2 Kɔrèn 5:19 - Ikan feg

¹⁹ Ane ya gha, Ŋwiye ya chè anjìm Kristo mànì achɔb tì bəd ni gha tì yaʼ bəd məd. Chəyi wì ya taŋi inug tibɔ̀ŋ bəd zì igun inɔb. Wì ya zì ikən imbə̀ʼ anug ni mànì achɔb inga ìta tikye ibo gha tì se ghà abə bəd.

Meta’

¹⁹ Əne yɨ ni, Ŋwiə̀ nyaʼa chè ənjìm ə Kristo màànɨ̀ taŋ mbɨ ə bə̂d ɨmbə̀ʼ mbɨ yeʼ bə̂d ɨməd. Chəi wɨ̀ nyaʼa taŋ tɨ̀gurɨ-ɨnû bə̂d ɨgwɨ mɨ̀mə̌d. Wɨ̀ nyaʼa zɨ̀ ɨkə̂n ɨmbə̀ʼ ənû nɨ maanɨ taŋ ɨŋga ta rɨkyerɨ-ɨbɔ ni tɨ sɨə ghà əmbɨ ə bə̂d.

2 Kɔrèn 5:19 교차 참조

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Jn 14:20

Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Rm 11:15

Anyumə̀ ne Ŋwiye ya to̰ awɔb, bəd igun isəg ne ya yaʼi bəd ìpàb Ŋwiye ya kɔpɔ si mə̀sə̀ʼ məd. Ŋwiye kə mə̀ ywìrì bḛ awɔb, inug biri si yaʼ iye? Ze biri yaʼ icheg wə̀d ne zweme ane iwu.

1 Kɔrèn 13:5

Chəyi àkɔ̀ŋì ze ghìyə̀ gha bəd ya ghìyə̀ ichug, kə̀ gha wə̀d ya kə̀bə̀ gha nji ighi ijìm yaʼ ìmbi məd. Chəyi àkɔ̀ŋì ze ghìyə̀ gha wə̀d ya zàmbà gàŋa, kə̀ gha wə̀d ya nìŋə inug tibɔ̀ŋ ijìm ne bəd mbe ghìyə̀ ibo nyìme inga fìŋ.

Kòlosè 2:9

Aton ya gha, ka Kristo ya yeʼe igun isəg icheg wə̀d, məd ya kwàʼ Ŋwiye ane inug ijìm.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.