ imbìghè abə bəd məjìm. Mə ya kyen ibo gha, “Àghò ya Ju, si ya gha, chəyi àghò we ghìyə̀ inug icheg Ju. Àghò ya ghìyə̀ inug yaʼ icheg wə̀d ne kayi Ju. Àghò kə se ghìyə̀ gha bəd mbe ne kayi mə̀Ju mənyìʼ ghì inug ane ikuchèg aben mə̀Ju iye?”

Gàlesìyà 2:21

Chəyi tì mə wèg ìchɔ̀mì we ne Ŋwiye ghi inum. Wə̀d mə̀ bèrì ni təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse, ane ya gha, iwu Kristo ya ati ako.”

Gàlesìyà 5:21

anug ni ghə̀ʼrì ighi, anug ni no be, anug ni ya no be bə̀ se ghìyə̀ izṵ inug, fɔrɔ tiku inug ndəŋ ndəŋ ne yaʼi icheg ìto̰. Mə ya anìŋ ywìrè pàta awən icheg ne mə̀ ya fə pati gha, chəyi bəd mbe ne ghìyə̀ tiku inug ìto̰, biri nɔ̀ʼ jəg anug ìfɔ̀n Ŋwiye.

Gàlesìyà 6:12

Bəd mbe ne kə̀bə̀ gha mbi mənyìʼ ŋwed bəd ya bəd ne kə̀bə̀ ni chwi asaŋ asaŋ gha mbɔb bɔ̀ŋ. Mbɔb ya ghìyə̀ ane məyi imbə̀ʼ icheg ne chəyi mbi kəbi gha bəd chɔʼ ìmbɔb ibɔʼì ighog anjìm icheg ne mbɔb bḛ gha à ya məyi iwu Kristo igun azed abaʼri we ghìyə̀ bəd pumə̀.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.

Efesùs 4:17

Mə ya anìŋ ghà inən ywìrè bèʼre ane ikum Anɔŋisəg gha imbə̀ʼ mbə̰ ya chùghə awən icheg bəd mbe ne kayi mə̀Ju. Ìtɔb tikɔndi ya kwàʼ ati ako.

Fìlipì 1:4

Mà nyumə̀ ijìm ne mə chàʼrà Ŋwiye inən mbə̰ məjìm, mə ya chàʼrà tì igyendi inum inga fìŋ.

1 Tèsàlonikà 4:6

Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən.

2 Tès 3:11

Tì ya ghà anìŋ imbə̀ʼ icheg ne tì we zùghə gha bəd mɔ̀ʼɔ mbe abɔ̀ʼ inən ne ghìyə̀ igwed. Chəyi mbe fàʼà aghi mɔ̀ʼɔ. Àzɔb àfàʼì ya məyi ni ŋa nyḭ̀yḛ inga inug bəd.

2 Pità 2:10

Ze biri taŋ yaʼ anìŋ abə bəd mbe ne ghìyə̀ inug icheg ne ìtɔb nyàmnyɔd te ghə̀ʼrə̀ bə̀ wèghè ika Ŋwiye. Bəd mbo̰ ne chwìte inug ako ya bèrè fìŋ ka ka bə̀ dùwə̀ ichug. Chəyi mbɔb mbe bɔ ni ghàm inug tibɔ̀ŋ imbə̀ʼ izwighi mbe ne yaʼi ikaŋ àbɔ̀ŋɔ.

Jûd 1:13

Mbɔb ya icheg àwàwà ka ka. Ìmbɔb inug tibɔ̀ŋ ya kɔ̀ʼɔ icheg ifo zìyè tìnìrètog igun inɔb. Mbɔb ya icheg titəm iməg te ne bàrà chè che. Si ya gha, Ŋwiye fə ghɔmbi asiŋi nɔ̀ŋì inɔb inga isəg afub ne fḭ̀yḛ̀ nyìm. Mbi biri yaʼ inga ane ighə̀m imɔʼ