Fìlipì 3:1 - Ikan feg

¹ Ìmbum məfi fɔrɔ ìtum njàbi, bɔŋ mə̀ se nwḭ̀yḛ̀, mə biri ghà inən gha, mbə̀ ya gyènde icheg ne mbə̀ yaʼi ane ifɔti tì Anɔŋisəg. Chəyi ze yaʼi anug mɔ̀ʼɔ inum ni ywìrì ŋwàʼrì inug mbe ne mə̀ ya bi ŋwàʼrì inən. Mə ya ghìyə̀ anìŋ ni ghì gha imbə̀ʼ mbə̰ nɔ̀ʼ nyi inga ngəʼ.

Meta’

¹ Mbɨ bɔŋgɔb, bɔŋ mə sɨə màànɨ̀ə̀, mə wɨə ghà ɨ nən ni mbə̀ ghaʼ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Kaʼi ŋgəʼ mɔʼɔ ɨ num nɨ wɨrɨ ŋwaʼnɨ ɨnû mbe nɨ mə̀ nyaʼa be ŋwàʼnɨ̀ ɨ nən. Mə wɨə ghɨ̀ əne ɨmbə̀ʼ tɨ ŋgəʼ nyɨ i ɨgwɨ nən.

Fìlipì 3:1 교차 참조

Matìyò 5:12

Mbə̀ taŋ gyèndi imbə̀ʼ icheg ne Ŋwiye biri nàʼ ineʼi kyen inən ikaŋ àbɔ̀ŋɔ. À ya bə̀ icheg ne bəd ya bə chɔʼ ibɔʼì ighog abə bədkə̀n Ŋwiye mbe ne ya bi yaʼ bɔŋ awən.”

Lk 1:47

Àmə azwighi ze bə̀ gyènde tì Ŋwiye ne pùmnə amə.

Rm 5:11

Anug kyen ndəŋ ya gha, tì we gyènde abə Ŋwiye anjìm Anɔŋisəg Yeso Kristo ne ghi tì si yaʼ mə̀sə̀ʼ Ŋwiye.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Efesùs 6:10

Ni si nwḭ̀yḛ̀, mbə̀ chughi ane ifɔti tì Anɔŋisəg ni ghì gha ika kyen məd we ne che tika ijìm we ghiyə ìwən ibḛfiŋ taŋ kà.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Fìlipì 4:4

Mbə̀ ya gyènde mà nyumə̀ ijìm icheg ne mbə̀ yaʼi ane ifɔti tì Anɔŋisəg. Mə ya anìŋ ywìrè taŋ ghà gha, mbə̀ ya gyènde!

Fìlipì 4:8

Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

1 Tèsàlonikà 5:16

Mbə̀ chughi ane igyendi mà nyumə̀ ijìm.

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

2 Pità 3:1

Ìmbum məfi fɔrɔ ìtum njàbi ne mə̀ taŋ kɔ̀ŋ, àŋwàʼrì azo̰ ne mə̀ ŋwàʼri inən anìŋ ya àŋwàʼrì ne pè ane ibe. Inga ìŋwàʼrì mbo̰ ibe, mə fə kirə ika ni nɔ̀rì ìwən ikɔndi ni ghì gha mbə̀ wendi inug ijìm mbe ne mbə̀ ya fə bi kyèri ane fìŋ zḛ zḛ.