Njèg mə̀ ya zàŋa wə̀d, wì fə jəg yi ibo inga nəb. Wì fə jəg yi ibo achan ni gha anyumə̀ ne mbə̀ fete ni jəg itari, chəyi Ŋwiye biri zì isaʼi igun məd. Anyumə̀ ne mə̀ yeʼe, mə biri si sèmbì mbin tì inug ne buʼi.
Anug ze chè amə imbə̀ʼ icheg ne mə we zùghə gha mbə̰ mbe fə se sàŋà Ŋwiye we ne ya ghi ìchɔ̀mì inən anjìm Kristo, kàrì awən. Mbə̰ mbe sàŋà aməd se bḛ anug ndəŋ gha à ya ikən chɔm.
Imbə̀ʼ àghò ŋwaʼra awe tikum məku àyi mbe ne chəyi mbi kiri pè icheg tituʼ ìghum tìfughə. À ya ane imbə̀ʼ icheg ne inug mbe ne ìtɔb nyàmnyɔd te ghə̀ʼrə̀ biri ghì gha mbe kə̀bə̀ ni ywìri nam awɔb. Ane, si wàʼ anug ni fàʼ abə Kristo.
Kayi məyi aze, mbi biri kwembi anug ni ghì igwed. Mbi biri bə ko ŋa nyìte nəb. Kayi məyi anug ni ghì igwed, mbi biri ko ŋa ghìyə̀ mbinìghe bə̀ ko se zìyè ichug inga inug mbe ne chəyi mbi zi awɔb. Mbi biri bə ko se ghà inug ne chəyi mbi kə beri ni ghà.
Ìmbum məfi fɔrɔ ìtum njàbi, imbə̀ʼ mbə̰ nɔʼ nɔʼ si də̀b awən anug ni yaʼ bəd ne chwìte inug. Mbə kyeri gha mbà mbe ne chwìte Ìngam Ŋwiye abə bəd, mbi biri ghum sàʼ awa kwàʼ ane icheg ne ka chè icheg ne mbi biri ghum saʼ bəd ndəŋ.
Nyùmə̀ kòʼ ne Ŋwiye biri ko ni saʼ bəd. Wì biri ko ni saʼ bəd igun bəd ne yaʼi inga inəbi bəd Ŋwiye. Ŋwiye kə mə ko ni saʼ bəd igun ina, mbə̀ si kɔ̀ndi gha ìnwḭ bəd mbe ne chəyi mbe zùgrə ikən chɔm ne Ŋwiye gha kə ghùm si yaʼ iye?
