2 Tès 2:13 - Ikan feg

¹³ Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

Meta’

¹³ Mba bɔŋgɔb nɨ Ə̀nùŋɨ̀sɨg ghaʼi kwàʼ rɨŋgəʼ, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən, ɨmbə̀ʼ ɨghəm nɨ Ŋwiə̀ nyaʼa chɔʼ əwən ɨmbə̀ʼ chɨ rəŋgəʼ ənjìm ɨchî nɨ Əzwî ə Ŋwìə̀ ə ghɨ mbə zeŋ bə̀ fɔrɨ ənjìm ɨchî nɨ mbə̀ ben rəsìʼ.

2 Tès 2:13 교차 참조

Lk 1:75

ni ghì gha tì yaʼ inga ìzḛzḛ bə̀ təm kòʼ imbìghè abə Ŋwiye ane ìmba ineg ijìm.

Jn 1:1

Bɔŋ Ŋwiye ya ko ni tangi isəg, wə̀d we ne ya Ìngam ya fə se yi angu. Ìngam we ya yaʼ tì Ŋwiye. Ìngam we ya bə̀ Ŋwiye.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Ɨ̀fàʼì 13:48

Anyumə̀ ne bəd mbe ne kayi mə̀Ju ya zughi anug azo̰, mbi ya gyendi bə̀ ghùmni Ŋwiye imbə̀ʼ ìngam Anɔŋisəg we ne wì ghàmi imbə̀ʼ awɔb. Bəd məjìm mbe ne Ŋwiye ya fə chɔʼi gha mbi biri jəg ìtḛ̀ ighə̀m imɔʼ ya bḛ anug ze ne mbi yaya ghà imbə̀ʼ Kristo.

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Rm 8:33

Wə̀d ne zìyè isaʼi igun bəd mbe ne Ŋwiye chɔ̀ʼi àkə we? Ŋwiye fə ghà kwàʼ zìye zìye gha chəyi mbi gughi anug.

Rm 9:11

Bɔŋ mbi ya se gwìye bɔn mbe, Ŋwiye ya fə ghàm imbə̀ʼ awɔb. Wì ya fə ghàm ane ne chəyi mbi kiri fàʼi anug chɔm kə̀ anug tibɔ̀ŋ. Ze ya yaʼ ane ni ghì gha, inug yaʼ icheg ne Ŋwiye kə̀bi.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

Gàlesìyà 3:1

Mə ya anìŋ ghà inən gha, mbə̰ məGàlesìyà ya kwàʼ inen. Wə̀d ne nùʼi awən àkə we? Mbi ya tòʼrì inən ze dù zen gha Yeso Kristo ya mbi ya kɔ̀mbi igun azed abaʼri!

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Kòlosè 1:5

Ìwən ibḛfiŋ fɔrɔ àzən àkɔ̀ŋì ya imbə̀ʼ icheg ne mbə̀ nɔŋi ikɔndi ni ghɔ̀m inug mbe ne Ŋwiye kàʼi ni nàʼ inən ikaŋ àbɔ̀ŋɔ. À ya inug mbe ne mbə̀ fə zughi inga ìngam tesiʼ we ne yaʼi ikən chɔm imbə̀ʼ Kristo.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

1 Tèsàlonikà 1:4

Ìmba məfi fɔrɔ ìta njàbi ne Ŋwiye kɔ̀ŋi, tè kyèri gha à ya Ŋwiye chɔ̀ʼi awən gha mbə̀ yaʼ ìmbi bəd.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

1 Tèsàlonikà 4:7

Chəyi Ŋwiye ya kàri awa gha tì ya ghìyə̀ inug tibɔ̀ŋ. Wì ya kàrì awa gha tì chughi ane ikuchèg ne zḛ.

1 Tèsàlonikà 5:9

Chəyi Ŋwiye ya chɔʼi awa ni zì ngəʼ igun ina. Wì ya chɔʼ awa yaʼ ni chì awa inga ngəʼ anjìm Anɔŋisəg Yeso Kristo.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

2 Tès 2:10

Wì biri ghì tiku inug tibɔ̀ŋ nɔʼ nɔʼ ni tambi bəd mbe ne biri ku nim. Mbɔb biri ku nim imbə̀ʼ icheg ne chəyi mbi ya kɔ̀ŋi ni bḛ tesiʼ ni pum.

2 Tès 2:12

À ya ane ne bəd məjìm mbe ne ya to̰ awɔb tesiʼ, zì ìwɔb ibḛfiŋ yaʼ igun inug izəg biri ku nim.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

2 Timotì 2:15

Àghò kirə ika ijìm ni təm imbìghè abə Ŋwiye icheg wə̀d àfàʼì ne Ŋwiye bḛ gha wè kòʼ. Təm icheg wə̀d àfàʼì ne chəyi wì beri tìnìrètog, bə̀ təm icheg wə̀d àfàʼì ne nyimi tesiʼ we ne yaʼi inga Ìngam Ŋwiye kwàʼ icheg chɔm.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

Mə̀Hibrù 1:10

Ŋwiye ya ywìrì ghà imbə̀ʼ Ŋwan məd gha, “O Anɔŋisəg, àghò ya tangi isəg bə̀ tàngi ikaŋ àbɔ̀ŋɔ ane ìmbe ibo bɔŋ isəg ya se ko.

Jems 1:18

À ya məd zìye ya kɔ̀ŋi ni chè anjìm ìngam məd ne yaʼi ìngam tesiʼ ni ghì awa gha tì yaʼ bəd məd. Wì ya niŋ awa ni ghì gha tì bere ati mbègtog inga ighi ijìm ne məd ya tangi.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

1 Jɔn 4:19

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.