Fìlipì 3:17 - Ikan feg

¹⁷ Ìmbum məfi fɔrɔ ìtum njàbi, mbə̀ niŋ ìmə ikuchèg kwàʼ mbə̰ məjìm. Mbə̀ ya nàna inug abə bəd mbe ne ghìyə̀ inug mbe ne tì ya chwiti inən.

Meta’

¹⁷ Mbɨ bɔŋgɔb, mbə̀ mɨg əmɨ ənɨ ɨnû mbe nɨ mɨə ghɨ̀ə̀. Mbə nɨŋ ənweenɨ rɨ ənɨ bə̂d mbe nɨə ghɨ̀ ɨnû mbe nɨ tɨ̀ nyaʼə ghɨ̀ə̀.

Fìlipì 3:17 교차 참조

Rm 16:17

Ìmbum məfi tì tum njàbi, mə we nə̀ri awən gha, mbə̀ we awən tì bəd mbe ne ghìyə̀ gha bəd Kristo ghapa bə̀ ghìyə̀ gha mbe febe inɔnjì. Mbi ya ghìyə̀ ane icheg ne mbi to̰ awɔb inug mbe ne mbə̀ ya fə nani. Imbə̀ʼ mbə̰ si jəgri awən tì inɔb

1 Kɔrèn 10:32

Imbə̀ʼ mbə̰ ghiyə awən gha wə̀d ne yaʼi wə̀d inga ifeti bəd Ŋwiye wì gughə anug; kə̀ àkə Ju kə̀ wə̀d ne kayi Ju.

1 Kɔrèn 11:1

Mbə̀ gwe ìmbum ibɔʼì ighog icheg ne mə gwe ìmbi Kristo.

1 Kɔrèn 4:16

Ane, mə we bòʼo ibo inən gha mbə̀ yḛ igun ìmbum ibɔʼì ighog.

Fìlipì 4:9

Anug ne mbə̀ ya nani inum, kə̀ anug ne mbə̀ ya zughi ne mə̀ ya gha anyumə̀ ne mə̀ yaya chwìte inug inən, kə̀ anug ne mbə̀ ya bàri inga ìmə ikuchèg, mbə̀ bə ghì. Mbə̰ mə̀ ghì ane, Ŋwiye we ne nàʼà àbɔrɔ̀bɔd biri yaʼ tì inən.

1 Tèsàlonikà 1:6

Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.

2 Tès 3:14

Wə̀d mɔ̀ʼɔ mə̀ yaʼ abɔ̀ʼ inən ne chəyi we zùgrə tikə ìto̰ ne tì ŋwàʼri inga àŋwàʼrì azo̰, mbə̀ nɔŋɔ ighə igun tengàŋ. Mbə̀ kye awən ane iku wə̀d we ni ghì gha wì bere tìnìrètog.

2 Tès 3:7

Mbə̀ fə kyeri kwàʼ icheg chɔm gha, mbə bèrì ni fàʼ kwàʼ məyi icheg ne tì yaya fàʼà. Anyumə̀ ne tì ya yaʼi abɔ̀ʼ inən, chəyi tì yaya ghìyə̀ igwed.

2 Tès 3:9

Kayi gha chəyi tì ya kòʼi ni biri àwètì inən. Tì yaya ghìyə̀ ane ni gha mbə̀ bara bə̀ se fàʼà icheg ne te fàʼà.

1 Timotì 4:12

Imbə̀ʼ àghò saŋa awe gha wə̀d mɔ̀ʼɔ chapa awe imbə̀ʼ icheg ne àghò yaʼi ŋwan kwa. Àghò bèrì ni yaʼ icheg aməgrì abə bəd mbe ne bḛ Kristo ane ìwe ìngam ichug fɔrɔ ane ìwe ikuchèg fɔrɔ ane icheg ne àghò we kɔ̀ŋɔ̀ bəd fɔrɔ ane ikuchèg ne àghò tə̀mi kà inga ìwe ibḛfiŋ fɔrɔ ane icheg ne àghò we bə̀ ghìyə̀ inug ne zḛ.

Mə̀Hibrù 13:7

Mbə̀ kɔndi itog bəd mbe ne ya ghum ghà Ìngam Ŋwiye imbə̀ʼ Kristo inən bə̀ kɔ̀ndi ìwɔb ikuchèg. Ane, mbə̀ ya ghìyə̀ inug icheg inɔb bə̀ nɔ̀ŋɔ̀ ìwən ibḛfiŋ igun Ŋwiye icheg inɔb.

1 Pità 5:3

Imbə̀ʼ mbə̰ si nyəmə awən bəd mbe ne Ŋwiye zi inga ìtən tikye abo. Mbə̀ bere ikuchèg chɔm ne bəd Kristo biri se mə̀nə̀.