Biblia Todo Logo
온라인 성경

- 광고 -




1 Timotì 1:16 - Ikan feg

16 Ŋwiye ya chwi àsɔ̀mnəfiŋ inum, mo wə̀d inug tibɔ̀ŋ ne bə chè, ni ghì gha Yeso Kristo chwi ìwi inyimbifiŋ ne chəyi wì beri ìnwḭ. Àzo̰ biri chwi aneni abə bəd mbe ne biri bḛ Yeso, jəg ìtḛ̀ ighə̀m imɔʼ.

장을 참조하십시오 복사

Meta’

16 Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

장을 참조하십시오 복사




1 Timotì 1:16
37 교차 참조  

Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”


Yeso ya ywìtì ibo gha, “Mə ghà tesiʼ ine, kwàʼ tèchɔ̀ŋ, àghò biri yaʼ tì inum inga paràdayìs.”


Ane, àghò kyeri gha àkɔ̀ŋì azo̰ ne məd chwi anìŋ fə ghì gha mə̀ waʼ inug tibɔ̀ŋ məd ijìm. Wə̀d ne mbi waʼi inug tibɔ̀ŋ məd məyi iki piʼì, ya bə̀ chwìye àkɔ̀ŋì məyi iki piʼì.”


Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.


Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”


Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.


Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.


Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.


Wə̀d ne kuri ìmə nyàmnyɔd bə̀ no àmə anəm, wì biri jəg ìtḛ̀ ighə̀m imɔʼ. Mə biri zwemni aməd ane iwu igun aneg ìnwḭ.


Ane, Ŋwiye fə ghì wə̀d imɔʼ imɔʼ we ne bḛ Kristo wì təm kòʼ, ne chəyi tì mə̀nɔ̀ʼɔ̀ Muse ya ghì wə̀d təm kòʼ.


Inug mbo̰ ijìm ne mbi ya ghum ŋwàʼrì inga Àŋwàʼrì Ŋwiye ya ne kə awa. Inug mbo̰ ya nə̀rə awa ghìyə̀ tì bere inyimbifiŋ bə̀ nɔ̀ŋɔ̀ ikɔndi ni ghɔ̀m inug mbe ne Ŋwiye ya kàʼi ina.


Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.


Amad anìŋ, mə kə̀b ni ghàm imbə̀ʼ bɔn àyi mbe ne chəyi mbi kiri nami. Chəyi Anɔŋisəg nàʼ ikə mɔ̀ʼɔ inum gha mə gha inən imbə̀ʼ awɔb. Si ya gha, mə biri nàʼ yaʼ àmə ikɔndi icheg wə̀d ne Anɔŋisəg dìgri igun inum ghì mə yaʼ wə̀d ne tì mə ghà anug mbə bḛ.


Icheg ne Ŋwiye chwi àzi àsɔ̀mnəfiŋ ina bə̀ nàʼ àfàʼì azo̰ ina, chəyi ìta fìŋ biri bɔd.


Wì ya ghìyə̀ ane ni gha, mba mbe ne ya yaʼi bəd mbègtog ni nɔ̀ŋì ikɔndi igun Kristo tì ghumni Ŋwiye.


Ane, tì ghumni Ŋwiye ane ìchɔ̀mì kyen məd we ne wì nàʼi ina abu abu anjìm Ŋwan məd we ne wì kɔ̀ŋi.


Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.


Ane aneg ze ne Anɔŋisəg biri yeʼe, bəd məd biri se yète məd. Bəd məjìm ne bḛ aməd biri se ghùmnə aməd. Mbə̰ inən biri bə̀ yaʼ abɔ̀ʼ inɔb imbə̀ʼ icheg ne mbə̰ inən ya bə̀ bḛ ikən chɔm we ne tì ya ghà inən.


Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.


Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.


À ya izwighi bəd mbe te aneg, ne yaya ghìyə̀ tìzughə̀ abə Ŋwiye anyumə̀ ne Ŋwiye yaya nyìme fìŋ ghɔ̀mɔ̀ ne Nwa̰ yaya kɔ̀rɔ abaŋ. Bəd mbe ne Ŋwiye ya pumni awɔb ya məyi bəd ìfàmi mbe ne ya nyi inga abaŋ, nəŋ igun mənib.


Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.


Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.


우리를 팔로우하세요:

광고


광고