1 Timotì 2:5 - Ikan feg

⁵ Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo.

Meta’

⁵ Ŋwìə̀ mei we mɔʼ. Wə̀d we nɨ yeʼ ɨŋga mɨgharə̀, maanɨə taŋ ze nɨ Ŋwiə̀ berɨ mbɨ ə bə̂d mei we mɔʼ. Təŋgàŋ yɨə Kristo Yeso.

1 Timotì 2:5 교차 참조

Matìyò 1:1

Aŋa ya iwaŋ inəbi ìwi Yeso Kristo ŋwan ifɔn Dèvid ni ko ane Abràham:

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Lk 14:22

Wə̀d àfàʼì we ya ywìtì gha, ‹Masà, mə fə ghì icheg ne àghò gha. Asiŋi bə̀ kiri biri yi.›

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Rm 10:12

Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd.

1 Kɔrèn 8:4

Ane, ni ghàm imbə̀ʼ tijəg te ne mbe jə mə̀ŋwiye, tè kyèri gha mə̀ŋwiye ya ati ako. Tè bə̀ kyèri gha chəyi Ŋwiye ndəŋ angu. Ŋwiye ya məyi imɔʼ.

1 Kɔrèn 8:6

Ane, tè kyèri gha Ŋwiye məyi imɔʼ ne yaʼi Mbaʼ we ne ya tangi ighi ijìm. À ya məd we nàʼà ìtḛ̀ ina. Anɔŋisəg ya bə̀ məyi imɔʼ. Məd ya Yeso Kristo we ne Ŋwiye che anjìm məd tàngi ighi ijìm. Məd we bə̀ nàʼà ìtḛ̀ ina.

Gàlesìyà 3:20

Wə̀d ne tə̀mə inga ìsàn ya yàʼa anyumə̀ ne bəd yaʼi məbe. Chəyi Ŋwiye ya nɔŋi wə̀d mɔ̀ʼɔ gha wì təm inga ìsàn anyumə̀ ne wì ya kàʼi anug ze. Ŋwiye ya ghàm zìye zìye imbə̀ʼ icheg ne Ŋwiye ya məyi imɔʼ.

Efesùs 4:6

Ŋwiye ya məyi imɔʼ bə̀ yaʼ Mbaʼ abə bəd məjìm. À ya məyi məd we imɔʼ ne tùmbə̀ bəd məjìm bə̀ chè inga bəd ni fàʼ inug ijìm bə̀ ywìrì yaʼ inga bəd ijìm.

1 Timotì 6:13

Mə ya anìŋ ghàmà ine imbìghè abə Ŋwiye we ne nàʼà ìtḛ̀ abə ighi ijìm fɔrɔ imbìghè abə Yeso Kristo we ne ya gha tesiʼ imbìghè abə Pɔntiyos Payilèd. Anug ne mə ghà ine ya gha,

Mə̀Hibrù 12:24

Mbə fə yeʼe abə Yeso, məd we ne ya yeʼe tì ikan feg. Mbə yèʼe abə anəm Yeso ze ne mbi ya tuti ne ghàmà inug ne bɔŋi chè inug mbe ne anəm àzi Abè ze ghà.

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Mə̀Hibrù 8:6

Ane, àfàʼì ze ne Ŋwiye nàʼi abə Yeso ya àfàʼì ne che àze bəd mbàn Ŋwiye. À ya bə̀ icheg ne məd təmi inga ìsàn abə Ŋwiye tì bəd Ŋwiye chùʼri ikan ne faŋi chè ikan nun. Ikan we təm igun inug mbe ne bɔŋ chè, ne Ŋwiye ya kàʼi.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

1 Jɔn 2:1

Ìmbum bɔn ne mə̀ taŋ kɔ̀ŋ, mə ŋwàʼrì inug mbo̰ inən anìŋ ni ghì gha imbə̀ʼ mbə̰ si nɔ̀ʼ ghì anug tibɔ̀ŋ. Si ya gha, wə̀d mɔ̀ʼɔ mə̀ chè ghì anug tibɔ̀ŋ, tè bèrì wə̀d ne bòʼo ibo abə Mbaʼ atog ina imbə̀ʼ ìmba inug tibɔ̀ŋ. Məd ya Yeso Kristo, wə̀d ne təmi kòʼ.

Ɨnû 1:13

Wə̀d mɔ̀ʼɔ ne ya yaʼi icheg Ŋwan Wə̀d ya yaʼ inga ìsàn itən inam mbe. Wì ya zì ndwi màʼi, bə̀ tim ìkɔ̀bì ne mbi ya tangi ane gol ibo igun igo.