Fìlipì 1:16 - Ikan feg

¹⁶ Bəd mbe ne ghàmà ane fìŋ chɔm ya bəd ne kɔŋi amə imbə̀ʼ icheg ne mbɔb kyèri gha mbe zì amə inga nəb ndəŋ anjìm icheg ne mə ghàmà ane fìŋ ijìm gha ikən chɔm imbə̀ʼ Kristo ya tesiʼ.

Meta’

¹⁶ Mbe nɨə ghàə̀ mbɨ ə fîŋ chɔ̀m mbɨə ghɨ̀ əne mbɨ ɨghaʼi, ɨmbə̀ʼ ɨghəm nɨ mbɨ kyerɨ ni mə wɨ̀ əgha ɨmbə̀ʼ ɨchî nɨ Ŋwìə̀ naʼ ə̀fàʼì ɨ num ni mə̀ chwi ni ɨkə̂n chɔ̀m yɨ ənû rəsìʼ kaʼi mɨghab.

Fìlipì 1:16 교차 참조

1 Kɔrèn 9:17

Àmə yaʼ aghi ne mə chètè ikən chɔm imbə̀ʼ Kristo ane ìmə ighəm, nji mə biri kə̀b gha mbə naʼa chùd inum. Àmə yaʼ aghi ne kayi ane ìmə ighəm ne mə chètè ikən chɔm, nji mə ya fàʼà yaʼ anug ne Ŋwiye zi inum ikye ibo.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

Fìlipì 1:10

Mbə̀ ghiyə ane imbə̀ʼ kyeri icheg ni də̀b anug ne taŋ bɔ̀ŋ. Ane, mbə biri chughi inga ìzḛzḛ anene ghò pè ane aneg ze ne Yeso Kristo biri ywiri yeʼe, ne chəyi tì wì bàd anug tibɔ̀ŋ mɔ̀ʼɔ inga ìwən ìtḛ̀.

Fìlipì 1:12

Ìmbum məfi fɔrɔ ìtum njàbi, mə kə̀b gha mbə̀ kyeri gha, anug ne du igun inum ze wèti ni ghì gha ikən chɔm imbə̀ʼ Kristo gho gho imbìghè.

Fìlipì 1:5

Mə ya gyènde imbə̀ʼ icheg ne mbə̀ fɔti abo abɔ̀ʼ inum ni chètì ikən chɔm imbə̀ʼ Yeso Kristo nɔ̀ʼ ane aneg mbègtog ne mbə̀ ya bḛ Kristo pè tèchɔ̀ŋ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Fìlipì 2:22

Àsi Timotì, mbə̰ kyeri àzən aghi gha, məd fə chwi gha zìye ya wə̀d àfàʼì chɔ̀m. Wè fàʼ tì inum ni chètì ikən chɔm imbə̀ʼ Kristo. Wè fàʼ kwàʼ icheg ŋwan we fàʼà tì ìwi mbaʼ.

Fìlipì 4:15

Mbə̰ bəd a Fìlipì kyèri àzən aghi gha, anyumə̀ ne mə̀ ya nɔ̀ʼi a Màsèdonìyà ko gha ikən chɔm, chəyi ifeti bəd Ŋwiye ndəŋ ya wèti amə. À ya məyi mbə̰ ya wèti amə nàʼ ighi inum, mə bə̀ nàʼ ighi inən.

Fìlipì 4:3

E! mə we bə̀ gha ine, àghò ne fàʼà tì inum ane ìze fìŋ ijìm gha àghò wete mə̀yi mbo̰ ghì mbe mana àzɔb achɔb. À ya mə̀yi ne yaya kìrə ika fàʼà tì inum anyumə̀ ne mə̀ yaya chètè ikən chɔm imbə̀ʼ Kristo. Anyumə̀ we, tì yaya fàʼà tì Klemèn fɔrɔ bəd àfàʼì ndəŋ. Ìtɔb tikum ti inga àŋwàʼrì ze ne mbi ŋwàʼrì tikum bəd mbe ne biri jəg ìtḛ̀.