2 Kɔrèn 5:9 - Ikan feg

⁹ Ane, kə̀ tì kə inga nyàmnyɔd ìzo̰ igun isəg aŋa, kə̀ abɔ̀ʼ Anɔŋisəg, tì ya ghìyə̀ ìwa ika ijìm gha Anɔŋisəg ya gyènde tì ina.

Meta’

⁹ Əne, kɨ̀ tɨ kɨ ɨŋga nyamnyod zɔ̂, kɨ̀ ənɨ tɨ fə saŋ nyamnyod zɔ̂, ənû nɨ tɨ̀ kə̀bɨ yɨ ni fîŋ Ə̀nùŋɨ̀sɨg bɔŋ ə.

2 Kɔrèn 5:9 교차 참조

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Ɨ̀fàʼì 10:35

Məd we nìŋə bəd inga iben ijìm ne ghùmnə aməd bə̀ ghìyə̀ inug ne koʼi.

Rm 14:18

Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

Rm 14:8

Kə̀, àmə yaʼ aghi ne tì yaʼi izɔm, tì yaʼ izɔm ni ya nàʼà ighumni abə Anɔŋisəg. Kə̀ tì mə ku, à ya ni nàʼ ighumni abə Anɔŋisəg. Ane, kə̀ tì yaʼ izɔm, kə̀ tì ku, mba ya bəd Anɔŋisəg.

Rm 15:20

Mə ya kà kɔ̀ŋɔ̀ ni niŋ ikən chɔm gho̰ imbə̀ʼ Kristo ghò chètì inga isiŋi mbe ne chəyi bəd kə kweʼì zug. Chəyi mə̀ kə̀bi ni yḛ̀ inga isiŋi mbe ne bəd ndəŋ fə bi kweʼì chè angu tì ikən chɔm gho̰ imbə̀ʼ Yeso Kristo.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

2 Kɔrèn 5:6

Ane, chəyi te jə̀mə̀ inug mbo̰. Tè kyèri kwàʼ tesiʼ gha, icheg ne tì yaʼi izɔm inga nyàmnyɔd igun isəg aŋa, agha ne tì yaʼi ane Anɔŋisəg ze sà.

2 Kɔrèn 5:8

Tè kyèri kwàʼ tesiʼ tesiʼ gha, ze bɔ̀ŋ ni yaʼ abɔ̀ʼ Anɔŋisəg chè icheg ni yaʼ inga nyàmnyɔd ìzo̰ igun isəg aŋa.

Efesùs 1:6

Ane, tì ghumni Ŋwiye ane ìchɔ̀mì kyen məd we ne wì nàʼi ina abu abu anjìm Ŋwan məd we ne wì kɔ̀ŋi.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 1:29

Mə we kìrə ika ghìyə̀ inug ijìm ni fàʼ anug azo̰ ane ika we ne Kristo nàʼi inum.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

1 Tèsàlonikà 4:11

Mbə̀ kirə ika ni ghì inug ijìm imbə̀ʼ chughi ane àbɔrɔ̀bɔd. Imbə̀ʼ mbə̰ si ya zìyè awən ìwən ichug inga inug bəd ndəŋ. Wə̀d ziye atog yaʼ ane àzi àfàʼì bə̀ fàʼ ane ìmbi ibo icheg ne tì ya gha inən.

1 Timotì 4:10

Tì ya ghìyə̀ ika ijìm ni taŋ fàʼ imbə̀ʼ icheg ne tè nɔ̀ŋì ìwa ikɔndi igun Ŋwiye ne yaʼi izɔm. Məd ya Ŋwiye we ne pùmnə bəd məjìm. Wì ya taŋ zìyè atog ni pumni bəd mbe ne bḛ aməd.

Mə̀Hibrù 12:28

Ane, icheg ne te nìŋə anug ìfɔ̀n ne chəyi tì aghi mɔ̀ʼɔ ghì ze ghùd, tì ya nàʼà məyakà abə Ŋwiye bə̀ se ghùmnə aməd ane icheg ne koʼi. Tì ya ghùmnə ane nè bɔ Ŋwiye inga ìta fìŋ.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.