Fìlipì 2:5 - Ikan feg

⁵ Mbə̀ ghiyə ìwən ikuchèg yaʼ icheg ìwi Yeso Kristo.

Meta’

⁵ Mbə̀ ghɨ ɨnû ɨchî nɨ Kristo Yeso nyaʼə ghɨ̀ə̀.

Fìlipì 2:5 교차 참조

Matìyò 11:29

Mbə̀ niŋ ìmə mbèʼ bèʼì, bə̀ kwèmbi inug inum imbə̀ʼ icheg ne mə we bɔ̀tɔ ane fìŋ bə̀ swìye ìmə nyɔd aseg. Mbə̰ mə̀ ghì ane, ìtən fìŋ biri zùtì inga.

Lk 22:27

Wə̀d kyen kə iweg? Àkə wə̀d ne chùghə, mbi yeʼe nàʼ tijəg ibo, kə̀ wə̀d ne nàʼà tijəg te? Imbə̀ʼ à ya wə̀d ne chùghə mbi yeʼe nàʼà tijəg ibo? Mə yaʼ abɔ̀ʼ inən icheg wə̀d àfàʼì ne nàʼà tijəg.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 20:35

Ikuchèg gho̰ ne mə̀ yaya fàʼà inug ijìm angu, ya mə̀ yaya chwìte inən gha ze bɔ̀ŋ ni taŋ fàʼ imbə̀ʼ wètì bəd ne chəyi àzɔb. Mə yaya fàʼà ane nè kɔ̀ndɔ ìngam we ne Anɔŋisəg Yeso ya ghàmi məd məd gha, ‹Ŋwiye ya zìyè àbɔrɔ̀bɔd ze igun wə̀d ne nàʼà chè wə̀d ne nìŋə.›”

Rm 14:15

Àghò mə̀ ya jə̀ghə aghi mɔ̀ʼɔ ne àghò kyèri gha ze biri ghì ìwe ifi gùg anug, àze chwi gha chəyi àghò kɔ̀ŋi aməd. Imbə̀ʼ àghò saŋa awe gha aghi ne àghò we jə̀ghə ze ghiyə wə̀d ne Yeso ya ku imbə̀ʼ aməd wì nim ìwi ìtḛ̀.

Rm 15:3

Chəyi Kristo yaya ghìyə̀ məyi inug ne biri bɔ̀ŋ ibo. A ze inga Àŋwàʼrì Ŋwiye gha: “Àzɔ̀mbì ze ne bəd ya zɔ̀mbi awe ze yèʼe igun inum.”

Rm 15:5

Ŋwiye we ne nə̀rə ìta fìŋ bə̀ ghìyə̀ gha tì beri inyimbifiŋ, wì bə ghì mbə̀ chughi ane ichug imɔʼ tì ìmbən məfi fɔrɔ ìtən njàbi icheg bəd ne bène abɔ̀ʼ Yeso Kristo.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

1 Pità 2:21

À ya imbə̀ʼ iku ngəʼ gho̰ ne Ŋwiye ya kàri awən gha mbə̀ yaʼ ane ifɔti tì məd. Mbə̀ kyeri gha Yeso Kristo ya bə̀ zə̰ ngəʼ imbə̀ʼ awən. Wì yaya chwìye inug mbo̰ inən icheg aneni ni gha mbə̀ gwe inug kwàʼ igun ibɔʼì ighog məd.

1 Pità 4:1

Icheg ne Kristo ya zə̰ ngəʼ, à ya bə̀ icheg ne mbə̀ koʼi ni chùʼri ìwən nyɔd ni bèrì ikuchèg we ne məd ya bèri. Aton ya gha wə̀d we ne fə zə̰ ngəʼ inga nyàmnyɔd chəyi wì ya ywìrè ghìyə̀ inug tibɔ̀ŋ.

1 Jɔn 2:6

Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.