Fìlipì 3:12 - Ikan feg

¹² Kayi mə gha, mə fə bèrì ighi mbo̰ ijìm, kə̀ gha mə fə bɔ̀ŋ mànì. Tesiʼ ya gha, mə we kìrə ika ni chè imbìghè imbə̀ʼ bèrì ighi ijìm mbe ne Yeso Kristo ya ghi gha mə yaʼ wə̀d məd imbə̀ʼ bèrì.

Meta’

¹² Chəi mə̀ gha ni mə fə berɨ ɨnû mbɔ̂ jìm, kɨ̀ ni mə fə bɔ̀ŋ màànɨ̀, àyɨə mə wɨə kywɨ ənywɨ ɨmbə̀ʼ berɨ mbɨwən. Kristo Yeso nyaʼa ghɨ ni mə̀ yeʼ wə̀d məd ɨmbə̀ʼ berɨ ɨnû mbɔ̂ jìm.

Fìlipì 3:12 교차 참조

Matìyò 5:48

Ane, mbə̰ bèrì ni bɔ̀ŋ mànì kwàʼ icheg ne ìwən Mbaʼ ikaŋ àbɔ̀ŋɔ bə bɔ̀ŋ mànì.”

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 8:39

ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.

1 Kɔrèn 13:10

Nyùmə̀ ne ineʼi we ne bɔŋi mànì biri yeʼe, tineʼi te ne ghìyə̀ bəd fàʼà inug iba iba biri mèg.

1 Kɔrèn 13:12

Amad anìŋ, tì we bàrà inug mbi ndwìʼrè. Anyumə̀ ne Kristo biri ywiri yeʼe, tì biri bàd Ŋwiye kwàʼ icheg chɔm. Amad anìŋ, mə kyèri məyi inug mɔ̀ʼɔ imbə̀ʼ Ŋwiye. Si ya gha, nyùmə̀ we yèʼe ne Yeso Kristo biri bə̀ndì yeʼe. Anyumə̀ we, mə biri taŋ kyeri Ŋwiye kwàʼ icheg ne Ŋwiye kyèri amə.

1 Kɔrèn 9:24

Mbə̰ kyèri àzən aghi gha, bəd ne nyi inga ànòtì ya nɔ̀ʼɔ, si ya gha, wə̀d ne nìŋə ineʼi wə̀d mbègtog ya məyi imɔʼ. Ane, mbə̀ noto icheg bəd ne biri niŋ ineʼi wə̀d mbègtog.

2 Kɔrèn 13:9

Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Gàlesìyà 5:17

Aton ya gha, nyàmnyɔd ya kə̀bə̀ yaʼ inug mbe ne chəyi Azwighi Ŋwiye ze kə̀bə̀. Azwighi Ŋwiye ya bə̀ kə̀bə̀ yaʼ inug mbe ne chəyi nyàmnyɔd ze kə̀bə̀. Chəyi tì mbɔb mbo̰ məbe yaʼ ane anug amɔʼ. Ane, chəyi tì mbə̰ ghì inug ne mbə̰ mbe kə̀bə̀.

Efesùs 1:4

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì,

Efesùs 4:12

Wì ya ghì ane ni gha mbɔb se chwìye ikuchèg abə bəd Ŋwiye, mbi se fàʼà ibo ni ghì gha ifeti bəd Kristo kweg kòʼ.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Fìlipì 3:16

Anug kyen ne tì koʼi ni ghì ya ni nyimi yaʼ inug mbe ne tì fə nani.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Fìlipì 3:8

Kayi məyi inug mbo̰. Icheg ne Kristo fə ghi ìchɔ̀mì inum, chəyi ighi ijìm ywìrì bèrì aton inum. Anug kyen ne yaʼi inga inug mbo̰ ijìm ya icheg we ne Ŋwiye ghì ìchɔ̀mì kyen inum mə kyeri Yeso Kristo, àmə Anɔŋisəg. À ya imbə̀ʼ Kristo ne mə waʼi ighi ijìm. Mə fə niŋ gha ighi mbe ijìm ya inyɔrì ighi imbə̀ʼ yaʼ amə ane ifɔti tì Kristo.

1 Tèsàlonikà 5:15

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

1 Timotì 6:19

Mbɔb mə̀ ya ghìyə̀ inug mbo̰, nji mbɔb fə zèg ati nəb ne ka ane ighi mbe ne mbɔb biri bèrì inga nyùmə̀ isəg we ne yèʼe. Mbɔb biri bə jəg ìtḛ̀ we ne yaʼi ìtḛ̀ tesiʼ.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Mə̀Hibrù 12:23

À ya bə̀ asiŋi ne tifeti bəd Kristo ne ya ŋwan mbèg Ŋwiye ti fete fə bə̀ ŋwàʼrì ìtɔb tikum ikaŋ àbɔ̀ŋɔ. Mbə yèʼe abə Ŋwiye we ne sàʼa bəd məjìm fɔrɔ ane asiŋi ze ne izwighi bəd yaʼi angu. Bəd mbe ne Ŋwiye fə ghi mbi təm kòʼ bə̀ bɔ̀ŋ mànì ya angu.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Jems 3:2

Mba məjìm mbe fèbè ane mənɔnjì nɔʼ nɔʼ. Wə̀d mɔ̀ʼɔ mə̀ yaʼ angu ne chəyi we kweʼè fèbè ane inug ne we ghà, nji tengàŋ bɔ̀ŋ mànì bə̀ yaʼ wə̀d ne taŋ kyèri icheg ni nyimi ìwi nyɔd.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.