1 Timotì 3:1 - Ikan feg

¹ Ajiʼi anug ne tì beri ni niŋ ya gha: Wə̀d ne kə̀bi ni yaʼ atog wə̀d igun bəd Kristo, tengàŋ nɔ̀ŋì fìŋ ane àfàʼì ne beri ighumni.

Meta’

¹ Ɨŋgam wɔ̂ yɨ ɨŋgam rəsìʼ ni: mbaŋə̀ mɨ kaŋ nùŋ ɨŋga i fîŋ ni tə kəb yeʼ ətu ɨgwɨ ə bə̂d Kristo, əne yɨ ni wɨ̀ fə nuŋ i fîŋ ni tə bɨrɨ faʼ ə̀fàʼì ɨwumnɨ.

1 Timotì 3:1 교차 참조

Lk 15:10

Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”

Ɨ̀fàʼì 1:20

Pità ya ghàm ane si gha, “A ze inga Àŋwàʼrì Mə̀Sam gha, ‹Kwàʼ nəb məd chughi ìzi zɔbi! Imbə̀ʼ wə̀d mɔ̀ʼɔ nɔ̀ʼ chùghə yi inga nəb məd.› Wì ya bə̀ ywìrì gha: ‹Kwàʼ ineg məd aŋa igun isəg mbe kə! Wə̀d ndəŋ niŋ àfàʼì məd.›

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Rm 11:13

Mə ya bə̀ ghàmà inən mbə̰ mbe ne kayi mə̀Ju. Icheg ne mo ya wə̀dtɔm Kristo abə bəd ne kayi mə̀Ju, mə ya kə̀bə̀ ni zì atog ane àfàʼì ze ne Ŋwiye chɔ̀ʼi amə gha mə faʼa.

Efesùs 4:12

Wì ya ghì ane ni gha mbɔb se chwìye ikuchèg abə bəd Ŋwiye, mbi se fàʼà ibo ni ghì gha ifeti bəd Kristo kweg kòʼ.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

1 Timotì 1:15

Ajiʼi anug ne wə̀d ijìm kòʼi ni niŋ ya gha; Yeso Kristo ya yeʼe igun isəg ni pumni bəd inug tibɔ̀ŋ. Inga bəd inug tibɔ̀ŋ məjìm, mo ya wə̀d ne bə chè.

1 Timotì 4:9

Aŋa ya ajiʼi anug ne tì beri ni niŋ bə̀ bḛ.

2 Timotì 2:11

Ajiʼi anug ne tì koʼi ni bḛ ya gha; tì mə fə ku tì Kristo, tì biri bə ywìri chughi izɔm tì məd.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

1 Pità 2:25

Mbə̰ ya yaʼ icheg njə̀g te ne ya fèbe. Àsi amad anìŋ, mbə̰ fə ywìrì bə̀ndì ghò abɔ̀ʼ Àjənjə̀g, ne yaʼi Wə̀d we ne kyèʼrè awən.

1 Pità 4:15

Wə̀d mɔ̀ʼɔ abɔ̀ʼ inən mə̀ ya zə̰ ngəʼ imbə̀ʼ ze yaʼ yi gha à ya imbə̀ʼ icheg ne wì zwèti wə̀d, kə̀ wì ji kə̀ imbə̀ʼ ikuchèg tìbɔŋ ndəŋ mɔ̀ʼɔ kə̀ imbə̀ʼ icheg ne wì zi ìwi ichug inga inug bəd.

1 Pità 5:2

Mbə̀ nəri njə̀g Ŋwiye te ne wì zi inga ìtən tikye abo. Imbə̀ʼ mbə̰ faʼa awən icheg ni gha mbi ya nyə̀mə̀ awən nyəmi. Mbə̀ faʼa tì izən fìŋ ifibì icheg ne Ŋwiye kə̀bi. Mbə̀ faʼa imbə̀ʼ icheg ne mbə̀ kɔŋi ni fàʼ, kayi imbə̀ʼ adɔʼ ikab.