2 Jɔn 1:1 - Ikan feg

¹ À ya mo Jɔn, ne yaʼi atog wə̀d igun ifeti bəd Kristo ŋwàʼri àŋwàʼrì azo̰. Mə ya ŋwàʼrà anìŋ ine àghò àyi kyen we ne Ŋwiye ya chɔʼi fɔrɔ abə ìmbe bɔn. Mə taŋ kɔ̀ŋ awən kwàʼ tesiʼ. Kayi məyi mo kɔ̀ŋi awən. Bəd məjìm ne kyeri tesiʼ imbə̀ʼ Ŋwiye bə̀ kɔ̀ŋ awən.

Meta’

¹ À yɨə mɔ̌, nɨ mə̀ yeʼ wə̀d we nɨə chà ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Əyi kyeŋ we nɨ Ŋwìə̀ nyaʼa chɔʼɔ fɔrɨ əmbɨ mbe bɔn. Mə kàŋ ghaʼ əwən ənɨ rəsìʼ. Kaʼ àmei mɔ̌ ghaʼ əwən, bə̂d mɨjìm mbe nɨ kyerɨ rəsìʼ we nɨ tɨə ghàə̀ bə̀ ghaʼ əwən.

2 Jɔn 1:1 교차 참조

Lk 1:3

Wə̀d kyen Tìyofilùs, icheg ne mə fə nwḛ inug mbo̰ ijìm kwàʼ igun ibɔʼì, nɔ̀ʼ ane mbi ya ko ko, mə bə̀ kɔ̀ndi gha mə ŋwaʼra ine kwàʼ icheg ne mbi ya du.

Jn 8:32

Mbə̰ biri kyeri tesiʼ, ane, tesiʼ we biri pumni awən.”

Ɨ̀fàʼì 11:30

Mbi ya chɔ̀pì ighi mbe ane, nàʼ abə Bànabàs tì Sɔl gha mbe niŋ ghò zì ikye abo abə itog bəd Kristo mbe a Jùdeyà.

Rm 16:13

Mbə̀ chaʼra Rufùs. Àfàʼì məd abə Anɔŋisəg fə dù zen icha. Mbə̀ bə chàʼrì ngɔb məd we ne ya niŋi amə kwàʼ icheg ìwi ŋwan.

Gàlesìyà 2:14

Anyumə̀ ne mə̀ ya bàri gha chəyi mbɔb mbe bène abɔ̀ʼ tesiʼ we ne yaʼi inga ikən chɔm, mə̀ ya ghàm kyen abə Pità kwàʼ imbìghè abə bəd məjìm. Mə ya kyen ibo gha, “Àghò ya Ju, si ya gha, chəyi àghò we ghìyə̀ inug icheg Ju. Àghò ya ghìyə̀ inug yaʼ icheg wə̀d ne kayi Ju. Àghò kə se ghìyə̀ gha bəd mbe ne kayi mə̀Ju mənyìʼ ghì inug ane ikuchèg aben mə̀Ju iye?”

Gàlesìyà 2:5

Chəyi tì ya bḛ anug ze ne mbɔb yaya ghà ka bèyi iki piʼì, ni ghì gha mbə̀ che imbìghè ni nyimi ikən chɔm tesiʼ we ne tì ya gha inən.

Gàlesìyà 3:1

Mə ya anìŋ ghà inən gha, mbə̰ məGàlesìyà ya kwàʼ inen. Wə̀d ne nùʼi awən àkə we? Mbi ya tòʼrì inən ze dù zen gha Yeso Kristo ya mbi ya kɔ̀mbi igun azed abaʼri!

Gàlesìyà 5:7

Mbə̰ yaya ghìyə̀ inug kwàʼ icheg chɔm. Wə̀d ne si bùrì ìmbən itog ghì gha mbə̀ waʼ ikuchèg tesiʼ gho̰ àkə we?

Kòlosè 1:5

Ìwən ibḛfiŋ fɔrɔ àzən àkɔ̀ŋì ya imbə̀ʼ icheg ne mbə̀ nɔŋi ikɔndi ni ghɔ̀m inug mbe ne Ŋwiye kàʼi ni nàʼ inən ikaŋ àbɔ̀ŋɔ. À ya inug mbe ne mbə̀ fə zughi inga ìngam tesiʼ we ne yaʼi ikən chɔm imbə̀ʼ Kristo.

1 Timotì 2:4

Ŋwiye we kə̀bə̀ gha bəd məjìm kyeri tesiʼ pum.

Mə̀Hibrù 10:26

Tì mə niŋ isɔbi anug ni chè imbìghè ni ghì inug tibɔ̀ŋ anyumə̀ ne tì fə kyeri tesiʼ, chəyi ywìrè aghi àfàtì mɔ̀ʼɔ ne mbi biri nàʼ imbə̀ʼ ìmba inug tibɔ̀ŋ.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

1 Pità 5:13

Ifeti bəd Kristo we a Babilɔ̀n we chàʼrà awən. À ya Ŋwiye ya bə̀ chɔʼ awɔb. Mag ne yaʼi ìmə ŋwan inga anug Kristo we bə̀ chàʼrà awən.

1 Jɔn 2:21

Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.

1 Jɔn 3:18

Ìmbum məfi ne mə̀ taŋ kɔ̀ŋ, imbə̀ʼ tì kɔŋɔ awa bəd məyi ane ìngam ichug. Tì ya chwìye gha tè kɔ̀ŋ bəd ane ìta tìghinùg fɔrɔ ane icheg ne te ghà tesiʼ.

2 Jɔn 1:13

Bɔn ìmbi ìze njàbi ze ne Ŋwiye chɔ̀ʼi mbe chàʼrà awe.

2 Jɔn 1:5

Amad anìŋ, mə ya ŋwàʼrà anìŋ ine, àghò àyi kyen ne mə̀ taŋ kɔ̀ŋ. Kayi ikə feg ne mə ŋwàʼrà. À ya ikə ne mbi ya nàʼi ina kwàʼ ane nyùmə̀ ne tì ya bḛ Yeso Kristo. Ikə gho̰ ya gha, tì ya kɔ̀ŋɔ̀ wə̀d imɔʼ imɔʼ ne yaʼi abɔ̀ʼ ina.

3 Jɔn 1:1

À ya mo ne yaʼi atog wə̀d igun ifeti bəd Kristo, ŋwàʼri àŋwàʼrì azo̰. Mə ya ŋwàʼrà anìŋ ine àghò Gayòs, ìmə ìsə̀ʼ ne mə̀ taŋ kɔ̀ŋ.