1 Timotì 3:3 - Ikan feg

³ Imbə̀ʼ tengàŋ yaʼ yi wə̀d ne no mənoʼ be. Imbə̀ʼ wì yaʼ yi wə̀d ne kɔ̀ŋɔ̀ àzɔ̀ŋì. Wì bèrì ni yaʼ wə̀d ne bɔ̀tɔ, kayi wə̀d ne kɔ̀ŋɔ̀ ni tàŋ inug tì bəd. Imbə̀ʼ wì yaʼ yi wə̀d ne beri adɔʼ ikab.

Meta’

³ Tɨ wɨ̀ yeʼi wə̀d nɨə nɔə mɨnoʼ beə. Tɨ wɨ̀ yeʼi wə̀d nɨ ghaʼ ənû nɨ zɔ̀ŋ. Wɨ̀ berɨ yeʼ wə̀d nɨə bɔtɨə, kaʼi wə̀d nɨə tàŋə̀ mbɨ ə bə̂d. Tɨ wɨ̀ yeʼi wə̀d nɨ ghaʼ ɨkab.

1 Timotì 3:3 교차 참조

Matìyò 21:13

Wì ya ghà inɔb gha, “A ze inga Àŋwàʼrì Ŋwiye gha, ‹Mbi biri ya kàrà ìmə nəb ane nəb ne mbe chàʼrà Ŋwiye.› Si ya gha, mbə̰ fə bə̀ŋì ane asiŋi ne məji ya nə̀mbə̀ inga.”

Ɨ̀fàʼì 20:33

Chəyi mə̀ ya ghə̀ʼri aghi ikab wə̀d kə̀ ndwi wə̀d.

Rm 16:18

imbə̀ʼ icheg ne chəyi tiku bəd ìto̰ te fàʼà abə ìwa Anɔŋisəg Yeso Kristo. Mbi ya fàʼà məyi aghi ni jəg awɔb. Mbi ya tàmba bəd mbe ne chəyi mbi kyeri anug ane ìngam nəmi nəmi fɔrɔ ìngam bɔti bɔti.

Efesùs 5:18

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

1 Timotì 3:8

Bəd mbe ne wètè àfàʼì inga ifeti bəd Kristo bèrì ni yaʼ bəd ne bəd ndəŋ mbe bə̀ ghùmnə awɔb. Mbɔb bèrì ni yaʼ bəd ne tə̀mə igun tesiʼ. Imbə̀ʼ mbɔb yaʼ awɔb bəd ne ghàmà tìngam ibe ibe. Imbə̀ʼ mbɔb yaʼ awɔb bəd ne zìyè atog ane anug mənoʼ. Imbə̀ʼ mbɔb yaʼ awɔb bəd ne zìyè adɔʼ ane anug ikab.

2 Timotì 3:2

Bəd biri se kɔ̀ŋɔ̀ məyi ìtɔb nyàmnyɔd bə̀ kɔ̀ŋɔ̀ ikab. Bəd biri se kɔ̀mɔ̀ igo, nɔ̀ nyɔd bə̀ zɔ̀mbɔ̀ bəd. Bɔn biri se ghìyə̀ tìzughə̀ abə ìmbɔb mə̀mbaʼ. Chəyi bəd biri ya bḛ inug chɔm ne bəd mbe fàʼà inɔb. Chəyi bəd biri ya bə̀ ghìyə̀ inug ne zḛ imbìghè abə Ŋwiye.

Tayitùs 1:11

Àghò kirə ika ni ghì gha mbe chim tizi imbə̀ʼ icheg ne mbɔb mbe bùrə̀ tinəbi tijìm ane inug mbe ne mbɔb mbe chwìte ne chəyi mbi koʼi ni chwiti. Mbɔb ya chwìte inug mbe məyi ni bèrì ìwɔb ikab.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

Tayitùs 2:3

Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.

Tayitùs 3:2

Imbə̀ʼ mbi gha awɔb anug tibɔ̀ŋ igun wə̀d. Mbe chughi ane àbɔrɔ̀bɔd bə̀ ya ghìyə̀ ìchɔ̀mì abə bəd bə̀ bɔ̀tɔ ane fìŋ tì bəd məjìm.

Mə̀Hibrù 13:5

Mbə̀ chiye àzən adɔʼ ane anug ikab. Mbə̀ ya gyènde tì ighi mbe ne mbə̀ beri imbə̀ʼ icheg ne Ŋwiye gha, “Chəyi mə̀ biri ghum nɔ̀ʼ sàŋì awən kə̀ bə̀ waʼ awən.”

Jems 4:1

Aghi ze ne ghìyə̀ mbə zɔ̀ŋɔ̀ bə̀ chɔ̀bɔ mbə̰ mbə̰ àkə aghə? Imbə̀ʼ àzɔ̀ŋì ya nɔ̀ʼɔ ane ighi mbe ne ìtən fìŋ te ghə̀ʼrə̀?

1 Pità 5:2

Mbə̀ nəri njə̀g Ŋwiye te ne wì zi inga ìtən tikye abo. Imbə̀ʼ mbə̰ faʼa awən icheg ni gha mbi ya nyə̀mə̀ awən nyəmi. Mbə̀ faʼa tì izən fìŋ ifibì icheg ne Ŋwiye kə̀bi. Mbə̀ faʼa imbə̀ʼ icheg ne mbə̀ kɔŋi ni fàʼ, kayi imbə̀ʼ adɔʼ ikab.

2 Pità 2:3

Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.

Jûd 1:11

Ngəʼ kyen biri nyi igun inɔb! À ya ane imbə̀ʼ icheg ne mbɔb mbe ghìyə̀ inug icheg Ken ne ya zweti ìwi ifi. Mbɔb ya bə̀ ghìyə̀ inug icheg Balàm ne yaya ghìyə̀ tiku inug ijìm ni bèrì ikab. Mbɔb ya ghìyə̀ tìzughə̀ abə Ŋwiye icheg Korà. Ane, mbɔb biri ku nim icheg Korà.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.