1 Timotì 1:10 - Ikan feg

¹⁰ Mə̀nɔ̀ʼɔ̀ ya bə̀ yaʼ abə bəd ne ghìyə̀ ifanì inug tì izṵ inug tì bəd ne fèndè bəd tì bəd ne ghàmà inug ako, tì bəd ne zɔ̀mɔ̀ nyɔd kiri gha anug ako, fɔrɔ bəd ne ghìyə̀ tiku inug ndəŋ ne chəyi mbi koʼi tì tikə Ŋwiye.

Meta’

¹⁰ ɨmbə̀ʼ mbe nɨə ghɨ̀ ɨfabrɨ-ɨnû, ɨmbə̀ʼ mbaŋə̀ te nɨə niə mbaŋə̀ rɨ cherə, ɨmbə̀ʼ mbe nɨə gywɨ̀ə̀ bə̂d wo fèndɨ̀ə̀, ɨmbə̀ʼ mbe nɨə ghà mɨghab, ɨmbə̀ʼ mbe nɨə nɔ gû àyɨə ɨ mbɨə kɨrɨ ghà mɨghab. Wɨ̀ nyaʼa bə̀ nàʼ ɨmbə̀ʼ mbe nɨə ghɨ̀ ɨnû cherə mbe nɨ chəi mbɨ kuʼnɨ mbɨ mbe nɨ bə̂d Ŋwiə̀ ə chwiə.

1 Timotì 1:10 교차 참조

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Rm 1:26

Anjìm inug mbo̰ ne mbɔb mbe ghìyə̀, Ŋwiye fə sàŋì awɔb abə ìmbɔb inug tibɔ̀ŋ mbe ne nàʼà tìnìrètog abə bəd. Mə̀yi mbe ne abɔ̀ʼ inɔb fə bə̀ŋì anug ni fɔti tì mbaŋà se fɔ̀tɔ awɔb yaʼ tì mə̀yi awən.

1 Timotì 4:6

Àghò mə chwìti inug mbo̰ abə bəd Ŋwiye, àghò biri yaʼ wə̀d àfàʼì chɔ̀m ne fàʼà abə Yeso Kristo. Àghò biri yaʼ wə̀d àfàʼì ne təmi kà inga tesiʼ ane anug Ŋwiye fɔrɔ inga inug chɔm mbe ne mbi ya chwiti ine.

1 Timotì 6:3

Wə̀d mɔ̀ʼɔ mə̀ ya chwìte inug ne kɔpɔ igun mbo̰, ne chəyi wì bḛ ìngam tesiʼ we ne Anɔŋisəg Yeso Kristo ya gha, ne chəyi wì bə bḛ inug mbe ne mba mbe chwìte imbə̀ʼ icheg ne bəd Kristo koʼi ni chughi,

2 Timotì 1:13

Àghò nyimi inug mbe ne àghò zùghi inum icheg aməgrì ni ya chwìte inug chɔm abə bəd. Àghò chwiti inug mbo̰ abə bəd bə̀ bèrì ibḛfiŋ igun Ŋwiye bə̀ ya kɔ̀ŋɔ̀ bəd icheg tì yaʼi ane ifɔti tì Yeso Kristo.

2 Timotì 4:3

Nyùmə̀ we yèʼe ne chəyi bəd biri kɔ̀ŋ ni zug tesiʼ we ne yaʼi inga Ìngam Ŋwiye. Mbi biri ya kə̀bə̀ yaʼ inug mbe ne mbɔb kɔ̀ŋi. Ane, mbi biri feti mə̀chwitinùg ane inɔb ne biri ya ghàmà yaʼ inug mbe ne mbɔb kɔŋi ni zug.

Tayitùs 1:13

Anug azo̰ ne wə̀dkə̀n we ya gha ya anug tesiʼ. Ane, àghò bèrì ni ghàm gaŋ abə tiku bəd mbo̰ kwàʼ ane gì ka ka ni ghì gha ìwɔb ibḛfiŋ igun Kristo təm kà.

Tayitùs 1:9

Wì yaʼ wə̀d ne nyìme inug mbe ne mbi ya chwiti ibo imbə̀ʼ Kristo kwàʼ icheg chɔm. À ya inug ne tì wə̀d nɔŋi fìŋ igun. Wì beri ni nyimi inug kwàʼ icheg chɔm imbə̀ʼ kyeri icheg ni ya nə̀rə mə̀mbin ane inug chɔm ne wì biri ya chwìte inɔb bə̀ ya chwìte abə bəd mbe ne tàŋà inug imbə̀ʼ Kristo imbə̀ʼ icheg ne à ya inug tesiʼ.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

Jûd 1:7

Mbə̀ bə̀ wendi Sodòm tì Gòmorà fɔrɔ isiŋi mbe ne ya yaʼi iban inɔb, ne yaya ghìyə̀ ifanì inug fɔrɔ izunì inug. Ŋwiye ya zì awɔb inga atəŋ iywid ighə̀m imɔʼ ane aneni ni chwi gha wə̀d ijìm pati ìwi nyɔd.

Ɨnû 18:13

Chəyi wə̀d ni zon tiku ighi te ne nyòʼro ifɔ chɔm icheg sinamɔ̀n, titeti, ìnen, mər fɔrɔ frankinsèns. Chəyi wə̀d ni zon mənoʼ kə̀ məwud, kə̀ aburi ngə̀ŋ mə̀kara, kə̀ kyì, kə̀ mə̀jàkas, kə̀ njə̀g, kə̀ nyam mə̀kara, kə̀ mbi mətwə̀ mbe ne nyam mə̀kara te sùŋə̀. Chəyi wə̀d ni zon ka bèyi bəd mbe ne yaʼi ìbòʼì.

Ɨnû 21:27

Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.