1 Timotì 2:4 - Ikan feg

⁴ Ŋwiye we kə̀bə̀ gha bəd məjìm kyeri tesiʼ pum.

Meta’

⁴ Məd ə kə̀b ni wə̀d jìm kyerɨ rəsìʼ ɨmbə̀ʼ jwɨ rəŋgəʼ.

1 Timotì 2:4 교차 참조

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Mk 16:15

Wì ya ghà inɔb gha, “Mbə̀ gho inga isəg ijìm, ghò ghà ikən chɔm abə bəd məjìm.

Lk 1:77

Àghò biri chwiti abə bəd gha Ŋwiye biri pumni awɔb ane wì waʼi ìmbɔb inug tibɔ̀ŋ.

Lk 14:23

Mbaʼ àfàʼì we ya ywìrì ghà abə wə̀d àfàʼì we gha, ‹Ndò igun tinɔnjì kyen kyen fɔrɔ igun tinɔnjì kwa kwa tijìm, ghò ghà abə bəd ywìrì kɔ̀mbì gha mbe yeʼe, ìmə nəb sweg.

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 17:17

Àghò ghìyə mbɔb zen anjìm tesiʼ. Ìwe ìngam ya ghìyə̀ bəd kyere tesiʼ.

Jn 6:37

Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.

Rm 11:14

Mə ya kə̀bə̀ inɔnjì ni ghì gha mə̀Ju beri ìdɔ̀b ane aghi ne Ŋwiye we fàʼà abə bəd ne kayi mə̀Ju ni ghì gha mə̀Ju mɔ̀ʼɔ pum.

1 Timotì 4:10

Tì ya ghìyə̀ ika ijìm ni taŋ fàʼ imbə̀ʼ icheg ne tè nɔ̀ŋì ìwa ikɔndi igun Ŋwiye ne yaʼi izɔm. Məd ya Ŋwiye we ne pùmnə bəd məjìm. Wì ya taŋ zìyè atog ni pumni bəd mbe ne bḛ aməd.

2 Timotì 2:25

Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye.

2 Timotì 3:7

Aŋa ya mə̀yi mbe ne mbe kà chwìte tesiʼ we ne yaʼi inga Ìngam Ŋwiye inɔb, si ya gha, chəyi mbɔb mbe kweʼè bḛ tesiʼ we.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Tayitùs 2:11

Ze yaʼ ane imbə̀ʼ icheg ne, Ŋwiye fə chwi ìwi ìchɔ̀mì we ne pùmnə bəd abə bəd məjìm.

Mə̀Hibrù 10:26

Tì mə niŋ isɔbi anug ni chè imbìghè ni ghì inug tibɔ̀ŋ anyumə̀ ne tì fə kyeri tesiʼ, chəyi ywìrè aghi àfàtì mɔ̀ʼɔ ne mbi biri nàʼ imbə̀ʼ ìmba inug tibɔ̀ŋ.

Jems 3:14

Àmə yaʼ aghi ne ìtən fìŋ ya kà nwḭ̀yḛ̀ yi nwḭ imbə̀ʼ bəd, àmə yaʼ aghi ne mbə̰ mbe bə̀ sìyè, imbə̀ʼ mbə̰ kɔ̀m awən igo ane ikuchèg we. Imbə̀ʼ mbə̰ to̰ awən tesiʼ.

2 Pità 3:9

Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.

2 Jɔn 1:1

À ya mo Jɔn, ne yaʼi atog wə̀d igun ifeti bəd Kristo ŋwàʼri àŋwàʼrì azo̰. Mə ya ŋwàʼrà anìŋ ine àghò àyi kyen we ne Ŋwiye ya chɔʼi fɔrɔ abə ìmbe bɔn. Mə taŋ kɔ̀ŋ awən kwàʼ tesiʼ. Kayi məyi mo kɔ̀ŋi awən. Bəd məjìm ne kyeri tesiʼ imbə̀ʼ Ŋwiye bə̀ kɔ̀ŋ awən.

Ɨnû 14:6

Mə ya bàd angirə̀ ndəŋ ne fìrè aton ikaŋ àbɔ̀ŋɔ. Angirə̀ we ya bèrì ikən chɔm we ne təmi ane ighə̀m imɔʼ ni ghà abə bəd mbe ne yaʼi igun isəg; abə bəd inga iben ijìm, abə bəd inga tinəbi ijìm, abə bəd inga tìngam aben tijìm bə̀ fɔrɔ abə bəd məjìm isiŋi ijìm.