Fìlipì 2:3 - Ikan feg

³ Imbə̀ʼ mbə̰ ya ghìyə̀ awən inug ni gha ighi ijìm yaʼ məyi inən. Imbə̀ʼ mbə̰ ghiyə awən inug ne chwìye gha mbə̰ mbe nɔ̀ nyɔd. Wə̀d swi ìwi nyɔd aseg, niŋ gha bəd ndəŋ chè aməd.

Meta’

³ Tɨ mbə̀ ghɨ ə ɨghabɨ ni àmei mbə̀nə berɨ ɨghɨ. Tɨ mbə̀ bɨ ghɨ ə ɨnû nɨ chwi ni mbə mbɨə nɔ̀ ɨnyod, àyɨə mbə swi ɨnyod kɔndɨ ni bə̂d cherə ə chè əwən.

Fìlipì 2:3 교차 참조

Lk 18:14

Mə gha tesiʼ inən gha, wə̀dtag gho̰ ya təm kòʼ imbìghè abə Ŋwiye chè Farìsi we bɔŋ mbi ya se bə̀ndə̀ ghò a achan. Mbə̀ kyeri gha, wə̀d ne nɔ̀ nyɔd, Ŋwiye biri swi aməd. Wə̀d ne swi ìwi nyɔd, Ŋwiye biri nɔ̀ aməd.”

Rm 12:10

Wə̀d ijìm ya kɔ̀ŋɔ̀ ìmbi məfi fɔrɔ ìti njàbi kwàʼ icheg ne wì kɔ̀ŋi ìzi nyàmnyɔd. Wə̀d ijìm ya ghùmnə ìmbi məfi fɔrɔ ìti njàbi chè icheg ne we ghùmnə ìwi nyɔd.

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

Rm 2:8

Àsi bəd mbe ne to̰ awɔb tesiʼ, si nɔ̀ŋì fìŋ se ghìyə̀ yaʼ inug tibɔ̀ŋ fɔrɔ inug mbe ne bɔŋi inɔb, Ŋwiye biri gaŋ tì inɔb, chə awɔb.

1 Kɔrèn 15:9

Mo ya wə̀dtɔm Kristo ne kə chè bədtɔm Kristo məjìm. Chəyi mə̀ bi kòʼ ni gha mbe kàrà amə ane wə̀dtɔm Kristo imbə̀ʼ icheg ne mə yaya chɔ̀ʼɔ ibɔʼì ighog abə ifeti bəd Ŋwiye.

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

Gàlesìyà 5:15

Mbə̰ mə̀ ya ghìyə̀ inug yaʼ icheg nyam tɔ tɔ ne nɔ̀mbɔ ìtin zwète, nji mbə biri nimni awən mbə̰ mbə̰.

Gàlesìyà 5:26

Ane, imbə̀ʼ tì ya nɔ̀ awa nyɔd. Imbə̀ʼ tì ya ghìyə̀ awa gha bəd gaŋ. Imbə̀ʼ tì ya bə̀ ghə̀ʼrə̀ awa ighi bəd.

Efesùs 4:2

Mbə̀ ya swìye ìwən nyɔd aseg. Mbə̀ chughi ane àbɔrɔ̀bɔd. Mbə̀ ya nyìmbe fìŋ tì mə̀mbin. Àze biri ya chwìye gha mbə̰ mbe kɔ̀ŋɔ̀ bəd məjìm.

Efesùs 5:21

Mbə̀ ya zùgrə wə̀d imɔʼ imɔʼ ni chwi gha mbə̰ ya bəd ne ghùmnə Kristo.

Fìlipì 2:14

Mbə̀ ghiyə inug ijìm ne chəyi mbə̰ mbe zḭ̀ʼḛ̀ kə̀ tàŋà inug.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

Kòlosè 3:8

Àsi amad anìŋ, mbəʼ mənyìʼ waʼ tiku inug te. Inug mbe ya inug icheg: agaŋ tì iswḛ fɔrɔ adɔʼ. Imbə̀ʼ mbə̰ ya chìkə̀ awən tikum bəd. Imbə̀ʼ mbə̰ bə bḛ awən gha ìngam zu zu duwə inən ichug.

1 Timotì 6:4

tengàŋ ya wə̀d ne nɔ̀ nyɔd ne chəyi wì kyèri anug mɔ̀ʼɔ. Tengàŋ bèrì fìŋ tibɔ̀ŋ. Fìŋ tibɔ̀ŋ ze ya ghìyə̀ gha wì ya chɔ̀bɔ bə̀ tàŋa aton ane tìngam ako mɔ̀ʼɔ. Achɔb tì inug mbe ne mbɔb mbe tàŋà ya yèʼe tì àdeg fɔrɔ àzɔ̀ŋì, bə̀ yèʼe tì anug ni ghàm inug tibɔ̀ŋ igun bəd ndəŋ fɔrɔ anug ni ya kɔ̀ndɔ inug tibɔ̀ŋ imbə̀ʼ bəd ndəŋ.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

1 Pità 5:5

Ngwàʼ bɔd, mbə̀ ya zùgrə bəd kyen. Mbə̀ swi ìwən nyɔd aseg, fàʼ tì məfi mbin. A ze inga Àŋwàʼrì Ŋwiye gha: Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.