2 Timotì 1:3 - Ikan feg

³ Mə we nàʼà məyakà abə Ŋwiye we ne mə fàʼà ibo, ane fìŋ zḛ zḛ icheg ne ìmbum mə̀mbaʼ ya fàʼi. Ighəm ijìm ne mə chàʼrà Ŋwiye tisi fɔrɔ tizimi, mə we wènde awe.

Meta’

³ Mə wɨə nàʼə̀ məben-əwe əmbɨ ə Ŋwìə̀ we nɨ mɨə fàʼ ɨ bɔ mbɨ mɨ fîŋ nɨ zeŋɨ. Mə wɨə ghɨ̀ əne ɨchî nɨ mbɨ mɨ̀mbǎʼ rəŋwe nyaʼə bə̀ ghɨ̀ə̀. Mə wɨə kɔndɨ əwe ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨzimɨ mbɨ əziə.

2 Timotì 1:3 교차 참조

Lk 2:37

Àna ya yaʼ iku-àyi anene wì si tituʼ ìghum ìfàmi chɔ̀b ikwè. Chəyi wì ya kweʼè dùwə̀ inga mbàn Ŋwiye. Ineg ijìm wì yaya chùghə njèg, chàʼrà Ŋwiye, bə̀ ghùmnə Ŋwiye tisi fɔrɔ tizimi.

Ɨ̀fàʼì 22:3

“Mo ya Ju. Mbi ya gwi amə a Tasɔ̀s inga Sìlisìyà. Mə ya kweg aŋa a Jèrusalèm bə̀ kwèmbi àŋwàʼrì aton Gàmalìyè. Mə ya kwembi mə̀nɔ̀ʼɔ̀ mbe ne mbi ya nàʼi abə ìmba mə̀mbaʼ aneg. Mə yaya bə̀ zìyè atog ane àfàʼì Ŋwiye icheg ne mbə̰ məjìm mbe bə̀ zìyè.

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 24:14

Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Ɨ̀fàʼì 26:4

Mə̀ju məjìm taŋ kyèri icheg ne mə̀ yaya chùghə inga àmə aben bə̀ fɔrɔ a Jèrusalèm nɔ̀ʼ ane nyùmə̀ ne mə̀ ya yaʼi ŋwan kwa.

Ɨ̀fàʼì 27:23

Mə ya ghà anìŋ imbə̀ʼ icheg ne àkə kə̀ izimi gho̰, angirə̀ Ŋwiye we ne mə̀ yaʼi wə̀d məd, ne yaʼi Ŋwiye we ne mə ghùmnə, kə̀ yèʼe pè təm iban inum,

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

Gàlesìyà 1:14

Mə ya taŋ zì atog ane àza anug Ŋwiye mə̀Ju chè mə̀Ju nɔʼ nɔʼ ne yaʼi ìmbum bəd kàŋ. Mə ya bə̀ taŋ zì atog ni nɔ̀ŋì ikuchèg aben we ne ìmba mə̀mbaʼ ya chwiti ina.

Efesùs 1:16

chəyi mə̀ ya chughi wìtì ya nàʼà məyakà abə Ŋwiye imbə̀ʼ awən mà nyumə̀ ijìm ne mə chàʼrà Ŋwiye.

1 Tèsàlonikà 3:10

Tì we chàʼrà Ŋwiye mà nyumə̀ ijìm, tisi fɔrɔ tizimi ane ìza fìŋ ijìm gha wì naʼa apan ina ni ywiri bàd awən imbə̀ʼ ghì mbə̀ kyeri inug mbe ne chəyi mbə kiri kyeri icheg ne mbə̀ zi ìwən ibḛfiŋ igun Yeso Kristo.

1 Timotì 1:19

Nyimi ìwe ibḛfiŋ bə̀ bèrì fìŋ ne zḛ. Bəd mɔ̀ʼɔ fə waʼ anug ni nɔ̀ŋì ìtɔb fìŋ gha ti ya zḛ, ane chìkì ìwɔb ibḛfiŋ.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

1 Timotì 5:5

Iku àyi ne chəyi wə̀d ni nəngi aməd, ne chùghə tèzìʼì, wì fə nɔ̀ŋì ìwi ikɔndi ijìm igun Ŋwiye. Məd ya chè imbìghè ni ya nɔ̰ ìmbi ighi abə Ŋwiye bə̀ chàʼrà Ŋwiye dèghè inug ibo tizimi fɔrɔ tisi.

2 Timotì 1:5

Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

Mə̀Hibrù 13:8

Chəyi Yeso Kristo we kɔ̀pɔ. Icheg ne wì ya yaʼi, à ya icheg ne wì yaʼi, à ya bə̀ icheg ne wì biri yaʼ ane ighə̀m imɔʼ.