1 Timotì 4:8 - Ikan feg

⁸ Anug ni sèmbì nyɔd ze bɔ̀ŋ. Si ya gha, anug ni kyeri Ŋwiye bɔ̀ŋ chè inug ijìm imbə̀ʼ icheg ne Ŋwiye kàʼ inug ina inga nyùmə̀ isəg gho̰ fɔrɔ inga nyùmə̀ isəg we ne yèʼe.

Meta’

⁸ Ənû nɨ ghɨ ɨnû mbe nɨ bɨrɨ ghɨ ni ɨnyod kaanɨ ə bɔ̀ŋ, àyɨə ənû nɨ ghɨ mbe nɨ chwi ni à wɨə wumnɨ ə Ŋwiə̀ ə bɔ̀ŋ chè ənɨ ɨnû jìm, ɨmbə̀ʼ ɨghəm nɨ Ŋwìə̀ fə kàʼ ɨ̀tènɨ̀ rɨ mì ɨ ne tɨ̀nîn bə̀ fɔrɨ ənɨ ə nyùmə̀ we nɨ bɨrɨ yeʼe.

1 Timotì 4:8 교차 참조

Matìyò 12:32

Ŋwiye biri waʼ inug tibɔ̀ŋ abə wə̀d ne zɔ̀mbi Ŋwan Wə̀d. Àsi ne wə̀d ghàmi anug tibɔ̀ŋ imbə̀ʼ Azwighi Ŋwiye, chəyi Ŋwiye biri nɔʼ waʼ anug tibɔ̀ŋ ze, inga isəg gho̰ fɔrɔ inga isəg feg.”

Matìyò 19:29

Wə̀d ijìm ne sàŋì nəb kə̀ məfi kə̀ njàbi kə̀ mbaʼ kə̀ ngɔb kə̀ iweg kə̀ bɔn kə̀ bèyi mben məd imbə̀ʼ ìmə ikum, wì biri bèrì ighi mbo̰ ijìm achug iki ifibì bə̀ ywìrì jəg ìtḛ̀ ighə̀m imɔʼ.

Matìyò 6:33

Mbə̀ fə bi kə̀b yaʼ anug ìfɔ̀n məd bə̀ ya ghìyə̀ inug ne koʼi, ane wì biri si nàʼ ighi mbo̰ ijìm inən.

Mk 10:30

tengàŋ biri ywirì bèrì ighi mbo̰ inga nyùmə̀ gho̰ achug iki ifibì. Wì biri bèrì nəb, bèrì məfi tì njàbi, bèrì mbì ngɔb, bèrì bɔn bə̀ bèrì isiŋi ìseg, mbi bə̀ chɔʼ ibɔʼì ighog məd. Wì biri jəg ìtḛ̀ ighə̀m imɔʼ inga nyùmə̀ isəg we ne yèʼe.

Lk 5:38

Ane, mbi ya zìyè mənoʼ zù inga aghi mənoʼ feg.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

1 Kɔrèn 3:22

Kə̀ àkə Pɔl, kə̀ Àpolòs, kə̀ Pità, kə̀ isəg gho̰, kə̀ ìtḛ̀, kə̀ iwu, kə̀ nyùmə̀ isəg gho̰, kə̀ nyùmə̀ isəg we ne yèʼe, ighi mbo̰ ijìm ya Ŋwiye fə nàʼi inən.

1 Kɔrèn 8:8

Tesiʼ ya gha, kayi tijəg te biri ghì gha tì yaʼ bəd chɔm imbìghè abə Ŋwiye. Chəyi tì biri nim aghi mɔ̀ʼɔ anyumə̀ ne chəyi tì jəghi tijəg te. Chəyi tì biri bə bèrì chùd mɔ̀ʼɔ anyumə̀ ne tì jəghi tijəg te.

1 Timotì 4:7

Imbə̀ʼ àghò bere awe anug mɔ̀ʼɔ ni ghì tì tìmùghì twaŋi ne chəyi te ghìyə̀ gha bəd kyeri Ŋwiye. Nɔ̀ŋɔ àze atog ni kyeri inug mbe ne biri ghì gha àghò taŋ zì fìŋ ane anug Ŋwiye.

1 Timotì 6:3

Wə̀d mɔ̀ʼɔ mə̀ ya chwìte inug ne kɔpɔ igun mbo̰, ne chəyi wì bḛ ìngam tesiʼ we ne Anɔŋisəg Yeso Kristo ya gha, ne chəyi wì bə bḛ inug mbe ne mba mbe chwìte imbə̀ʼ icheg ne bəd Kristo koʼi ni chughi,

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

1 Timotì 6:6

Chùd kyen ya anyumə̀ ne wə̀d nɔŋi fiŋ ane anug Ŋwiye bə̀ niŋ gha ighi mbe ne zìye beri mbe kòʼ yi ini.

2 Timotì 3:5

Bəd biri yaʼ icheg bəd ne nyimi anug Ŋwiye, si ya gha, mbi biri to̰ awɔb ika we ne yaʼi inga anug Ŋwiye ze. Imbə̀ʼ àghò ya jə̀grə awe tì tiku bəd te.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

Ɨnû 3:12

Mə biri nɔ̀ŋì wə̀d ne che àkwàʼrì wì yaʼ icheg ìte inga mbàn ìmə Ŋwiye. Chəyi wì biri nɔʼ dù inga mbàn ze. Mə biri ŋwàʼrì ikum ìmə Ŋwiye fɔrɔ ikum ikye aben Ŋwiye igun məd. Ikye aben we ya Jèrusalèm feg we ne Ŋwiye swi ikaŋ àbɔ̀ŋɔ. Mə biri bə ŋwàʼrì ìmə ikum feg igun məd.

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.