2 Kɔrèn 13:4 - Ikan feg

⁴ Tesiʼ ya gha, mbi ya kɔ̀mbì aməd igun azed abaʼri ane wì ya bɔri, si ya gha, ika Ŋwiye ya nàʼ ìtḛ̀ ibo. Icheg ne tì yaʼi ane ifɔti tì Kristo, tì we bə̀ bɔ̀rɔ. Si ya gha, Ŋwiye we nàʼà ika ina ni yaʼ izɔm abɔ̀ʼ məd imbə̀ʼ fàʼ inən

Meta’

⁴ Mbɨ nyaʼa kombɨ əməd əzed ə baʼnɨ ənɨ ə nyùmə̀ we nɨ wɨ̀ nyaʼa bɔrɨ, àyɨə ɨ wɨ ɨkǎ ənɨ ɨka Ŋwiə̀. Ɨchî nɨ tɨ̀ yeʼ ənɨ ɨfɔtɨ mbɨ məd, tɨ̀ bə̀ bɔd, àyɨə ɨchî nɨ tɨə fàʼ ɨ nən, tɨ̀ bɨrɨ chubɨ mbɨ məd ənjìm ɨka Ŋwiə̀.

2 Kɔrèn 13:4 교차 참조

Jn 10:18

Chəyi tì wə̀d mɔ̀ʼɔ niŋ ìmə ìtḛ̀ ka. À ya mo kɔ̀ŋi ni ku. Mo bèrì ika ni ku bə̀ bèrì ika ni ywiri yaʼ izɔm. Aŋa ya àfàʼì ne ìmə Mbaʼ fə zì inga ìtum tikye ibo.”

Ɨ̀fàʼì 2:36

Ane, mə̀Izre məjìm kyeri gha, à ya kwàʼ tesiʼ gha Ŋwiye fə nɔ̀ŋì Yeso gho̰ ne mbə̰ ya kɔ̀mbi igun azed abaʼri ane Anɔŋisəg bə̀ fɔrɔ ane Wə̀d ne wì zɔ̀ʼi.”

Ɨ̀fàʼì 3:16

À ya ika we ne yaʼi inga ikum Yeso tì ibḛfiŋ ne tì beri igun ikum we ghù wə̀d gho̰ ne mbə̀ taŋ kyèri, icheg ne mbə̰ mbe bàrà anìŋ.

Rm 1:4

Si ya gha, ane icheg Azwighi ìzḛzḛ, Ŋwiye ya chwi gha Yeso Kristo Anɔŋisəg ya ìwi Ŋwan. Wì ya chwi ane icheg ne wì ya zwemni aməd ane iwu ane ika Azwighi məd.

Rm 14:9

Ane, Kristo ya ku, Ŋwiye zwèmni aməd ni gha wì yaʼ Anɔŋisəg abə bəd ne yaʼi izɔm fɔrɔ abə bəd ne fə ku.

Rm 6:4

Mənib mbe ne tì ya niŋi ya aneni ni chwi gha mba ya ku, mbi bə̀ twə̀ŋi awa tì Yeso. Ane, icheg ne ika Ŋwiye ya zwemne Yeso Kristo, à ya icheg ne tì koʼi ni se chùghə inga ikuchèg feg.

1 Kɔrèn 1:25

Inug ne Ŋwiye we ghìyə̀ ne bəd mbe nìŋə gha à ya inug anen, à ya inug ne beri iwe chè iwe wə̀d-aku. Inug mbe ne Ŋwiye we fàʼà ne bəd mbe nìŋə ane inug ne bɔri, à ya inug ne beri ika chè ika wə̀d-aku.

1 Kɔrèn 15:43

Nyàmnyɔd ze ne mbi twəŋi, zè bə bə̀ bɔd. Àsi ze ne wə̀d zweme, zè bɔ̀ŋ bə̀ kà.

1 Kɔrèn 2:3

Anyumə̀ ne mə̀ ya yeʼe inən, chəyi mə̀ ya kòʼi ane wə̀d ne tì mə ghàm inən. Ibɔ ya ghì mə binde gha chəyi mə̀ biri fàʼ icheg chɔm.

1 Kɔrèn 6:14

Ŋwiye we ne ya zwemni Anɔŋisəg biri bə zwemni awa ane ìwi ika.

2 Kɔrèn 10:10

imbə̀ʼ icheg ne bəd mɔ̀ʼɔ mbe ghà gha, “Ìŋwàʼrì məd ya kà ako bə̀ tɔ. Si ya gha, anyumə̀ ne wì yaʼi abɔ̀ʼ ina, wì ya bɔ̀rɔ, chəyi ìngam məd we bə̀ gwìyè mənib.”

2 Kɔrèn 12:10

À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.

2 Kɔrèn 13:9

Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì.

Fìlipì 3:10

Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.