2 Kɔrèn 2:12 - Ikan feg

¹² Anyumə̀ ne mə̀ ya gho a Truwàs ni chètì ikən chɔm imbə̀ʼ Kristo, mə̀ ya pè bàd gha Anɔŋisəg fə nàʼ apan inum ni fàʼ ibo angu.

Meta’

¹² Ənɨ mə nyaʼa wò ə Troàs ɨ gha ɨkə̂n chɔ̀m ɨmbə̀ʼ ə Kristo əŋgu, Ə̀nùŋɨ̀sɨg nyaʼa chwi əpan ɨ num ni mə faʼ ɨ bɔ.

2 Kɔrèn 2:12 교차 참조

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Ɨ̀fàʼì 16:11

Tì ya nyi abaŋ igyi a Truwàs, bàni chè a Sàmotràs ne chəyi tì nyi bə̀ghə̀. Sàmotràs ya akəmi asiŋi ne igyi che kad. Àsi isu abɔ̀ʼ, tì ya bàni ghò a Nìyapolìs.

Ɨ̀fàʼì 16:8

Ane, mbi ya ghò che a Misìyà, swìʼi ghò a Truwàs.

Ɨ̀fàʼì 20:8

Inam nɔʼ nɔʼ yaya bère inga atog nəb ze ikaŋ ne tì ya fete inga.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

1 Kɔrèn 16:9

Mə biri chughi angu ane imbə̀ʼ icheg ne Ŋwiye fə fìʼì apan chɔm inum ni fàʼ àfàʼì kyen kyen angu. Ŋwiye fìʼì ane, si ya gha, chəyi bəd nɔʼ nɔʼ kə̀bi gha mə faʼa àfàʼì ze.

1 Kɔrèn 9:12

Bəd ndəŋ mə̀ kə̀ bèrì ati ni biri ighi mbo̰ inən, nji mba bèrì ati ze chè awɔb. Anug ne angu ya gha, chəyi te nḛ̀ igun ighi mbe ne mbə̀ beri ni nàʼ ina. Tè nyìʼ tiku inug ijìm ni ghì gha imbə̀ʼ tì nɔ̀ʼ yaʼ akən ane ikən chɔm imbə̀ʼ Kristo ne tì gha inən.

1 Kɔrèn 9:14

À ya bə̀ icheg ne Anɔŋisəg fə gha gha, bəd mbe ne chètè ikən chɔm imbə̀ʼ Kristo, mbe jəg ane ikən chɔm we.

1 Kɔrèn 9:16

Tesiʼ ya gha, chəyi tì mə kɔ̀m igo imbə̀ʼ icheg ne à ya àfàʼì ne mə mə̀nyiʼ fàʼ. Àmə chəyi mə̀ chètì ikən chɔm imbə̀ʼ Kristo, ngəʼ kyen biri nyi igun inum.

2 Kɔrèn 10:14

Icheg ne te kɔ̀mɔ̀ igo gha tì ya yeʼe fàʼ inən, chəyi tì kɔmi igo chè ati. Tì ya kɔ̀mɔ̀ igo gha mba ya bəd mbègtog ne yeʼe ghà ikən chɔm imbə̀ʼ Kristo inən.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

2 Kɔrèn 11:7

Icheg ne mə̀ ya swi ìmə nyɔd aseg ni nàʼ ighumni inən anyumə̀ ne mə̀ yaya chètì ikən chɔm inən ne nɔʼi abə Ŋwiye, à wa kə anug ne mə̀ ya gùghi?

2 Kɔrèn 4:3

Ane, àmə yaʼ aghi ne ndwi kəndi ikən chɔm gho̰ ne te chètè, nji zè kə̀ndi yaʼ abə bəd ne nìme.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Kɔrèn 8:18

Tì we bə cha ìwa ifi ndəŋ tì Tayitùs. Ìwa ifi gho̰ ya wə̀d ne mbe ghùmnə aməd inga tifeti bəd Ŋwiye tijìm, gha məd we chètè ikən chɔm.

2 Kɔrèn 9:13

Icheg ne mbə̀ nàʼi ighi abə bəd Kristo fɔrɔ abə bəd ndəŋ ni chwi gha mbə̰ mbe zùgrə ikən chɔm imbə̀ʼ Kristo, bəd nɔʼ nɔʼ biri se ghùmnə Ŋwiye.

Kòlosè 4:3

Mbə̀ bə chàʼra Ŋwiye ina gha wì fiʼe inɔnjì ina tì chete ìwa ikən chɔm we ne ya yaʼi inə̀mbi imbə̀ʼ Kristo. À ya anjìm ikən we ne mə̀ yaʼi inga nəb ndəŋ .

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.