2 Kɔrèn 13:14 - Ikan feg

¹⁴ Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

Meta’

¹⁴ Ɨ̀chɔ̀m Ə̀nùŋɨ̀sɨg Yeso Kristo, ɨghaʼi Ŋwiə̀ mbɨ ɨfɔtɨ we nɨ tɨ̀ berɨ mbɨ Əzwî ə Zeŋɨ yeʼ mbɨ mbə̀n mɨjìm.

2 Kɔrèn 13:14 교차 참조

Matìyò 6:13

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 7:38

Wə̀d ne nɔŋi ìwi ibḛfiŋ igun inum, wì yeʼe no icheg ne ze yaʼi inga Àŋwàʼrì Ŋwiye gha, àdùrì ne nàʼà ìtḛ̀ biri se dùwə̀ ibo inga fìŋ icheg igyi kyen.”

Ɨ̀fàʼì 15:11

Tesiʼ ya gha, tè bḛ gha mba fə dù inga ngəʼ anjìm ìchɔ̀mì we ne Anɔŋisəg Yeso ghi ina. Tè bə̀ bḛ gha à ya anjìm ìchɔ̀mì we ne mbɔb bə dù inga ngəʼ.”

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

Rm 16:23

Gayòs ne mə chùghə ibo inga achan tì bəd Kristo mbe ne nyìme ifeti ibo inga nəb mbe bə̀ chàʼrà awən. Èrastùs ne nɔ̀ŋɔ̀ ikab aben inga asiŋi azo̰ tì Kwatùs ne yaʼi ìwa ifi we bə̀ chàʼrì awən.

Rm 16:27

Mbə̀ naʼa ighumni ane ighəm imɔʼ anjìm Yeso Kristo, abə Ŋwiye we imɔʼ ne beri iwe ijìm. À ya ane.

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Rm 8:39

ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.

Rm 8:9

Àsi mbə̰, Azwighi Ŋwiye mə yaʼ inga inən, chəyi mbə̀ koʼi ni ya ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ kòʼ ni ya ghìyə̀ yaʼ inug mbe ne Azwighi Ŋwiye ze kə̀bə̀. Wə̀d ne chəyi Azwighi Kristo yaʼi inga məd, tengàŋ kayi wə̀d Kristo.

1 Kɔrèn 12:13

Kə̀ mbə̰ kə mə̀Ju kə̀ bəd ne kayi mə̀Ju, kə̀ məfeg kə̀ bəd ne kayi məfeg, tì ya niŋ mənib anjìm Azwighi Ŋwiye ze amɔʼ. Ane, tì fə fɔti si nyàmnyɔd imɔʼ. Ŋwiye ya zì Azwighi ze amɔʼ inga ina.

1 Kɔrèn 14:16

Mbə̰ mə̀ ya nàʼà məyakà abə Ŋwiye məyi ane àzən azwighi, wə̀d ne yaʼi abɔ̀ʼ inən ne chəyi we zùghə anug ne mbə̰ mbe ghà, tengàŋ kə si chè iye ni bḛ gha “À ya ane” ane anug ne mbə̰ mbe ghà?

1 Kɔrèn 16:23

Anɔŋisəg Yeso ghiyə ìchɔ̀mì inən.

1 Kɔrèn 3:16

Kwàʼ tesiʼ tesiʼ, àkə chəyi mbə̀ kyeri gha ìtən nyàmnyɔd ya mbàn Ŋwiye. Àkə chəyi mbə bə kyèri gha Azwighi Ŋwiye ze chùghə inga ìtən nyàmnyɔd.

1 Kɔrèn 6:19

Chəyi mbə̀ kyeri gha ìtən nyàmnyɔd ya asiŋi ne Azwighi Ŋwiye ze ne Ŋwiye ya nàʼi inən ze chùghə inga? À ya Ŋwiye beri ìtən nyàmnyɔd, kayi mbə̰.

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 2:18

À ya anjìm Kristo ne Azwighi Ŋwiye ghi awa mba məjìm, mə̀Ju fɔrɔ bəd ne kayi mə̀Ju, tì bèrì apan imbìghè abə Ŋwiye ne yaʼi ìwa Mbaʼ.

Efesùs 2:22

Icheg ne bə̀ yaʼi ane ifɔti tì məd, mbə̰ inən biri bə kweg abɔ̀ʼ mə̀mbin. Mbə̰ biri kweg si yaʼ asiŋi ne Ŋwiye we chùghə inga ane Àzi Azwighi.

Efesùs 5:9

Aton ya gha, ìzḛzḛ we ya ghìyə̀ wə̀d bere fìŋ chɔm tì ikuchèg ne təmi kòʼ bə̀ kyère tesiʼ.

Efesùs 6:23

Ŋwiye ni yaʼi ìwa Mbaʼ tì Anɔŋisəg Yeso Kristo, wì ghiyə bəd məjìm mbe ne bḛ Kristo icheg ina mbe chughi ane àbɔrɔ̀bɔd, chùghi ane àkɔ̀ŋì bə̀ nɔ̀ŋì ibḛfiŋ igun məd.

Fìlipì 2:1

Ŋwiye we nə̀rə ìtən fìŋ icheg ne mbə̀ yaʼi ane ifɔti tì Kristo. Icheg ne Kristo kɔ̀ŋi awən, a ze ghìyə̀ ìtən fìŋ zùtə̀. Mbə̰ mbe ane ifɔti tì Azwighi Ŋwiye. Mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi. Mbə̰ mbe chwìye àsɔ̀mnəfiŋ igun bəd.

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

1 Jɔn 3:16

Tì kə kyère aghi ne àkɔ̀ŋì yaʼi àzewən iye? Yeso Kristo fə chwi àkɔ̀ŋì ze ina icheg ne wì ya nàʼi ìwi ìtḛ̀, ku igun azed abaʼri imbə̀ʼ awa. Ane, tè bə̀ kòʼ ni nàʼ ìwa ìtḛ̀ atog abə bəd ndəŋ.

1 Jɔn 3:24

Wə̀d ne zùgrə tikə Ŋwiye ya chùghə ane ifɔti tì məd, məd bə̀ chùghə ane ifɔti tì tengàŋ. Tì kə kyère iye gha Ŋwiye we ane ifɔti tì ina? À ya Azwighi məd ze ne wì nàʼi ina ze ghìyə̀ tì kyère.

Jûd 1:21

Mbə̀ ya chùghə kyère gha Ŋwiye kɔ̀ŋ awən icheg ne mbə̰ mbe ghɔ̀mɔ̀ ìwa Anɔŋisəg Yeso Kristo. Anɔŋisəg biri bèrì àsɔ̀mnəfiŋ igun inən bə̀ ghì gha mbə̀ jəg ìtḛ̀ ighə̀m imɔʼ.