1 Timotì 4:3 - Ikan feg

³ Mbɔb ya gha, imbə̀ʼ bəd nama awɔb, bə̀ gha, imbə̀ʼ bəd jəghə awɔb tiku tijəg mɔ̀ʼɔ. Ŋwiye ya tangi ighi mbo̰ ijìm gha bəd mbe ne bḛ aməd bə̀ kyèri tesiʼ, mbe jəg, nàʼ məyakà ibo.

Meta’

³ Ɨ mbɨə tonə ni tɨ bə̂d nam ə mbɨ ni tɨ mbɨ jɨg ə tɨkwɨrɨ ɨghɨjɨg mɔʼɔ. Ŋwiə̀ nyaʼa tekɨ rɨjɨg tɔ̂ ni bə̂d mbe nɨ ben əməd bə̀ kyerɨ rəsìʼ naʼ məben-əwe ɨ bɔ jɨg.

1 Timotì 4:3 교차 참조

Matìyò 14:19

Wì ya ghà abə bəd gha mbe chughi aseg igun agyen. Wì ya ghà ane, si niŋ chiŋ ngə̀ŋ te tita̰ tì su te tibe, nɔ̀ atog nèn ikaŋ àbɔ̀ŋɔ, nàʼ məyakà abə Ŋwiye, si bə̀ʼri nàʼ abə ìmbi mə̀mə̀nənùg gha mbe ghapa. Ane, mə̀mə̀nənùg məd ya niŋ se ghàpà abə bəd mbe məjìm.

Matìyò 15:11

Kayi aghi ne nyḭ̀yḛ inga ichug abə wə̀d ze ghìyə̀ gha imbə̀ʼ tengàŋ zḛ yi. Aghi ne ghìyə̀ gha imbə̀ʼ wə̀d zḛ yi ya aghi ne dùwə̀ inga ichug abə wə̀d.”

Matìyò 15:36

Anyumə̀ ne mbi ya fə chughi aseg, wì ya niŋ chiŋ ngə̀ŋ te ìsàmbe bə̀ niŋ su te, chàʼra Ŋwiye, bə̀ʼri, nàʼ abə mə̀mə̀nənùg mbe gha mbe ghapa abə tinɔ̰ bəd te.

Lk 24:30

Anyumə̀ ne mbi ya chughi aseg ni jəg, Yeso ya niŋ ngə̀ŋ mə̀kara, nàʼ məyakà abə Ŋwiye, si bə̀ʼri, ghàpì tì inɔb.

Jn 6:23

Ibaŋ igyi mɔ̀ʼɔ a Tìberìyàs ya ghò təm iban asiŋi ze ne Anɔŋisəg ya niŋ ngə̀ŋ nàʼ məyakà abə Ŋwiye bə̀ʼri nàʼ abə bəd mbi jəg.

Ɨ̀fàʼì 27:35

Anyumə̀ ne wì ya ghà ane, wì ya niŋ ngə̀ŋ, nàʼ məyakà abə Ŋwiye inɔb imbìghè mbɔb məjìm, bə̀ ko jəg.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 14:3

Bəd mbe ne jèghə tiku ighi ijìm, imbə̀ʼ mbi si sɔb awɔb isaʼi igun bəd mbe ne chəyi mbe jə̀ghə tiku ighi mɔ̀ʼɔ gha mbe gùg anug. Bəd mbe ne chəyi mbɔb mbe jə̀ghə tiku ighi mɔ̀ʼɔ, imbə̀ʼ mbɔb si bə sɔb awɔb isaʼi igun bəd mbe ne jə̀ghə tiku ighi ijìm gha mbe gug anug. Ze yaʼ ane imbə̀ʼ icheg ne Ŋwiye bḛ aku bəd ze ajìm.

Rm 14:6

Bəd mbe ne nìŋə aneg mɔ̀ʼɔ gha ze taŋ bèrì aton chè mbin tì ineg ya ghìyə̀ ane ni nàʼ ighumni abə Anɔŋisəg. Bəd mbe ne bə̀ jə̀ghə tiku ighi ijìm ya bə̀ ghìyə̀ ane ni nàʼ ighumni abə Anɔŋisəg imbə̀ʼ icheg ne mbi ya jə̀ghə̀ ane nàʼà məyakà abə Ŋwiye. Bəd mbe ne chəyi mbe jəghə tiku ighi ijìm ya bə̀ ghìyə̀ ane ni ghumni Anɔŋisəg bə̀ nàʼà məyakà abə Ŋwiye.

1 Kɔrèn 6:13

Wə̀d ndəŋ we tì wì gha, “Ighijəg mbe ne bəd mbe jə̀ghə ya chè ghò inga fibum imbə̀ʼ icheg ne fibum ya abə ighijəg.” Tesiʼ ne angu ya gha, Ŋwiye biri zì ìnwḭ ane ighi mbo̰ ibe. Chəyi Ŋwiye ya tangi nyàmnyɔd wə̀d gha mbi ŋa fànà. Tì kòʼ ni niŋ ìta nyàmnyɔd fàʼ abə Ŋwiye. À ya Anɔŋisəg we kyèʼrè ìta nyàmnyɔd.

1 Kɔrèn 7:28

Wə̀d mə nam, chəyi wì gughi anug. Ŋwan àyi ne chəyi wì kiri kyeri mbaŋà mə nam, chəyi wì bə gùg anug. Àsi bəd mbe ne nami, mbi biri chè inga ngəʼ nɔʼ nɔʼ te ne yaʼi inga isəg. Mə ya ghàmà anìŋ inən ni gha imbə̀ʼ mbə̰ nɔ̀ʼ nyi inga ngəʼ.

1 Kɔrèn 8:8

Tesiʼ ya gha, kayi tijəg te biri ghì gha tì yaʼ bəd chɔm imbìghè abə Ŋwiye. Chəyi tì biri nim aghi mɔ̀ʼɔ anyumə̀ ne chəyi tì jəghi tijəg te. Chəyi tì biri bə bèrì chùd mɔ̀ʼɔ anyumə̀ ne tì jəghi tijəg te.

Kòlosè 2:16

Ane, imbə̀ʼ mbə̰ bḛ awən gha wə̀d mɔ̀ʼɔ ziye isaʼi igun inən imbə̀ʼ aghi ne mbə̰ mbe jə̀ghə kə̀ imbə̀ʼ aghi ne mbə̰ mbe no, kə̀ imbə̀ʼ anug ni ghumni ineg mɔ̀ʼɔ, kə̀ anug ni ghumni aneg mbègtog inga iməg feg, fɔrɔ anug ni ghumni aneg àzwètì mə̀Ju.

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

1 Timotì 2:4

Ŋwiye we kə̀bə̀ gha bəd məjìm kyeri tesiʼ pum.

1 Timotì 4:4

Ighi ijìm mbe ne Ŋwiye ya tangi ya ìmbi chɔm. Chəyi wə̀d kòʼi ni ton aghi mɔ̀ʼɔ. Ane, bəd bèrì ni nàʼ məyakà ibo imbə̀ʼ ighi mbe ne wì nàʼi inɔb.

1 Timotì 5:14

Ane, mə we nàʼà ikə abə məku àyi mbe ne chəyi mbi kiri nṵ gha, mbe ywiri nam, gwi bɔn, kyèʼì bəd mbe ne yaʼi inga nəb tì inɔb. Mbe ghiyə ane ni gha imbə̀ʼ bəd ìpàb nɔ̀ʼ bèrì apan ni ghà inug tibɔ̀ŋ igun ina.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.