2 Timotì 3:3 - Ikan feg

³ Chəyi bəd biri ya kɔ̀ŋɔ̀ mə̀mbin. Chəyi mbi biri ya wàʼa inug tibɔ̀ŋ ìmbi mə̀mbin. Bəd biri ya chìkə̀ tikum bəd. Chəyi bəd biri ya nyìmbe nyɔd ane anug. Bəd biri ya kɔ̀ŋɔ̀ àzɔ̀ŋì. Chəyi bəd biri ya kɔ̀ŋɔ̀ inug chɔm.

Meta’

³ Chəi mbɨ bɨrɨ neŋ bə̂d ni mbɨ yɨə bə̂d. Chəi mbɨ bɨrɨ diirɨ bə̂d. Mə bɨrɨ sɨə chə̀kɨ̀ rɨkum bə̂d cherə. Chəi mbɨ bɨrɨ yimbɨ ɨnyod. Mbɨ bɨrɨ sɨə tɔə. Mbɨ bɨrɨ ban ɨnû chɔ̀m.

2 Timotì 3:3 교차 참조

Matìyò 10:21

Wə̀d biri fen ìwi ifi gha mbe zweti. Mbaʼ biri fen ìwi ŋwan gha mbe zweti. Bɔn biri ghì tìkàtog abə ìmbɔb mə̀mbaʼ bə̀ ghì tìkàtog abə ìmbɔb mbì ngɔb, ghì gha mbe zweti awɔb.

Matìyò 4:1

Anyumə̀ ne Yeso ya fə niŋi mənib, Azwighi Ŋwiye ya ghì wì gho inga ibad zɔbi ni gha Debrə̀ kwaʼra aməd.

Lk 10:16

Yeso ya si nwḭ̀yḛ̀ ghà abə mə̀mə̀nənùg məd gha, “Wə̀d ne zughi anug ze ne mbə̰ mbe ghà, tengàŋ fə bə̀ zug àze ne mə ghà. Àsi wə̀d ne to̰ yi awən, tengàŋ bə̀ to̰ yi awum. Ane, wə̀d ne to̰ yi awum, tengàŋ bə̀ to̰ yi wə̀d we ne cha amə.”

Lk 16:14

Mə̀farìsi ya kɔ̀ŋ ikab ako. Mbɔb ya zug inug mbo̰ se zḭ̀ʼḛ̀ Yeso.

Jn 6:70

Yeso ya ywìtì gha, “Imbə̀ʼ à ya mo chɔʼi awən, mbə̰ mbo̰ ìghum chɔ̀b ibe? Si ya gha, wə̀d ifibì abɔ̀ʼ inən ya Debrə̀!”

Rm 1:29

Tiku inug tibɔ̀ŋ ijìm fə nyi zweg inga inɔb: inug tibɔ̀ŋ, àdeg, anug ni ghə̀ʼrì ighi bə kɔ̀ŋɔ̀ ni ghì inug tibɔ̀ŋ igun mə̀mbin; mbɔb fə zì atog ane anug ni ghì àdeg, anug ni zì fìŋ igun ighi bəd ndəŋ, anug ni zweti bəd, achɔb, anug ni tambi bəd fɔrɔ ane anug ni taŋ mənaŋ. Mbɔb mbe ghìyə̀ mənèghe;

Rm 1:31

Mbɔb mbe ghìyə̀ anen, chəyi mbɔb mbe kàʼà anug fàʼà; chəyi mbɔb mbe kɔ̀ŋɔ̀ bəd; chəyi mbɔb mbe bèrè àsɔ̀mnəfiŋ igun wə̀d.

1 Kɔrèn 7:5

Imbə̀ʼ wə̀d to̰ yi ni nàʼ ìwi nyɔd abə aywin, chè ni gha, mbə̰ məjìm bḛ ni chughi ane ane iki nyumə̀ mɔ̀ʼɔ imbə̀ʼ chàʼra Ŋwiye. Mbə̰ mə̀ mànì ni chàʼra Ŋwiye, mbə ywìrì fɔti ìwən nyɔd ni ghì gha imbə̀ʼ Sàtàn kwàʼra yi awən imbə̀ʼ icheg ne chəyi mbə̀ kyeri nyimbi nyɔd.

1 Kɔrèn 7:9

Si ya gha, àmə chəyi mbɔb kyeri nyimbi nyɔd, ze bɔ̀ŋ gha mbe nam awɔb. Ze bɔ̀ŋ ni nam chè ni chughi ane ne ìwɔb nyɔd we nɔ̀mɔ̀ imbə̀ʼ anug ànɔ̀kì.

1 Tèsàlonikà 4:8

Wə̀d ne to̰ yi tikə ìto̰, kayi wə̀d mɔ̀ʼɔ ne we to̰. Wì ya to̰ yaʼ Ŋwiye ne nàʼà àzi Azwighi inən.

1 Timotì 3:11

À ya bə̀ ane ne, ìmbɔb mə̀yi bèrì ni yaʼ mə̀yi ne bəd mbe ghùmnə. Kayi mə̀yi ne chìkə̀ tikum bəd. Ìmbɔb mə̀yi bèrì ni yaʼ mə̀yi ne kɔ̀ŋɔ̀ ni ghì gha bəd chughi ane àbɔrɔ̀bɔd. Ìmbɔb mə̀yi bèrì ni bə yaʼ mə̀yi ne tì bəd nɔ̀ŋì fìŋ igun inɔb ane inug ijìm.

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Tayitùs 2:3

Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.

Jems 2:6

Si ya gha, mbə̰ fə wèg wə̀d ifum. Imbə̀ʼ bəd mbe ne nyə̀mə̀ awən ya bəd ikab? Imbə̀ʼ bəd mbe ne sùŋə̀ awən ghò adiŋi isaʼi ya bəd ikab?

2 Pità 2:14

Mbɔb ya kɔ̀ŋɔ̀ anug ni ya nɔ̀kɔ̀ mə̀yi. Chəyi mbɔb mbe bɔ̀rɔ ni ghì inug tibɔ̀ŋ. Mbɔb ya sìmè bəd ne fìŋ bɔri zìye inga inug tibɔ̀ŋ. Mbɔb fə kà ka inga anug ni ghə̀ʼrə̀ ighi. Ndɔ̀n Ŋwiye ze igun inɔb.

2 Pità 2:19

Mbɔb ya ghà abə bəd ne fèbè gha mbi biri dù inga ngəʼ, ne mbɔb inɔb ya kiri məfeg abə inug tibɔ̀ŋ mbe ne ìtɔb nyàmnyɔd te ghə̀ʼrə̀. Wə̀d ya ifeg abə aghi ne beri ika igun məd.

2 Pità 3:3

Anug mbègtog ne mbə̀ beri ni wendi ya gha, inga ineg mbe ne se nwìyḛ̀, bəd ne chwìte inug ako biri yeʼe se chàpà inug tesiʼ mbe be mbə̀ nɔŋi ibḛfiŋ igun. Mbɔb biri se bène yaʼi abɔ̀ʼ inug mbe ne ìtɔb nyàmnyɔd te ghə̀ʼrə̀.

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.

Jûd 1:18

Mbi ya ghà inən gha, “Inga ineg mbe ne se ghò ane ìnwḭ, bəd ne biri ya chə̀ʼə awən biri yeʼe. Mbɔb biri ya ghìyə̀ yaʼ tiku inug te ne ìtɔb nyàmnyɔd te ghə̀ʼrə̀, ne chəyi te ghùmnə Ŋwiye.”

Ɨnû 13:15

Mbi ya sàŋì nyam kyen ze gha zì zwèghe igun aghi-ŋwiye àzi nyam kyen mbègtog, ze si yaʼ izɔm. Zì ya ghì ane ni ghì gha aghi-ŋwiye ze se ghàmà. Mbi ya bə̀ sàŋì gha wì zweti wə̀d ijìm ne chəyi wì ya bḛ ni ghumni aghi-ŋwiye ze.

Ɨnû 13:17

Chəyi tì wə̀d zon aghi kə̀ fen aghi ne chəyi wì beri aneni ze. Aneni ze ya ikum nyam ze kə̀ à ya nɔmbà ne təmi ane ikum məd.

Ɨnû 16:6

Bəd tibɔ̀ŋ ya tùti anəm ìmbe bəd fɔrɔ àzi ìmbe bədkə̀n. Ane, àghò fə nàʼ anəm inɔb gha mbe no. À ya aghi ne kòʼi ni nàʼ inɔb!”

Ɨnû 17:6

Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be. Anyumə̀ ne mə̀ ya bàri aməd, mə̀ ya yeti chè ati.