Fìlipì 2:1 - Ikan feg

¹ Ŋwiye we nə̀rə ìtən fìŋ icheg ne mbə̀ yaʼi ane ifɔti tì Kristo. Icheg ne Kristo kɔ̀ŋi awən, a ze ghìyə̀ ìtən fìŋ zùtə̀. Mbə̰ mbe ane ifɔti tì Azwighi Ŋwiye. Mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi. Mbə̰ mbe chwìye àsɔ̀mnəfiŋ igun bəd.

Meta’

¹ Ɨchî nɨ mbə̀ yeʼ ənɨ ɨfɔtɨ mbɨ Kristo zɨə tìmbɨ̀ əwən. Ɨchî nɨ wɨ̀ ghaʼ əwən wɨə nəərɨ əwən. Mbə mbɨ ənɨ ɨfɔtɨ mbɨ Əzwî ə Ŋwìə̀. Mbə mbɨə ghɨ̀ ɨ̀chɔ̀m ənɨ mbə bɔŋgɔb. Mbɨ mbɨə kə̀n ənɨ wə̀d mɔʼɔ we rəbɔʼ nən nɨə zəə ŋgəʼ.

Fìlipì 2:1 교차 참조

Lk 2:25

Anyumə̀ we, wə̀d mɔ̀ʼɔ ya yaʼ a Jèrusalèm ne ikum məd ya Simìyòn. Wì ya yaʼ wə̀d ne ghìyə̀ inug ne koʼi bə̀ bèrì ibɔ Ŋwiye. Wì yaya bə̀ ghɔ̀mɔ̀ nyùmə̀ ne Ŋwiye biri ghì gha bəd Izre pum. Azwighi Ŋwiye ya yaʼ igun məd.

Jn 14:18

Chəyi mə̀ biri sàŋì awən icheg bɔn iti, mə biri ywiri yeʼe bàd awən.

Jn 14:27

Mə nàʼ àbɔrɔ̀bɔd inən. À ya àmə àbɔrɔ̀bɔd ne mə naʼi inən. Chəyi mə̀ naʼi àbɔrɔ̀bɔd inən icheg ne bəd inga isəg mbe nàʼà. Imbə̀ʼ ìtən fìŋ naʼa yi ngəʼ inən. Imbə̀ʼ mbə̰ bə bɔ awən.

Jn 17:13

Wì ya ywìrì gha, “Amad anìŋ, mə̀ ya anìŋ se yèʼe amə abɔ̀ʼ ine. Ane, mə̀ ya ghà inug mbo̰ ne mə̀ kiri yaʼi inga isəg, ni ghì gha mbɔb ya taŋ gyènde icheg inum.

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 4:32

Bəd məjìm mbe ne ya bḛ Yeso ya bèrì fìŋ imɔʼ bə̀ nɔ̀ŋì ìwɔb ikɔndi igun anug amɔʼ. Chəyi wə̀d mɔ̀ʼɔ ne yaya tàŋà ighi mɔ̀ʼɔ ane ìmbi. Mbɔb məjìm yaya ghàpà ighi ijìm mbe ne mbɔb ya bèri.

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Rm 8:26

À ya bə̀ ane ne Azwighi Ŋwiye ze wètè awa icheg ne tì bɔri. À ya ane imbə̀ʼ icheg ne chəyi tì kyeri icheg ne tì koʼi ni chàʼra Ŋwiye angu. À ya Azwighi Ŋwiye ze chàʼrà Ŋwiye atog ina. Ze ya chwèmè ghà inug ne chəyi tì tì gha.

1 Kɔrèn 12:13

Kə̀ mbə̰ kə mə̀Ju kə̀ bəd ne kayi mə̀Ju, kə̀ məfeg kə̀ bəd ne kayi məfeg, tì ya niŋ mənib anjìm Azwighi Ŋwiye ze amɔʼ. Ane, tì fə fɔti si nyàmnyɔd imɔʼ. Ŋwiye ya zì Azwighi ze amɔʼ inga ina.

1 Kɔrèn 15:31

Ìmbum məfi fɔrɔ ìtum njàbi, mə we ichug iwu ineg ijìm! À ya ane imbə̀ʼ icheg ne mə we kɔ̀mɔ̀ igo imbə̀ʼ awən icheg ne tì yaʼi ane ifɔti tì ìwa Anɔŋisəg, Yeso Kristo.

1 Kɔrèn 3:16

Kwàʼ tesiʼ tesiʼ, àkə chəyi mbə̀ kyeri gha ìtən nyàmnyɔd ya mbàn Ŋwiye. Àkə chəyi mbə bə kyèri gha Azwighi Ŋwiye ze chùghə inga ìtən nyàmnyɔd.

2 Kɔrèn 13:14

Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

2 Kɔrèn 2:14

Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 4:4

Nyàmnyɔd ya məyi imɔʼ. Azwighi ya bə̀ məyi amɔʼ. Anug ni nɔ̀ŋì ikɔndi ghɔ̀m icheg ne Ŋwiye ya kàri awən ya bə̀ məyi amɔʼ.

Fìlipì 1:8

Ŋwiye kyèri gha mə kɔ̀ŋ awən bə̀ kyèri icheg ne mə̀ kə̀bə̀ ni bàd awən mbə̰ məjìm. Ŋwiye bə̀ kyèri gha, mə kɔ̀ŋ awən kwàʼ icheg ne Yeso Kristo kɔ̀ŋ awən.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Kòlosè 2:2

Aton ya gha, mə ya kə̀bə̀ ni nəri ìtɔb fìŋ bə̀ ghì gha mbɔb yaʼ ane fìŋ ifibì bə̀ chùghi ane àkɔ̀ŋì. Àze biri ghì mbɔb taŋ bèrì iwe ni kyeri anug, imbə̀ʼ kyeri anug ze ne Ŋwiye nə̀mbi. Anug ze ya Kristo.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

Mə̀Hibrù 6:18

Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

1 Jɔn 3:24

Wə̀d ne zùgrə tikə Ŋwiye ya chùghə ane ifɔti tì məd, məd bə̀ chùghə ane ifɔti tì tengàŋ. Tì kə kyère iye gha Ŋwiye we ane ifɔti tì ina? À ya Azwighi məd ze ne wì nàʼi ina ze ghìyə̀ tì kyère.

1 Jɔn 4:12

Chəyi wə̀d mɔ̀ʼɔ ne kweʼì bàd Ŋwiye. Si ya gha, tì mə̀ ya kɔ̀ŋɔ̀ wə̀d imɔʼ imɔʼ, Ŋwiye biri yaʼ abɔ̀ʼ ina. Ane, tì biri se taŋ kɔ̀ŋɔ̀ bəd icheg ne məd bə̀ taŋ kɔ̀ŋ awa.

1 Jɔn 4:16

Ane, tè kyèri bə̀ bḛ gha Ŋwiye kɔ̀ŋ awa. Ŋwiye ya kɔ̀ŋɔ̀ bəd. Wə̀d ne kɔ̀ŋɔ̀ mə̀mbin, məd we ane anug amɔʼ tì Ŋwiye, Ŋwiye we bə̀ ane anug amɔʼ tì məd.