2 Kɔrèn 10:1 - Ikan feg

¹ Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

Meta’

¹ Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

2 Kɔrèn 10:1 교차 참조

Matìyò 11:29

Mbə̀ niŋ ìmə mbèʼ bèʼì, bə̀ kwèmbi inug inum imbə̀ʼ icheg ne mə we bɔ̀tɔ ane fìŋ bə̀ swìye ìmə nyɔd aseg. Mbə̰ mə̀ ghì ane, ìtən fìŋ biri zùtì inga.

Matìyò 21:5

“Mbə̀ gha abə bəd mbe ne chùghə a Zayɔ̀n gha, mbə̀ nḛ, ìwən ifɔn we yèʼe inən! Məd ya wə̀d àbɔrɔ̀bɔd ne yḛ̀ igun jàkas. Wì bə̀ kɔʼ ŋwan jàkas.”

Ɨ̀fàʼì 8:32

Asiŋi Àŋwàʼrì Ŋwiye ze ne wì yaya fɔ̀ŋɔ ya asiŋi ze ne gha: “Məd ya icheg njə̀g ne mbe nìŋə ghò ni kyemi, bə̀ yaʼ icheg ŋwan njə̀g ne chughi yi inyèʼ anyumə̀ ne mbe sère nyɔ̀ŋì məd. Ane, chəyi wì ya fìʼì ichug.

Rm 10:20

Wə̀dkə̀n Ŋwiye Àzayà ya ghàm kwàʼ witì bɔ gha, “Bəd ne chəyi mbi yaya kə̀bə̀ amə, mbɔb mbo̰ fə bàri amə. Mə ya chwi ìmə nyɔd abə bəd ne chəyi mbi yaya kə̀bə̀ amə?”

Rm 12:1

Ìmbum məfi fɔrɔ ìtum njàbi, mə̀ ya anìŋ nə̀rə awən gha, icheg ne Ŋwiye chwi àsɔ̀mnəfiŋ igun ina, mbə̀ naʼa ìtən nyàmnyɔd abə Ŋwiye icheg aghi àfàtì ìzḛzḛ ne kiri biri izɔm ne Ŋwiye biri kɔ̀ŋ. À ya ikuchèg ne bɔŋi ni ghumni Ŋwiye ya iwe.

Rm 15:15

Mə ŋwàʼrì àŋwàʼrì azo̰ inən ne chəyi mə̀ bɔ, ni ywìri nɔ̀ri ìmbən itog imbə̀ʼ itog inug mɔ̀ʼɔ ne mə̀ ya wendi inən. À ya anjìm ìchɔ̀mì we ne Ŋwiye beri igun inum, ne wì chɔʼi amə ane wə̀d àfàʼì Yeso Kristo.

1 Kɔrèn 2:3

Anyumə̀ ne mə̀ ya yeʼe inən, chəyi mə̀ ya kòʼi ane wə̀d ne tì mə ghàm inən. Ibɔ ya ghì mə binde gha chəyi mə̀ biri fàʼ icheg chɔm.

1 Kɔrèn 4:10

Mba ya inen imbə̀ʼ icheg ne tì yaʼi bəd àfàʼì Kristo. Àsi awən, mbə̰ ya bəd iwe imbə̀ʼ icheg ne mbə̀ yaʼi ane ifɔti tì Kristo. Tè bɔd, mbə̰ si kà. Bəd mbe wèghè awa se ghùmnə awən.

1 Kɔrèn 4:21

Anug ne mbə kə̀bi kə azeg? Mbə wa kɔ̀ŋ gha mə yeʼe tì fìngwàn ni ywiri awən angu? Kə̀ mə yeʼe tì àkɔ̀ŋì fɔrɔ fìŋ bɔ̀ti bɔti?

2 Kɔrèn 10:10

imbə̀ʼ icheg ne bəd mɔ̀ʼɔ mbe ghà gha, “Ìŋwàʼrì məd ya kà ako bə̀ tɔ. Si ya gha, anyumə̀ ne wì yaʼi abɔ̀ʼ ina, wì ya bɔ̀rɔ, chəyi ìngam məd we bə̀ gwìyè mənib.”

2 Kɔrèn 10:2

Mə boʼ ibo inən, imbə̀ʼ mbə̰ kɔ̀ndi awən gha, anyumə̀ ne mə̀ yeʼe abɔ̀ʼ inən, mə biri niŋ fìŋ ne ka ni ghàm inən. Mə kyèri gha mə we tì mə niŋ fìŋ ne ka ni ghàm anyumə̀ ne mə̀ yaʼi inga bəd mbe ne kɔ̀ndɔ gha mba ya ghìyə̀ inug icheg ne bəd-aku mbe ghìyə̀.

2 Kɔrèn 10:7

Mbə̰ ya nḛ̀ ighi məyi asaŋ asaŋ. Wə̀d ne kyeri gha zìye ya wə̀d Kristo, wì bə kyèri gha mba ya bə̀ bəd Kristo kwàʼ icheg məd.

2 Kɔrèn 11:21

À ya tìnìrètog inum ni bḛ gha chəyi tì ya beri fìŋ ni ghì ane. Wə̀d mɔ̀ʼɔ mə̀ kə̀ bèrì anug ne tì wì təm kɔ̀m igo igun, nji mo inum bə̀ bèrì. Mbə̀ si mə̀ ghàmà mə anìŋ icheg anen.

2 Kɔrèn 11:30

Àmə yaʼ ni gha mə mənyìʼ kɔ̀m igo, nji mə biri kɔm igo imbə̀ʼ inug mbe ne chwìye gha chəyi mə̀ beri ika.

2 Kɔrèn 12:5

Mə bèrì ikɔmi igo imbə̀ʼ iku wə̀d gho̰. Si ya gha, chəyi mə̀ biri kɔm igo imbə̀ʼ amə nyɔd mo mo ka. Mə biri kɔm igo imbə̀ʼ ighi mbe ne chwìye gha mə bɔd.

2 Kɔrèn 3:12

Icheg ne tì nɔŋi fìŋ igun àfàʼì feg azo̰, chəyi te ywìrè bɔ.

2 Kɔrèn 5:20

Mba ya bəd ne təmi ane ikum Kristo. À ya icheg ni gha Ŋwiye we chè anjìm ina bòʼo ibo abə bəd. Ane tì we bòʼo ibo inən ane ikum Kristo gha mbə̀ mànì achɔb tì Ŋwiye.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

2 Kɔrèn 7:4

Chəyi mə̀ jə̀mə̀ awən kà. Mə ya bə̀ kɔ̀mɔ̀ ìmə igo imbə̀ʼ awən. Anyumə̀ ne tì yaʼi inga ngəʼ, mbə̰ ya nəri ìmə fìŋ bə̀ ghi mə taŋ gyènde.

Gàlesìyà 4:13

Mbə kyèri gha à ya imbə̀ʼ aghɔn ne mə̀ ya bi ghà ikən chɔm gho̰ inən.

Gàlesìyà 5:2

Mbə̀ zug! À ya mo Pɔl we ghà inən gha, mbə̰ mə̀ ya kɔndɔ gha anug ni ŋwed wə̀d biri ghì mbə təm kòʼ, nji mbə̀ kyeri gha anug ze ne Kristo fə fàʼi inən fə chè ako.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Fìlipì 4:5

Mbə̀ ya ghìyə̀ inug ne wə̀d ijìm biri kyeri gha mbə̰ ya bəd ne bɔ̀tɔ. Nyùmə̀ ne Anɔŋisəg biri yeʼe fə tinde.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

2 Tès 3:17

À ya mo Pɔl ŋwàʼri ichaʼri gho̰ ane àmə abo. Aŋa ya aneni ne mə zìyè ane ìmbum ìŋwàʼrì ijìm ne mə ŋwaʼri. Aŋa ya icheg ne mə ŋwàʼrà ìmbum ìŋwàʼrì.

Filemɔ̀n 1:19

À ya mo, Pɔl, ŋwàʼri ìwaŋ ìngam gho̰ kwàʼ ane àmə abo. Mə biri ywìtì njo ze ine. Chəyi mə̀ beri ni ywìri wendi ine gha à ya mo ya ghi àghò yaʼ wə̀d Kristo.

Filemɔ̀n 1:9

Si ya gha, icheg ne mə̀ kɔ̀ŋi awe, mə kə̀b yaʼ ni boʼ ibo ine gha àghò ghiyə. À ya mo Pɔl, ne mbi zi amə inga nəb ndəŋ imbə̀ʼ icheg ne mə təmi ane ikum Yeso Kristo.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.