2 Jɔn 1:10 - Ikan feg

¹⁰ Ane, wə̀d mɔ̀ʼɔ mə̀ yèʼe inən ne chəyi we chwìte inug mbo̰, imbə̀ʼ mbə̰ niŋ awən məd inga ìmbən ichan kə̀ bì chàʼrì aməd.

Meta’

¹⁰ Wə̀d mɔʼɔ mɨ yeʼe əsɨ nən nɨ chəi wɨə chwi ɨkə wɔ̂, tɨ mbə̀ nɨŋ ə məd əkwɨ nən kɨ̀ bè chàʼrɨ̀ əməd.

2 Jɔn 1:10 교차 참조

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

1 Kɔrèn 5:11

Anug ne mə ghà ya gha, imbə̀ʼ mbə̰ ya jə̀grə awən tì wə̀d ne gha zìye ya wə̀d Kristo bə̀ ywìrè kiri ghìyə̀ ifanì inug, kə̀ ghùmnə mə̀ŋwiye, kə̀ chìkə̀ tikum bəd, kə̀ no be, kə̀ bə̀ jìye, kə̀ bə̀ ghə̀ʼrə̀ ighi bəd ndəŋ. Imbə̀ʼ mbə̰ bi chughi awən aseg ni jəg tì iku wə̀d we.

2 Tès 3:14

Wə̀d mɔ̀ʼɔ mə̀ yaʼ abɔ̀ʼ inən ne chəyi we zùgrə tikə ìto̰ ne tì ŋwàʼri inga àŋwàʼrì azo̰, mbə̀ nɔŋɔ ighə igun tengàŋ. Mbə̀ kye awən ane iku wə̀d we ni ghì gha wì bere tìnìrètog.

2 Tès 3:6

Ìmba məfi fɔrɔ ìta njàbi, tì ya ghà inən ane ikum Anɔŋisəg Yeso Kristo gha, imbə̀ʼ mbə̰ ya jə̀grə̀ awən tì bəd Kristo mbe ne ghìyə̀ igwed, ne chəyi mbe bə̀ zùgrə tikə te ne tì ya nàʼi inən.

Tayitùs 3:10

Àghò pati wə̀d ne zìyè àghàpì inga bəd ighə̀m imɔʼ kə̀ aghəm abe. Wì mə chè imbìghè ni zì àghàpì, imbə̀ʼ àghò ywirì bere awe anug mɔ̀ʼɔ ni ghì tì məd.

2 Jɔn 1:11

Wə̀d ne chàʼri iku wə̀d we, tengàŋ fə bə̀ fɔ̀ti abɔ̀ʼ məd ane inug izəg məd.

3 Jɔn 1:10

Anyumə̀ ne mə̀ biri yeʼe, mə biri mə̀tì inug tibɔ̀ŋ mbe ne məd we ghìyə̀ bə̀ mə̀tì tìngam tibɔ̀ŋ te ne məd we ghàmà imbə̀ʼ awa. Icheg ni gha chəyi inug tibɔ̀ŋ məd kiri koʼi, məd we to̰ yi ni niŋ məfi mbin ne yḛ̀ nè ghàmà Ìngam Ŋwiye inga ifeti bəd Kristo. Mə biri bə mə̀tì icheg ne məd we bə̀ ghà abə bəd ndəŋ gha imbə̀ʼ mbi niŋ awɔb bəd mbe. Məd fə bə̀ kamni bəd Kristo mbe ne kə̀bə̀ ni niŋ bəd mbe, chì inga ifeti bəd Kristo.