2 Kɔrèn 6:6 - Ikan feg

⁶ Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

Meta’

⁶ Tɨ̀ wɨə chwiə ni tɨ yɨə bə̂d nɨ zeŋɨ. Tɨ̀ wɨə chwiə ni tɨə kyerɨ ənû. Tɨ̀ wɨə yimə fîŋ. Tɨ̀ wɨə ghɨ̀ ɨ̀chɔ̀m. Əzwî ə Zeŋɨ ə zɨ ɨŋga na. Tɨ̀ wɨə ghaʼə bə̂d ənɨ ta fîŋ rɨ̀jìm.

2 Kɔrèn 6:6 교차 참조

Rm 12:9

Wə̀d ya kɔ̀ŋɔ̀ bəd ane ìzi fìŋ ijìm. Wə̀d ijìm ba̰ inug tibɔ̀ŋ. Wə̀d ijìm taŋ nyìmi inug ne yaʼi inug chɔm.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

1 Kɔrèn 13:4

Àkɔ̀ŋì ze ghìyə̀ gha bəd beri inyimbifiŋ. Àkɔ̀ŋì ze bə̀ ghìyə̀ gha bəd ya fàʼà inug chɔm. Chəyi àkɔ̀ŋì ze ghìyə̀ gha wə̀d ya bèrè àdeg, kə̀ gha wə̀d ya kɔ̀mɔ̀ igo, kə̀ bə̀ gha wə̀d ya nɔ̀rɔ̀ nyɔd.

1 Kɔrèn 2:16

A ze inga Àŋwàʼrì Ŋwiye gha, “Wə̀d ne kyeri anug ne Anɔŋisəg we kɔ̀ndɔ ne tì wì nàʼ ikə ibo àkə we?” Àsi mba, tè kyèri inug ne Yeso Kristo we kɔ̀ndɔ.

1 Kɔrèn 2:4

Chəyi mə̀ ya ghàmi inug mbo̰ inən ane iwe fɔrɔ ane ìngam nəmi nəmi. Mə yaya ghàmà məyi icheg ne Azwighi Ŋwiye yaya nàʼà ika inum.

2 Kɔrèn 1:23

Ŋwiye kyèri ìmə fìŋ gha mə̀ ya ghà tesiʼ gha, chəyi mə̀ ya ywirì yèʼe a Kɔrèn icheg ne mə̀ ya kàʼi imbə̀ʼ icheg ne chəyi mə̀ ya kə̀bi ni pè ghàm gaŋ inən, ighəm mɔ̀ʼɔ chìkì ìtən fìŋ.

2 Kɔrèn 11:11

Mə kə ghàmà anìŋ imbə̀ʼ icheg ne chəyi mə̀ kɔ̀ŋɔ̀ awən? Indèʼ! Ŋwiye kyèri gha mə kɔ̀ŋ awən.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

2 Kɔrèn 11:6

Ka chəyi mə̀ taŋ kyèri icheg ni ghàm inga bəd, tesiʼ ya gha, mə kyèri inug. Tì fə taŋ tòʼri inug mbo̰ inən ane ikuchèg ijìm.

2 Kɔrèn 12:15

Mə biri gyen ni nàʼ ighi ijìm ne mə beri bə̀ nàʼ àmə atog imbə̀ʼ awən. Mə mə̀ taŋ kɔ̀ŋ awən anìŋ, mbə wa biri si kɔ̀ŋ amə məyi iki piʼì?

2 Kɔrèn 13:10

À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.

2 Kɔrèn 2:10

Mə biri bə waʼ inug tibɔ̀ŋ abə wə̀d ne mbə̀ fə waʼi inug tibɔ̀ŋ məd. Àmə yaʼ aghi ne anug tibɔ̀ŋ mɔ̀ʼɔ yaʼi angu ni waʼ, nji mə biri ghì ane imbə̀ʼ awən imbìghè abə Yeso Kristo.

2 Kɔrèn 2:4

Anyumə̀ ne mə̀ yaya ŋwàʼrà àŋwàʼrì ze inən mə yaya sɔ̀mnɔ̀, ibəʼ ya bə̀ yaʼ inum inga fìŋ, mə se dèghè. Chəyi mə̀ ya ŋwàʼri ni chìki ìtən fìŋ. Mə ya ŋwàʼrì ni chwi icheg ne mə̀ taŋ kɔ̀ŋ awən mbə̰ məjìm.

2 Kɔrèn 3:3

Ìwən ikuchèg chwi ze dù zen gha àŋwàʼrì ze ya Kristo ŋwàʼri chà awa tì yèʼe tì àzewən. Àŋwàʼrì ze ya kayi mbi ŋwàʼrì ane ìkɔŋ àŋwàʼrì igun ja kə̀ igun iba igho. À ya Kristo Ŋwàʼri inga fìŋ abə bəd ane Azwighi Ŋwiye we ne yaʼi izɔm.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 7:2

Mbə̀ fiʼi ìtən fìŋ ina. Chəyi tì gùghi anug abə wə̀d. Chəyi tì tambi wə̀d mɔ̀ʼɔ. Chəyi tì nyəʼi wə̀d mɔ̀ʼɔ jəg aghi məd.

Gàlesìyà 3:2

Mə biri kɔ̀ŋ ni kyeri anug amɔʼ inən; Ŋwiye kə̀ ya nàʼ àzi Azwighi inən imbə̀ʼ icheg ne mbə̀ ya nɔŋi mə̀nɔ̀ʼɔ̀ kə̀ imbə̀ʼ icheg ne mbə̀ ya zughi ikən chɔm imbə̀ʼ Kristo, bḛ?

Gàlesìyà 3:5

Ŋwiye kə nàʼà àzi Azwighi inən bə̀ ghìyə̀ iyeti inug inən imbə̀ʼ icheg ne mbə̀ ya nɔ̀ŋɔ̀ mə̀nɔ̀ʼɔ̀ kə̀ imbə̀ʼ icheg ne mbə̀ zùghə ikən chɔm, bḛ?

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 3:4

Mbə̰ mə̀ fɔŋ inug mbo̰ ne mə̀ ŋwaʼri, ìmbən itog biri zen imbə̀ʼ inug mbe ne yaʼi inə̀mbi imbə̀ʼ Kristo ne mə̀ kyeri.

Efesùs 4:2

Mbə̀ ya swìye ìwən nyɔd aseg. Mbə̀ chughi ane àbɔrɔ̀bɔd. Mbə̀ ya nyìmbe fìŋ tì mə̀mbin. Àze biri ya chwìye gha mbə̰ mbe kɔ̀ŋɔ̀ bəd məjìm.

Efesùs 4:32

Mbə̀ ya ghìyə̀ inug chɔm bə̀ bèrè àsɔ̀mnəfiŋ igun mə̀mbin bə̀ waʼ inug tibɔ̀ŋ bəd kwàʼ icheg ne Ŋwiye che anjìm Kristo waʼ ìmbən tì inug tibɔ̀ŋ.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

Kòlosè 2:3

Ŋwiye nə̀mbì iwe ijìm fɔrɔ ika ni kyeri inug inga Kristo.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

1 Tèsàlonikà 2:10

Mbə̰ kyèri, Ŋwiye bə̀ kyèri gha ìwa ikuchèg tì inən ya zen. Tì yaya ghìyə̀ inug ne koʼi bə̀ ghìyə̀ inug ne chəyi tì wə̀d mɔ̀ʼɔ abɔ̀ʼ mbə̰ mbe ne bḛ Kristo ghà anug tibɔ̀ŋ mɔ̀ʼɔ imbə̀ʼ awa.

1 Timotì 4:12

Imbə̀ʼ àghò saŋa awe gha wə̀d mɔ̀ʼɔ chapa awe imbə̀ʼ icheg ne àghò yaʼi ŋwan kwa. Àghò bèrì ni yaʼ icheg aməgrì abə bəd mbe ne bḛ Kristo ane ìwe ìngam ichug fɔrɔ ane ìwe ikuchèg fɔrɔ ane icheg ne àghò we kɔ̀ŋɔ̀ bəd fɔrɔ ane ikuchèg ne àghò tə̀mi kà inga ìwe ibḛfiŋ fɔrɔ ane icheg ne àghò we bə̀ ghìyə̀ inug ne zḛ.

1 Timotì 5:2

Àghò ya ghìyə̀ inug tì mə̀yi mbe ne yaʼi bəd kyen ine icheg ni gha mbɔb ya ìmbe mbì ngɔb. Àghò ya bə̀ ghìyə̀ inug inga ìzḛzḛ tì bɔn àyi icheg ni gha mbɔb ya ìte njàbi.

2 Timotì 3:10

Timotì, Àghò kyèri inug ijìm ne mə̀ yaya chwìte abə bəd, bə̀ kyèri icheg ne mə̀ yaya chùghə. Àghò kyèri atog anug ne mə̀ ya nɔŋi ìmə ìtḛ̀ igun, fɔrɔ icheg ne mə̀ ya nɔŋi ìmə ibḛfiŋ inga Yeso. Àghò kyèri icheg ne mə̀ ya beri inyimbifiŋ, bə̀ kyèri icheg ne mə̀ yaya kɔ̀ŋɔ̀ bəd. Àghò bə̀ kyèri icheg ne mə̀ yaya nyìʼè fìŋ inga nyùmə̀ ngəʼ.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.

Tayitùs 2:7

Àghò ine, ya ghìyə̀ yaʼ inug chɔm gha mbɔb bara, kɔ̀pi ìtɔb fìŋ. Àghò chwiti tesiʼ inɔb ane ìzi fìŋ ijìm.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Jɔn 3:18

Ìmbum məfi ne mə̀ taŋ kɔ̀ŋ, imbə̀ʼ tì kɔŋɔ awa bəd məyi ane ìngam ichug. Tì ya chwìye gha tè kɔ̀ŋ bəd ane ìta tìghinùg fɔrɔ ane icheg ne te ghà tesiʼ.