1 Timotì 3:2 - Ikan feg

² Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

Meta’

² Əne ətu nɨə chà ɨfetɨ bə̂d Kristo berɨ yeʼ wə̀d nɨ chəi bə̂d ə ghàmbɨ̀ əməd. Wɨ̀ berɨ berɨ àmei əyi mɔʼ. Wɨ̀ berɨ yeʼ əbɔtɨ ə wə̀d. Wɨ̀ berɨ kyerɨ ɨchî nɨ yimbɨ i ɨnyod. Wɨ̀ berɨ yeʼ wə̀d nɨə wumnɨ i ɨnyod. Wɨ̀ berɨ nɨŋ bə̂d rɨ̀sɔ̀ʼɔ̀ ɨŋga i nəb. Wɨ̀ berɨ kyerɨ ɨchî nɨ chwi ɨnû.

1 Timotì 3:2 교차 참조

Lk 1:6

Mbɔb məjìm ya təm kòʼ imbìghè abə Ŋwiye. Mbɔb yaya zùgrə tikə bə̀ nɔ̀ŋɔ̀ mə̀nɔ̀ʼɔ̀ Anɔŋisəg kwàʼ ane icheg ne koʼi.

Lk 2:36

Wə̀dkə̀n Ŋwiye mɔ̀ʼɔ ne ya àyi ya bə̀ yaʼ angu. Ikum məd ya Àna. Məd ya ŋwan ìwi Fanwè inga inəbi Asà. Wì ya fə nùn. Wì ya nam məyi ane tituʼ ìsàmbe, inɔm məd ku.

Rm 12:13

Mbə̀ ya wètè bəd Ŋwiye ni nàʼ ighi mbe ne chəyi mbɔb beri inɔb. Mbə̀ ya nìŋə bəd tìsɔ̀ʼ mbe ne yaʼi abɔ̀ʼ inən.

Fìlipì 2:15

Mbə̰ mə̀ ghì ane, nji chəyi bəd biri bèrì anug tibɔ̀ŋ mɔ̀ʼɔ ni ghà imbə̀ʼ awən. Mbə biri zen icheg bɔn Ŋwiye ne chəyi anug tibɔ̀ŋ mɔ̀ʼɔ igun inən. Ane, mbə biri yaʼ icheg titəm iməg ne zùʼə igun nyùmə̀ isəg àpiye gho̰ ne bəd mbe ghìyə̀ inug tibɔ̀ŋ.

1 Timotì 3:12

Mbaŋà ze ne wètè àfàʼì inga ifeti bəd Kristo mənyìʼ bèrì àyi məyi imɔʼ bə̀ kyèri icheg ni nyimi ìmbi bɔn bə̀ nyìmi bəd mbe ne chùghə ibo inga nəb.

1 Timotì 3:8

Bəd mbe ne wètè àfàʼì inga ifeti bəd Kristo bèrì ni yaʼ bəd ne bəd ndəŋ mbe bə̀ ghùmnə awɔb. Mbɔb bèrì ni yaʼ bəd ne tə̀mə igun tesiʼ. Imbə̀ʼ mbɔb yaʼ awɔb bəd ne ghàmà tìngam ibe ibe. Imbə̀ʼ mbɔb yaʼ awɔb bəd ne zìyè atog ane anug mənoʼ. Imbə̀ʼ mbɔb yaʼ awɔb bəd ne zìyè adɔʼ ane anug ikab.

1 Timotì 4:3

Mbɔb ya gha, imbə̀ʼ bəd nama awɔb, bə̀ gha, imbə̀ʼ bəd jəghə awɔb tiku tijəg mɔ̀ʼɔ. Ŋwiye ya tangi ighi mbo̰ ijìm gha bəd mbe ne bḛ aməd bə̀ kyèri tesiʼ, mbe jəg, nàʼ məyakà ibo.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

1 Timotì 5:22

Imbə̀ʼ àghò kə nyə̀ngə awe ni nɔ̀ŋì ìmbe ibo igun bəd ni zɔʼ awɔb ane bəd ne chà ifeti bəd Kristo. Imbə̀ʼ àghò ziye awe abo inga inug tibɔ̀ŋ bəd ndəŋ. Nɔŋɔ ìwe nyɔd gha we chughi inga ìzḛzḛ.

1 Timotì 5:9

Imbə̀ʼ àghò ŋwaʼra awe ikum iku-àyi abɔ̀ʼ tikum məku àyi mbe ne tì mbi wètì awɔb, kirənde wì fə pè icheg tituʼ ìghum tìfughə. Wì bèrì ne yaʼ iku-àyi ne ya nami məyi inɔm imɔʼ.

2 Timotì 2:24

Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa.

Tayitùs 2:2

Àghò gha abə mbaŋà kyen gha mbe ya nyìmbe fìŋ bə̀ ghùmnə ìwɔb nyɔd bə̀ nyìmbe nyɔd ane ìtɔb tighi inug. Àghò bə̀ ghà inɔb gha mbe beri ibḛfiŋ igun Yeso Kristo bə̀ ya kɔ̀ŋɔ̀ mə̀mbin bə̀ ya nyìʼè fìŋ anyumə̀ ne mbɔb yaʼi ngəʼ.

Mə̀Hibrù 13:2

Imbə̀ʼ mbə̰ waʼ awən anug ni ya nìŋə bəd tìsɔ̀ʼ inga ìmbən ichan. À ya ane ne bəd mɔ̀ʼɔ ya ghi, niŋ mbè angirə̀ inga ìtɔb nəb ne chəyi mbi ya kyeri gha à ya mbè angirə̀.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

1 Pità 4:9

Mbə̀ niŋ bəd inga ìmbən ichan ane fìŋ ifibì.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.