Fìlipì 1:20 - Ikan feg

²⁰ Anug ne mə taŋ kə̀bə̀, ne mə bə̀ taŋ nɔ̀ŋɔ̀ ikɔndi igun ya gha, imbə̀ʼ ze nɔ̀ʼ chwi gha mə beri tìnìrètog. Mə kə̀b ni bèrì fìŋ ka ka ni gha, inga ìmbum inug ijìm, kə̀ àkə iwu kə̀ ìtḛ̀, mə biri ya ghùmnə Kristo mà nyumə̀ ijìm fɔrɔ amad anìŋ ne mə̀ yaʼi inga nəb ndəŋ .

Meta’

²⁰ Ənû nɨ mə kàŋ kə̀b bə̀ kyerɨ ni zɨə bɨrɨ jwɨ ənɨ ənû nɨ mə̀ fə bə̀ nùŋ mɨ ɨkɔndɨ ɨ wòm yɨ ni chəi mɨ ətu ə bɨrɨ nɔ nìd ɨmbə̀ʼ ənû ze nɨ mɨə ghɨ̀ə̀. Àyɨə ənɨ mɨ̀nyùmə̀ jìm, màànɨ̀ rɨ̀nîn, mə berɨ ɨka fîŋ ɨmbə̀ʼ wumnɨ ə Kristo mbɨ mɨ ɨ̀tènɨ̀ jìm, kɨ̀ à kɨ ənɨ mə̀ yeʼ ɨkǎ kɨ̀ ənɨ mə̀ fə kwɨ,

Fìlipì 1:20 교차 참조

Jn 21:19

Yeso ya ghàm ane ni chwi iku iwu ne Pità biri ku ni nàʼ ighumni abə Ŋwiye. Wì ya ghàm ane, si ghà ibo gha, “Bene abɔ̀ʼ inum!”

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 21:13

Pɔl ya ywìtì gha, “Aton ne mbə dèghè anìŋ, chìkə̀ ìmə fìŋ àkə gha? Mə fə chuʼri ìmə nyɔd ni nyi ndəŋ fɔrɔ bèyi ni ku a Jèrusalèm imbə̀ʼ ikum Anɔŋisəg Yeso.”

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Rm 12:1

Ìmbum məfi fɔrɔ ìtum njàbi, mə̀ ya anìŋ nə̀rə awən gha, icheg ne Ŋwiye chwi àsɔ̀mnəfiŋ igun ina, mbə̀ naʼa ìtən nyàmnyɔd abə Ŋwiye icheg aghi àfàtì ìzḛzḛ ne kiri biri izɔm ne Ŋwiye biri kɔ̀ŋ. À ya ikuchèg ne bɔŋi ni ghumni Ŋwiye ya iwe.

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

Rm 6:19

Mə ya nìŋə inug ne mbə̀ kyeri icheg bəd-aku ni ghàm inən anìŋ, ni ghì gha ìmbən itog zen. Mbə̰ ya kweʼì niŋ ìmbən isiŋi nyɔd icheg məfeg ni ghì izṵ inug nɔʼ nɔʼ fɔrɔ ni ghì inug izəg nɔʼ nɔʼ. Amad anìŋ, mbə̀ si niŋ ìtən nyàmnyɔd ni ghì yaʼ inug ne təmi kòʼ fɔrɔ ni ghì gha Ŋwiye so awən mbə̀ zen mànì.

Rm 8:19

Ighi ijìm mbe ne Ŋwiye tàngi mbe nyìʼè ghɔ̀mɔ̀ gha Ŋwiye ghiyə mbe kyèri bəd mbe ne ya kwàʼ bɔn məd.

Rm 9:33

A ze inga Àŋwàʼrì Ŋwiye gha, “Mbə̀ nḛ, mə fə nɔ̀ŋì iteg a Zayɔ̀n ne biri ghì bəd gùg. À ya igho ne biri ghì bəd gùg. Chəyi Ŋwiye biri zì tìnìrètog igun bəd mbe ne biri nɔ̀ŋì ìwɔb ibḛfiŋ igun məd.”

1 Kɔrèn 15:31

Ìmbum məfi fɔrɔ ìtum njàbi, mə we ichug iwu ineg ijìm! À ya ane imbə̀ʼ icheg ne mə we kɔ̀mɔ̀ igo imbə̀ʼ awən icheg ne tì yaʼi ane ifɔti tì ìwa Anɔŋisəg, Yeso Kristo.

1 Kɔrèn 6:20

Ŋwiye ya zon awən ane àka inun. Ane, mbə̀ se ghùmnə Ŋwiye ane ìtən nyàmnyɔd.

1 Kɔrèn 7:34

Ane, ikɔndi məd biri ya sàʼa inug ibe. Àyi ne chəyi wì nami kə̀ ŋwan àyi ne chəyi wì kyeri mbaŋà, wì ya zìyè atog ni fàʼ abə Anɔŋisəg. Ikɔndi məd ijìm ya ni nàʼ ìzi fìŋ ijìm fɔrɔ ìzi nyàmnyɔd ijìm abə Anɔŋisəg. Àsi àyi ne nami, wì ya zìyè atog igun ighi mbe igun isəg gha inɔm məd ya gyènde.

2 Kɔrèn 10:8

Ka mə bì kɔ̀m igo imbə̀ʼ ika we ne Anɔŋisəg nàʼi ina, chəyi tì mə bèrì tìnìrètog. Ika we ya ni ghì gha mbə̀ təm kà, kayi ni ghì gha ìtən fìŋ bɔd.

2 Kɔrèn 3:12

Icheg ne tì nɔŋi fìŋ igun àfàʼì feg azo̰, chəyi te ywìrè bɔ.

2 Kɔrèn 4:10

Ngəʼ ne te chè inga ya icheg ne Yeso ya bə zə̰ ngəʼ ku. Tì we zə̰ iku ngəʼ gho̰ ane ni ghì gha bəd ya bàrà ìtḛ̀ məd inga ina.

2 Kɔrèn 5:15

Wì ya ku igun atog abə bəd məjìm. Wì ya ku ni gha imbə̀ʼ bəd mbe ne yaʼi izɔm ywiri chùghi awɔb ane ìwɔb ighəm. Mbe si chùghi yaʼ imbə̀ʼ aməd we ne ya ku Ŋwiye zwèmni.

2 Kɔrèn 7:14

Mə ya fə kɔ̀m igo ibo imbə̀ʼ awən. Ze bɔ̀ŋ icheg ne chəyi mbə ghi mə beri tìnìrètog. Inug mbe ne tì gha inən ijìm fə dù ane tesiʼ. Mbə fə bə̀ chwi gha inug mbe ne mə̀ ya kɔ̀mi igo igun abə Tayitùs imbə̀ʼ awən fə bə̀ dù ane tesiʼ.

2 Kɔrèn 7:4

Chəyi mə̀ jə̀mə̀ awən kà. Mə ya bə̀ kɔ̀mɔ̀ ìmə igo imbə̀ʼ awən. Anyumə̀ ne tì yaʼi inga ngəʼ, mbə̰ ya nəri ìmə fìŋ bə̀ ghi mə taŋ gyènde.

Fìlipì 1:14

Anug azo̰ ne mbi zi amə inga nəb ndəŋ fə ghì gha atog ndàn bəd mbe ne bḛ Anɔŋisəg, mbe taŋ bèrì fìŋ ni ghàm Ìngam Ŋwiye gho gho imbìghè ne chəyi mbe bɔ wə̀d mɔ̀ʼɔ ka.

Fìlipì 2:17

Ka mə bì ku, àmə anəm biri yaʼ icheg mənoʼ ne mbe zìyè igun ighi àfàtì. Ighi àfàtì mbe ya àfàʼì ze ne mbə̰ mbe fàʼà abə Ŋwiye anjìm icheg ne mbə̀ nɔŋi ibḛfiŋ igun Kristo. Ane, mə we gyènde icheg ne mbə̰ məjìm mbe bə̀ gyènde.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

1 Pità 4:16

Ane, mbə̰ mə̀ ya zə̰ ngəʼ imbə̀ʼ icheg ne mbə̀ yaʼi bəd Kristo, imbə̀ʼ tìnìrètog ghiyə yi awən ka. Mbə̀ ya ghùmnə Ŋwiye gha mbə̰ mbe zə̰ ngəʼ imbə̀ʼ anug Kristo.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.