1 Timotì 4:7 - Ikan feg

⁷ Imbə̀ʼ àghò bere awe anug mɔ̀ʼɔ ni ghì tì tìmùghì twaŋi ne chəyi te ghìyə̀ gha bəd kyeri Ŋwiye. Nɔ̀ŋɔ àze atog ni kyeri inug mbe ne biri ghì gha àghò taŋ zì fìŋ ane anug Ŋwiye.

Meta’

⁷ Ton tɨpoʼ əko mɔʼɔ te nɨ chəi tɨə ghɨ̀ ni bə̂d kyerɨ ə Ŋwiə̀. Dandɨ e ɨnyod nɨ ghɨ ɨnû mbe nɨ chwi ni à wɨə wumnɨ ə Ŋwiə̀.

1 Timotì 4:7 교차 참조

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

1 Timotì 1:4

Gha inɔb gha imbə̀ʼ mbi ziye awɔb atog igun tìmùghì ako fɔrɔ igun inug imbə̀ʼ tiwaŋ inəbi ne chəyi ìnwḭ. Inug mbo̰ ya zìyè yaʼ àbùrì inga bəd. Chəyi iku inug mbo̰ mbe ghìyə̀ gha bəd kyeri inug mbe ne Ŋwiye kə̀bi. À ya məyi anjìm ibḛfiŋ ne bəd biri kyeri inug mbe ne Ŋwiye kə̀bi.

1 Timotì 1:9

Tè bə̀ kyèri gha chəyi mə̀nɔ̀ʼɔ̀ ya yaʼi abə bəd mbe ne təmi kòʼ. Mbi ya yaʼ abə bəd mbe ne gùghə̀ mə̀nɔ̀ʼɔ̀, bəd ne ghìyə̀ tìzughə̀, bəd ne chəyi mbe ghùmnə Ŋwiye, bəd ne ghìyə̀ inug tibɔ̀ŋ, bəd ne chəyi mbi zḛ, fɔrɔ abə bəd ne chəyi awɔb ane anug Ŋwiye. Mə̀nɔ̀ʼɔ̀ ya abə bəd ne zwète ìmbɔb mə̀mbaʼ fɔrɔ ìmbɔb mbì ngɔb, fɔrɔ abə bəd mbe ne zwète bəd.

1 Timotì 2:10

Mə̀yi nyimi yaʼ ikuchèg chɔm icheg bəd ne bḛ gha mbɔb mbe ghùmnə Ŋwiye.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

1 Timotì 4:8

Anug ni sèmbì nyɔd ze bɔ̀ŋ. Si ya gha, anug ni kyeri Ŋwiye bɔ̀ŋ chè inug ijìm imbə̀ʼ icheg ne Ŋwiye kàʼ inug ina inga nyùmə̀ isəg gho̰ fɔrɔ inga nyùmə̀ isəg we ne yèʼe.

1 Timotì 6:11

Àsi awe, àghò wə̀d àfàʼì Ŋwiye, àghò fə chìye ìfe ifeg ane inug mbo̰ ijìm. Àghò ghiyə yaʼ inug mbe ne koʼi bə̀ ghì yaʼ inug mbe ne Ŋwiye kə̀bi. Àghò nɔŋɔ fìŋ igun Kristo, ya kɔ̀ŋɔ̀ bəd, ya nyìʼè inug bə̀ ya bɔ̀tɔ ane fìŋ.

1 Timotì 6:20

Àghò Timotì, taŋ nyìmi inug mbe ne Ŋwiye zi inga ìte tikye abo. Imbə̀ʼ àghò ziye awe atog ane tìngam te ne chəyi ti beri anug ni ghì tì Ŋwiye. Imbə̀ʼ àghò ziye awe atog igun tìngam mɔ̀ʼɔ te ne bəd mbe ne kɔ̀ŋɔ̀ ni ya tàŋà inug mbe ghà gha à ya inug iwe ne kayi inug iwe.

1 Timotì 6:3

Wə̀d mɔ̀ʼɔ mə̀ ya chwìte inug ne kɔpɔ igun mbo̰, ne chəyi wì bḛ ìngam tesiʼ we ne Anɔŋisəg Yeso Kristo ya gha, ne chəyi wì bə bḛ inug mbe ne mba mbe chwìte imbə̀ʼ icheg ne bəd Kristo koʼi ni chughi,

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

2 Timotì 2:16

Àghò ton tìngam mɔ̀ʼɔ te ne chəyi te ghìyə̀ wə̀d kyère Ŋwiye imbə̀ʼ icheg ne bəd ne zi atog igun iku tìngam te ya ghìyə̀ inug nɔʼ nɔʼ ne chəyi mbe nàʼà iwumni abə Ŋwiye.

2 Timotì 2:23

Àghò chiye ìfe ifeg ane inug mbe ne bəd mbe tàŋà ne chəyi iwe inga imbə̀ʼ icheg ne àghò kyèri àze aghi gha, inug mbe ya zìyè yaʼ achɔb inga bəd.

2 Timotì 3:12

Tesiʼ ya gha, wə̀d ijìm ne kə̀bə̀ ni chughi icheg ne Ŋwiye kə̀bi anjìm icheg ne wì nɔŋi ibḛfiŋ igun Yeso Kristo, mbi mənyìʼ chɔʼ ibɔʼì ighog məd.

2 Timotì 3:5

Bəd biri yaʼ icheg bəd ne nyimi anug Ŋwiye, si ya gha, mbi biri to̰ awɔb ika we ne yaʼi inga anug Ŋwiye ze. Imbə̀ʼ àghò ya jə̀grə awe tì tiku bəd te.

2 Timotì 4:4

Bəd biri to̰ awɔb ni ya zùghə tesiʼ, si bə̀ŋə̀ ghò se zùghə tìmùghì twaŋi.

Tayitùs 1:14

Ane, chəyi mbɔb biri ywìri nɔ̀ŋì atog igun tìmùghì ako te abə mə̀Ju kə̀ nɔ̀ŋì atog igun tikə te ne bəd mbe ne to̰ awɔb inug tesiʼ mbe ghà.

Tayitùs 2:12

Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Tayitùs 3:9

Imbə̀ʼ àghò bere awe anug mɔ̀ʼɔ ni ghì tì inug anen mbe ne bəd mbe tàŋà, anug ni ghàm imbə̀ʼ tiwaŋ bəd ne chəyi ìnwḭ tì anug ni ya chɔ̀bɔ bə̀ zɔ̀ŋɔ̀ imbə̀ʼ mə̀nɔ̀ʼɔ̀ Muse. Chəyi chùd mɔ̀ʼɔ ane inug mbo̰. Chəyi inug mbo̰ mbe bə̀ wètè wə̀d mɔ̀ʼɔ.

Mə̀Hibrù 5:14

Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.