Fìlipì 1:11 - Ikan feg

¹¹ Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Meta’

¹¹ Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Fìlipì 1:11 교차 참조

Matìyò 5:16

Ane, mbə̰ bə ghì gha ìwən ìzḛzḛ ya zùʼə bəd məjìm ya bàrà. Bəd biri se bàrà ìmbən inug chɔm se nàʼà ighumni abə ìwən Mbaʼ we ne yaʼi ikaŋ àbɔ̀ŋɔ.”

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 15:2

Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Jn 15:8

Mbə mə̀ ya ko titam ndan ndàn ne chwìye gha mbə̰ ya ìmbum mə̀mə̀nənùg, ìmə Mbaʼ ya nìŋə ighumni.

Rm 15:28

Ane, anyumə̀ ne mə̀ mani àfàʼì azo̰ bə̀ nàʼ ighi mbe ne mbi chɔpi inɔb, mə biri chè mùg tì inən anyumə̀ ne me ghò a Spen.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

1 Kɔrèn 10:31

Ane, kə̀ mbə kə ghìyə̀ anug mɔ̀ʼɔ, kə̀ jə̀ghə kə̀ no, mbə̀ ya ghìyə̀ inug ijìm ni nàʼ ighumni abə Ŋwiye.

2 Kɔrèn 9:10

À ya Ŋwiye we nàʼà ngwèd abə wə̀d mben bə̀ nàʼà tijəg abə bəd. À ya ane ne wì biri bə yètì izən ngwèd, bə̀ yètì ighi mbe ne mbə̀ beri ni ghì gha mbə biri se nàʼà ighi nɔʼ nɔʼ abə bəd ne chəyi àzɔb.

Efesùs 1:12

Wì ya ghìyə̀ ane ni gha, mba mbe ne ya yaʼi bəd mbègtog ni nɔ̀ŋì ikɔndi igun Kristo tì ghumni Ŋwiye.

Efesùs 1:14

Azwighi Ŋwiye ze ya aneni ze ne chwìye gha tì biri jəg ighi mbe ne Ŋwiye kàʼi abə ìmbi bəd. Ane, tè kyèri gha Ŋwiye fə ghì bəd mbe ne yaʼi ìmbi məd mbi pum. Tè ghumni Ŋwiye.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Efesùs 5:9

Aton ya gha, ìzḛzḛ we ya ghìyə̀ wə̀d bere fìŋ chɔm tì ikuchèg ne təmi kòʼ bə̀ kyère tesiʼ.

Fìlipì 4:17

Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

2 Tès 1:12

Tì ya chàʼrà Ŋwiye ane ni ghì gha bəd ya ghùmnə Anɔŋisəg Yeso imbə̀ʼ awən, bə̀ ghùmnə awən imbə̀ʼ ìchɔ̀mì we ne Ŋwiye tì Anɔŋisəg Yeso Kristo ghi inən.

Tayitùs 3:14

Ìmba bəd mənyìʼ nàni icheg ni ya zìyè atog ghìyə̀ inug chɔm. Mbɔb mə̀ ya ghìyə̀ ane mbɔb biri wètì bəd ndəŋ. Ane, chəyi mbɔb biri yaʼ icheg bəd ne chəyi aghi niŋi ane inɔb.

Mə̀Hibrù 12:11

Anyumə̀ ne mbe chə bəd, ze ya se awɔb. Si ya gha, bəd mbe ne mbi chə awɔb ya bèrè chùd anjìm. Chùd ze ya gha mbi biri si təm kòʼ bə̀ bèrì àbɔrɔ̀bɔd.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

1 Pità 4:14

Bəd mə̀ ya zɔ̀mbɔ̀ awən imbə̀ʼ anug Kristo, mbə̀ kyeri gha Ŋwiye biri zì àbɔrɔ̀bɔd igun inən. Àze ya chwìye gha Azwighi ìzḛzḛ ze ne Ŋwiye we nàʼà ze igun inən.