2 Kɔrèn 3:6 - Ikan feg

⁶ Wì fə ghì tì koʼ ni yaʼ bəd àfàʼì məd inga ikan feg. Ikan feg kayi mbi ŋwaʼri ŋwaʼri. À ya ikan ne Ŋwiye wàri ane àzi Azwighi. Mə̀nɔ̀ʼɔ̀ ne mbi ŋwaʼri ŋwàʼri ya yèʼe tì iwu, àsi Azwighi ze yèʼe tì ìtḛ̀.

Meta’

⁶ Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

2 Kɔrèn 3:6 교차 참조

Matìyò 13:52

Wì ya si ghà inɔb gha, “Icheg ne ze yaʼi anìŋ, àchwitì mə̀nɔ̀ʼɔ̀ ne bə̀ŋə ane àmə̀nənùg inga anug ìfɔ̀n ikaŋ ya icheg wə̀d ne nyi inga ìzi ngən, chì ighi anun ijìm tì ighi feg ijìm chà isəg.”

Matìyò 26:28

Aŋa ya àmə anəm ne Ŋwiye fə niŋi ni wàd ikan feg tì inən angu. Anəm azo̰ ya àze ne biri chəmbi imbə̀ʼ ìtḛ̀ bəd nɔʼ nɔʼ ni ghì gha Ŋwiye waʼ ìmbɔb inug tibɔ̀ŋ.

Mk 14:24

Wì ya ghà inɔb gha, “Aŋa ya àmə anəm ne Ŋwiye fə niŋi sɔb ikan feg tì inən. Anəm azo̰ ya anəm ne mə̀ tuti imbə̀ʼ bəd nɔʼ nɔʼ.

Lk 22:20

Anyumə̀ ne mbi ya jəghi, wì ya bə̀ niŋ itoʼ mənoʼ ze, si gha, “Itoʼ ìzo̰ ya ikan feg ne Ŋwiye wàri tì inən ane àmə anəm ze ne tuyə imbə̀ʼ awən.

Jn 5:21

Icheg ne Mbaʼ we zwèmne bəd nàʼà ìtḛ̀ inɔb, à ya icheg ne Ŋwan we bə̀ nàʼà ìtḛ̀ abə bəd mbe ne məd kɔ̀ŋi.

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 3:20

Chəyi wə̀d mɔ̀ʼɔ angu ne təmi kòʼ imbìghè abə Ŋwiye imbə̀ʼ icheg ne we ghìyə̀ inug ne mə̀nɔ̀ʼɔ̀ gha. Mə̀nɔ̀ʼɔ̀ ya ghìyə̀ bəd kyeri gha mbɔb mbe ghìyə̀ inug tibɔ̀ŋ.

Rm 4:15

À ya ane imbə̀ʼ icheg ne mə̀nɔ̀ʼɔ̀ yaya nɔ̀rɔ̀ agaŋ Ŋwiye. Chəyi wə̀d we gùghə̀ mə̀nɔ̀ʼɔ̀ asiŋi ne chəyi mə̀nɔ̀ʼɔ̀ yaʼi angu.

Rm 4:17

A ze inga Àŋwàʼrì Ŋwiye gha; “Mə fə ghì gha àghò si yaʼ mbaʼ abə iben nɔʼ nɔʼ.” À ya Ŋwiye we ne Abràham ya nɔŋi ibḛfiŋ igun ne beri ika ni zwèmni iwu bəd nàʼ ìtḛ̀ inɔb. À ya məd bə bèrì ika ni ghì gha ighi ne chəyi angu mbe yaʼ.

Rm 7:6

Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 11:25

À ya bə̀ ane ne, anyumə̀ ne mbi ya fə jəghi mànì, wì ya bə̀ niŋ toʼ mənoʼ ghà gha, “Toʼ mənoʼ ìzo̰ ya àmə anəm ne mə̀ wàri ikan feg inga. Mbə̀ ya no anìŋ mà nyumə̀ ijìm ni ya wènde amə.”

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

1 Kɔrèn 3:10

Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

2 Kɔrèn 11:23

Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

2 Kɔrèn 3:3

Ìwən ikuchèg chwi ze dù zen gha àŋwàʼrì ze ya Kristo ŋwàʼri chà awa tì yèʼe tì àzewən. Àŋwàʼrì ze ya kayi mbi ŋwàʼrì ane ìkɔŋ àŋwàʼrì igun ja kə̀ igun iba igho. À ya Kristo Ŋwàʼri inga fìŋ abə bəd ane Azwighi Ŋwiye we ne yaʼi izɔm.

2 Kɔrèn 3:7

Mə̀nɔ̀ʼɔ̀ Muse ya mbi ya ŋwàʼi igun iba igho. Anyumə̀ ne Ŋwiye ya nàʼi Mə̀nɔ̀ʼɔ̀ mbe, ìzḛzḛ njandi njandi məd ya yaʼ igun, ka Mə̀nɔ̀ʼɔ̀ mbe yaya zwète bəd. Ìzḛzḛ we yaya zùʼə kà igun ìfe abə Muse ne chəyi tì mə̀Izre ya nèn Muse kwàʼ igun ìfe tàndì. Ìzḛzḛ we yaya nìmne mèghè ghò.

2 Kɔrèn 3:9

Icheg ne àfàʼì mə̀nɔ̀ʼɔ̀ ne ghìyə̀ bəd kùyə ya beri ìzḛzḛ njandi njandi, àkə chəyi àfàʼì Azwighi ne ghìyə̀ bəd tə̀mə kòʼò beri ìzḛzḛ njandi njandi chè?

Gàlesìyà 3:21

Ze wa chwi anìŋ gha mə̀nɔ̀ʼɔ̀ mbe tì mbi chìkì anug ze ne Ŋwiye ya kàʼi? Indèʼ! Kayi ane ka. Àkə aghi ne nɔ̀ʼɔ̀ mɔ̀ʼɔ yaʼi angu ne nàʼà ìtḛ̀, nji bəd məjìm mbe tì mbi təm kòʼ imbìghè abə Ŋwiye anjìm icheg ne mbi zugri nɔ̀ʼɔ̀ we.

Efesùs 2:1

Anjìm ìmbən inug tibɔ̀ŋ fɔrɔ ìwən tìzughə̀, mbə̰ ya fə yaʼ icheg bəd ku.

Efesùs 2:5

ka ìmba inug tibɔ̀ŋ ya ghì tì si yaʼ icheg bəd ku, tè ywìrì yaʼ izɔm icheg ne tì yaʼi ane ifɔti tì Kristo. À ya anjìm ìchɔ̀mì Ŋwiye ne mbə̀ fə pumi.

Efesùs 3:7

Mə ya fàʼà ni ghà ikən chɔm gho̰ anjìm ìchɔ̀mì Ŋwiye we ne wì che anjìm ika məd nàʼ inum.

1 Timotì 4:6

Àghò mə chwìti inug mbo̰ abə bəd Ŋwiye, àghò biri yaʼ wə̀d àfàʼì chɔ̀m ne fàʼà abə Yeso Kristo. Àghò biri yaʼ wə̀d àfàʼì ne təmi kà inga tesiʼ ane anug Ŋwiye fɔrɔ inga inug chɔm mbe ne mbi ya chwiti ine.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

Mə̀Hibrù 12:24

Mbə fə yeʼe abə Yeso, məd we ne ya yeʼe tì ikan feg. Mbə yèʼe abə anəm Yeso ze ne mbi ya tuti ne ghàmà inug ne bɔŋi chè inug mbe ne anəm àzi Abè ze ghà.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.

Mə̀Hibrù 7:22

Icheg ne Ŋwiye ya zɔ̀mi ane, Yeso fə ghì gha Ŋwiye wara ikan tì ina ne bɔŋi chè.

Mə̀Hibrù 8:13

Icheg ne Ŋwiye kàri ikan gho̰ ane ikan feg, ze chwi gha nyùmə̀ ikan mbègtog fə chè. Aghi ze ne nyùmə̀ məd fə che, ze fə nùn. Ze biri bə zàmbi nim.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.