1 Timotì 1:5 - Ikan feg

⁵ Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

Meta’

⁵ Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

1 Timotì 1:5 교차 참조

Matìyò 12:35

Wə̀d chɔm ya ghìyə̀ inug chɔm ne yaʼi inga fìŋ məd. Wə̀d tibɔ̀ŋ ya bə̀ ghìyə̀ inug tibɔ̀ŋ ne bə yaʼ inga fìŋ məd.

Matìyò 5:8

Ŋwiye zì àbɔrɔ̀bɔd igun bəd mbe ne ìtɔb fìŋ zḛ, imbə̀ʼ icheg ne mbɔb biri bàd aməd.

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Rm 10:4

Mə̀nɔ̀ʼɔ̀ Muse fə nwḭ̀yḛ̀ igun Kristo, ni ghì gha wə̀d ijìm ne beri ibḛfiŋ igun Kristo, wì fə təm kòʼ imbìghè abə Ŋwiye.

Rm 12:9

Wə̀d ya kɔ̀ŋɔ̀ bəd ane ìzi fìŋ ijìm. Wə̀d ijìm ba̰ inug tibɔ̀ŋ. Wə̀d ijìm taŋ nyìmi inug ne yaʼi inug chɔm.

Rm 14:15

Àghò mə̀ ya jə̀ghə aghi mɔ̀ʼɔ ne àghò kyèri gha ze biri ghì ìwe ifi gùg anug, àze chwi gha chəyi àghò kɔ̀ŋi aməd. Imbə̀ʼ àghò saŋa awe gha aghi ne àghò we jə̀ghə ze ghiyə wə̀d ne Yeso ya ku imbə̀ʼ aməd wì nim ìwi ìtḛ̀.

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

1 Kɔrèn 13:1

Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

1 Timotì 1:18

Mə nàʼ tikə ìto̰ ine àghò Timotì, ìmə ŋwan icheg ne Azwighi Ŋwiye ya nàʼi ika abə bəd Kristo mbi ghàm inug mbo̰ imbə̀ʼ awe. Àghò mə ghì inug mbo̰, àghò we tì àghò zɔŋ chè, təm kà ane ìwe ibḛfiŋ igun Kristo.

1 Timotì 1:19

Nyimi ìwe ibḛfiŋ bə̀ bèrì fìŋ ne zḛ. Bəd mɔ̀ʼɔ fə waʼ anug ni nɔ̀ŋì ìtɔb fìŋ gha ti ya zḛ, ane chìkì ìwɔb ibḛfiŋ.

1 Timotì 3:9

Mbɔb bèrì ni nyimi tesiʼ we ne Ŋwiye ghi bəd məjìm kyeri. Mbɔb mənyìʼ ya ghìyə̀ ane tì fìŋ zḛ zḛ.

2 Timotì 1:3

Mə we nàʼà məyakà abə Ŋwiye we ne mə fàʼà ibo, ane fìŋ zḛ zḛ icheg ne ìmbum mə̀mbaʼ ya fàʼi. Ighəm ijìm ne mə chàʼrà Ŋwiye tisi fɔrɔ tizimi, mə we wènde awe.

2 Timotì 1:5

Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

2 Timotì 2:22

Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

Tayitùs 1:15

Inug ijìm ya zḛ abə bəd mbe ne ìtɔb fìŋ zḛ. Àsi bəd mbe ne chəyi ìtɔb fìŋ zḛ, chəyi inug mbe zḛ inɔb. Chəyi fìŋ ze zḛ abə wə̀d ne chəyi wì nɔŋi ibḛfiŋ igun Kristo. Tesiʼ ya gha, ìtɔb tikɔndi fɔrɔ ìtɔb fìŋ fə bə mànì.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 13:18

Mbə̀ chaʼra Ŋwiye ina. Tè kyèri kwàʼ tesiʼ gha ìta fìŋ zen imbə̀ʼ icheg ne tì ya kə̀bə̀ ni fàʼ ighi ijìm ane ikuchèg ne koʼi.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

Jems 4:8

Mbə̀ tindi iban Ŋwiye, wì biri tindi iban inən. Mbə̰ mbe ne ghìyə̀ inug tibɔ̀ŋ, mbə̀ so ìmbən ibo! Mbə̰ mbe ne beri fìŋ ibe ibe, mbə̀ so ìtən fìŋ!

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 3:16

Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

2 Pità 1:7

Icheg ne mbə ghùmnə Ŋwiye, mbə̀ bə kirə ika ni ya ghìyə̀ ìchɔ̀mì abə ìmbən məfi fɔrɔ ìtən njàbi. Icheg ne mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi, mbə̀ ya bə̀ kɔ̀ŋɔ̀ wə̀d ijìm.

1 Jɔn 3:10

Icha ane bɔn Ŋwiye tì bɔn Debrə̀ kə iye? Wə̀d ijìm ne chəyi we fàʼà anug ne təmi kòʼ kayi ŋwan Ŋwiye. Wə̀d ne chəyi wì bə kɔ̀ŋ ìwi ifi kayi bə̀ ŋwan Ŋwiye.

1 Jɔn 3:23

Ikə ne məd nàʼi ina ya gha: Tì ziye ibḛfiŋ inga Ŋwan məd, Yeso Kristo, bə̀ ya kɔ̀ŋɔ̀ mə̀mbin icheg ne məd gha.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.