1 Timotì 2:7 - Ikan feg

⁷ Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

Meta’

⁷ À yɨ ɨmbə̀ʼ ənû zɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, bə̀ yeʼ wə̀d tom, bə̀ yeʼ wə̀d nɨə chwi ɨnû ɨmbə̀ʼ ɨbenɨ mbɨ we nɨə chwi rəsìʼ ɨmbə̀ʼ Kristo əmbɨ bə̂d mbe nɨ kaʼi mɨ̀Jû. Chəi mɨə ghàə̀ mɨghab. Mə wɨə ghàə̀ yeʼ rəsìʼ.

1 Timotì 2:7 교차 참조

Jn 7:35

Itog bəd mə̀Ju ya se ghàmà mbɔb mbɔb gha, “Asiŋi ze ne mbe gho̰ biri ghò angu ne tì biri kə̀b aməd tèkan àkə aya? Ighəm mɔ̀ʼɔ wì biri ghò yi abɔ̀ʼ ìmba bəd mbe ne saka ghò inga aben mə̀Grig ni chwiti inug inɔb.”

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 26:20

Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 1:9

Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Rm 10:14

Si ya gha, mbi kə ghi chè iye ni kàrì aməd gha wì pumnə awɔb ne chəyi mbi nɔŋi ibḛfiŋ igun məd? Mbi kə bə̀ nɔŋi ibḛfiŋ igun məd iye ne chəyi mbi ya kweʼì zug anug mɔ̀ʼɔ imbə̀ʼ aməd? Mbi kə ghi chè iye ni zug anug mɔ̀ʼɔ imbə̀ʼ aməd ne chəyi wə̀d mɔ̀ʼɔ ne ya ghò chètì ikən chɔm inɔb imbə̀ʼ aməd?

Rm 11:13

Mə ya bə̀ ghàmà inən mbə̰ mbe ne kayi mə̀Ju. Icheg ne mo ya wə̀dtɔm Kristo abə bəd ne kayi mə̀Ju, mə ya kə̀bə̀ ni zì atog ane àfàʼì ze ne Ŋwiye chɔ̀ʼi amə gha mə faʼa.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

1 Kɔrèn 9:1

Imbə̀ʼ mo we amə ane ìmə ighəm? Mo kə kayi wə̀dtɔm Kristo? Imbə̀ʼ mə fə bàra Yeso, ìwa Anɔŋisəg? Imbə̀ʼ mbə̰ fə bḛ Anɔŋisəg imbə̀ʼ icheg ne mə fàʼà ane ìmə fìŋ ijìm?

2 Kɔrèn 11:31

Ŋwiye ne yaʼi Mbaʼ abə Anɔŋisəg Yeso, məd we ne kòʼi ni niŋ ighumni ane ighə̀m imɔʼ, məd kyèri gha chəyi mə̀ ghà inug ako.

Gàlesìyà 1:16

Wì ya taŋ kɔ̀ŋ, ghì mə̀ bàd Ŋwan məd kwàʼ ane àmə aghə. Wì ya ghì ane ni gha, mə̀ si ghò chètì ikən chɔm imbə̀ʼ Ŋwan məd we abə bəd ne kayi mə̀Ju. Ane, chəyi mə̀ ya biri anug imbə̀ʼ ikən chɔm gho̰ abə wə̀d mɔ̀ʼɔ ka.

Gàlesìyà 1:20

Ŋwiye kyèri gha anug azo̰ ne mə ŋwàʼrà inən anìŋ ya kwàʼ tesiʼ, kayi anug ako.

Gàlesìyà 2:16

Tè kyèri àza aghi kwàʼ tesiʼ gha, chəyi tì wə̀d təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse. Wə̀d ne təmi kòʼ imbìghè abə Ŋwiye ya wə̀d ne nɔŋi ìwi ibḛfiŋ igun Yeso Kristo. Ane, mba mə̀Ju fə bə̀ nɔ̀ŋì ibḛfiŋ igun Yeso Kristo ni ghì gha tè təm kòʼ. Tè təm kòʼ anjìm ìwa ibḛfiŋ igun Kristo, kayi anjìm icheg ne tì nɔŋi anug ne mə̀nɔ̀ʼɔ̀ Muse mbe kə̀bə̀. Chəyi tì wə̀d təm kòʼ anjìm icheg ne wì nɔŋi mə̀nɔ̀ʼɔ̀ Muse.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

Gàlesìyà 3:9

Ane, Ŋwiye zì àbɔrɔ̀bɔd igun bəd mbe ne nɔŋi ìwɔb ibḛfiŋ igun Kristo icheg ne wì ya zi àbɔrɔ̀bɔd igun Abràham ne ya nɔ̀ŋì ibḛfiŋ igun Ŋwiye.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

2 Pità 2:5

Chəyi Ŋwiye ya bə waʼ inug tibɔ̀ŋ ìmbi bəd mbe te aneg. Wì ya chà mənib igun bəd ne chəyi mbe zùgrə Ŋwiye, si kə̀ndi Nwa̰ wə̀d ne yaya chètè gha bəd təm kòʼ imbìghè abə Ŋwiye. Ŋwiye ya bə̀ kə̀ndi bəd ndəŋ ìsàmbe abɔ̀ʼ Nwa̰.