Fìlipì 1:6 - Ikan feg

⁶ Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

Meta’

⁶ Mə kàŋ kyerɨ ni Ŋwìə̀ we nɨ nyaʼa kɔ ə̀fàʼì ə chɔ̀m zɔ̂ ɨŋga nən bɨrɨ chè ɨmbì mbɨ əzɨ əwən pè əni ze nɨ Kristo Yeso bɨrɨ wɨrɨ yeʼe.

Fìlipì 1:6 교차 참조

Jn 6:29

Yeso ya ywìtì gha, “Anug ne Ŋwiye gha mbə̀ fàʼà ya gha: mbə̀ zìye ibḛfiŋ igun wə̀d we ne məd cha.”

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Ɨ̀fàʼì 16:14

Àyi mɔ̀ʼɔ abɔ̀ʼ mə̀yi mbe ne ya zughi inug mbe ne tì yaya ghà ya Lidiyà. Wì ya nɔ̀ʼ a Tìyàtirà. Wì yaya fḛ̀ ndwi àka inun. Wi yaya bə̀ ghùmnə Ŋwiye. Anɔŋisəg ya fìʼì fìŋ məd gha wì zìye atog ane anug ne Pɔl yaya ghà.

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

2 Kɔrèn 1:15

Mə ya fə taŋ kyèri gha à ya icheg ne ze yaʼi. À ya aton ne mə̀ ya kàʼi ni bi yeʼe inən, ni gha Ŋwiye ziye àbɔrɔ̀bɔd igun inən ane ighəm ne pè ane ibe.

2 Kɔrèn 2:3

Aton ne mə̀ ya ŋwàʼri àŋwàʼrì ze inən ane ya gha, à ya mbə̰ koʼi ni ghì gha mə̀ gyendi. Ane, chəyi mə̀ ya kə̀bi ni yeʼe mbə̀ chìkì ìmə fìŋ. Anug ne mə̀ kyeri kwàʼ icheg chɔm ya gha, anyumə̀ ne mə̀ gyènde, mbə̰ məjìm mbe bə̀ gyènde.

2 Kɔrèn 7:16

Mə gyen ako imbə̀ʼ awən imbə̀ʼ icheg ne mə we tì mə nɔ̀ŋì àmə fìŋ ijìm igun inən.

2 Kɔrèn 9:4

Bəd Kristo mɔ̀ʼɔ mə̀ nɔ̀ʼ a Màsèdonìyà yèʼe pè bàd gha chəyi mbə kiri chuʼri ìwən nyɔd, ze biri yàʼ tìnìrètog ina imbə̀ʼ icheg ne tì fə nɔŋi ìta fìŋ ijìm igun inən. Chəyi mə̀ kə̀bi ni ghàm imbə̀ʼ tìnìrètog ni mbə̰ inən biri bə bèrì.

Gàlesìyà 5:10

Mə kyèri kwàʼ icheg chɔm gha, icheg ne tì yaʼi ane ifɔti tì Anɔŋisəg, chəyi mbə̀ biri niŋ ikɔndi ndəŋ chèyi ane we ne mə̀ ya nàʼi inən. Ŋwiye biri chə wə̀d we ne zìyè àbùrì inga ìmbən itog. Kə̀ tengàŋ kə we njiʼ.

Efesùs 4:12

Wì ya ghì ane ni gha mbɔb se chwìye ikuchèg abə bəd Ŋwiye, mbi se fàʼà ibo ni ghì gha ifeti bəd Kristo kweg kòʼ.

Fìlipì 1:10

Mbə̀ ghiyə ane imbə̀ʼ kyeri icheg ni də̀b anug ne taŋ bɔ̀ŋ. Ane, mbə biri chughi inga ìzḛzḛ anene ghò pè ane aneg ze ne Yeso Kristo biri ywiri yeʼe, ne chəyi tì wì bàd anug tibɔ̀ŋ mɔ̀ʼɔ inga ìwən ìtḛ̀.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

Fìlipì 2:12

Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

Fìlipì 2:13

Mbə̀ kyeri gha, à ya Ŋwiye we fàʼà inga ìtən fìŋ ni ghì gha mbə̀ ya ghìyə̀ inug chɔm mbe ne məd kə̀bi. À ya məd we bə̀ nàʼà ika inən ni ghì inug mbe ne məd kɔ̀ŋi.

Fìlipì 2:16

Mbə̀ nyimi ikən chɔm we ne nàʼà ìtḛ̀ ni ghì gha mə biri bèrì aton ni kɔ̀m igo ane aneg ze ne Kristo biri ywiri yeʼe gha chəyi mə̀ ya nòto atog ako, kə̀ fàʼ àfàʼì ako.

Kòlosè 2:12

Mbi ya bə̀ twə̀ŋi awən tì Kristo anyumə̀ ne mbi ya zi awən inga mənib, mbə̀ niŋ mənib. Anyumə̀ ne mbi ya nɔ awən chì inga mənib ne mbə̀ yaya nìŋə mənib, à ya icheg ni gha, Ŋwiye ya bə̀ zwèmni awən ane iwu tì Kristo . Wì ya zwemni awən ane imbə̀ʼ icheg ne mbə̀ nɔŋi ìwən ibḛfiŋ igun ika Ŋwiye we ne ya zwemne Yeso ane iwu.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

2 Tès 1:11

À ya aton ne te chàʼrà Ŋwiye mà nyumə̀ ijìm imbə̀ʼ awən gha ìwa Ŋwiye ghiyə mbə̀ ya chùghə ane ikuchèg ne wì ya kàri awən gha mbə̀ chughi. Tì we bə̀ chàʼrà Ŋwiye gha, wì ghiyə mbə̀ ya fàʼà inug chɔm mbe ne mbə̀ kə̀bi ni fàʼ, bə̀ mànì àfàʼì ze ne mbə̰ mbe fàʼà anjìm ìwən ibḛfiŋ.

2 Tès 3:4

Anɔŋisəg fə ghì tì kyèri kwàʼ tesiʼ gha, mbə̰ mbe ghìyə̀ inug ne tì ya kə awən. Tè bə̀ kyèri kwàʼ tesiʼ gha mbə̰ biri chè imbìghè ni taŋ ghì inug mbe.

Filemɔ̀n 1:21

Mə kyèri gha icheg ne mə ŋwàʼrà anìŋ, àghò biri fàʼ kwàʼ icheg ne mə̀ kəbi, bì fàʼ chè.

Mə̀Hibrù 10:35

Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

2 Pità 3:10

Si ya gha, aneg ze ne Anɔŋisəg biri ywiri yeʼe biri yaʼ icheg aneg ne iji we yeʼe. Igun aneg ze; ikaŋ àbɔ̀ŋɔ biri jòʼ ane gì ka ka chè nim. Iywid biri tɔ̀n ighi ijìm mbe ne yaʼi ikaŋ àbɔ̀ŋɔ. Iywid biri bə tɔ̀n isəg bə̀ tɔ̀n ighi ijìm mbe ne yaʼi igun isəg, ghì igun isəg si yaʼ ìwi zɔbi.