1 Pità 5:9 - Ikan feg

⁹ Imbə̀ʼ mbə̰ bḛ awən gha ìwən ibḛfiŋ we bɔd. Mbə̀ paŋa ìwən nyɔd ibo ikye abo. Mbə̀ kyeri gha ìmbən məfi fɔrɔ ìtən njàbi inga isəg ijìm ne mbə̀ yaʼ ane ifɔti tì Kristo, mbɔb mbe bə̀ chè inga tiku ngəʼ ìto̰.

Meta’

⁹ Tɨ mbə̀ benə ni ə ɨbenɨ bɔd. Mbə̀ fe ə ɨnyod rɨ bɔ. Mbə̀ kyerɨ ni mbə bɔŋgɔb ɨŋga ɨsɨg jìm mbɨə zə ɨkwɨ ŋgəʼ we nɨ mbə̀n ə zəə.

1 Pità 5:9 교차 참조

Jems 4:7

Ane, mbə̀ zugri Ŋwiye ane inug ijìm. Mbə̀ taŋ sìkì debrə̀, wì biri noro yi ane inən.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

1 Pità 2:21

À ya imbə̀ʼ iku ngəʼ gho̰ ne Ŋwiye ya kàri awən gha mbə̀ yaʼ ane ifɔti tì məd. Mbə̀ kyeri gha Yeso Kristo ya bə̀ zə̰ ngəʼ imbə̀ʼ awən. Wì yaya chwìye inug mbo̰ inən icheg aneni ni gha mbə̀ gwe inug kwàʼ igun ibɔʼì ighog məd.

1 Kɔrèn 10:13

Chəyi anug mɔ̀ʼɔ ne kwàʼrà awən ne chəyi ze kweʼì kwàʼrì bəd ndəŋ. Ŋwiye we fàʼà anug ze ne wì kàʼi. Ane, chəyi wì biri sàŋì gha àkwàʼrì ne ka chè awən ze nyi igun inən. Anyumə̀ ne mbi kwaʼri awən, wì biri chwi inɔnjì inən ne mbə̀ biri nyìʼ fìŋ anene dù inga àkwàʼrì ze.

2 Timotì 3:12

Tesiʼ ya gha, wə̀d ijìm ne kə̀bə̀ ni chughi icheg ne Ŋwiye kə̀bi anjìm icheg ne wì nɔŋi ibḛfiŋ igun Yeso Kristo, mbi mənyìʼ chɔʼ ibɔʼì ighog məd.

Efesùs 6:16

Abɔ̀ʼ ighi mbo̰ ijìm, mbə̀ nyimi ibḛfiŋ we ne mbə̀ nɔŋi igun Kristo icheg àgùʼì ibid. À ya ibḛfiŋ gho̰ biri nimni iywid we ne kyètè ane kyed te ne Wə̀d Tibɔ̀ŋ we tùmə.

1 Pità 3:14

Ka mbi bì ghì àghò zə̰ ngəʼ anjìm inug chɔm, Ŋwiye biri zì àbɔrɔ̀bɔd igun ine. A ze inga Àŋwàʼrì Ŋwiye gha, “Imbə̀ʼ mbə̰ bɔ awən wə̀d ne sìbè awən. Imbə̀ʼ mbə̰ binde awən ka.”

Mə̀Hibrù 11:33

Inga bəd mbo̰ məjìm: Mbi mɔ̀ʼɔ ya zɔ̀ŋ iben ndəŋ chè. Mbi mɔ̀ʼɔ ya ghì inug ne koʼi abə bəd. Mbi mɔ̀ʼɔ ya bə̀ jəg anug ze ne Ŋwiye ya kàʼi. Mbi mɔ̀ʼɔ ya wùbì ichug abə ìfɔn.

1 Timotì 6:12

Àghò taŋ zɔ̀ŋ icheg chɔm ni tàŋì ibḛfiŋ we ne àghò nɔŋi igun Kristo imbə̀ʼ jəg ìtḛ̀ ighə̀m imɔʼ. Ŋwiye ya kàrì awe gha àghò jəg ìtḛ̀ we anyumə̀ ne àghò ya gha imbìghè abə bəd nɔʼ nɔʼ gha àghò bḛ Kristo.

1 Tèsàlonikà 3:3

Tì ya chà aməd gha wì yeʼe nə̀ri awən imbə̀ʼ ìwən ibḛfiŋ nɔ̀ʼ bɔd icheg ne mbe chɔʼɔ ìmbən ibɔʼì ighog. Mbə̰ kyèri àzən aghi gha mbi mənyìʼ chɔʼ ìmba ibɔʼì ighog.

Efesùs 4:27

Imbə̀ʼ wə̀d nàʼ yi apan abə Debrə̀.

Ɨnû 6:11

Ane, mbi ya nàʼ ndwi màʼi fu fu abə wə̀d imɔʼ imɔʼ abɔ̀ʼ inɔb. Mbi ya bə̀ ghà inɔb gha, mbe ywìrì ghɔ̀m ane iki nyumə̀ iki piʼì ni ghì gha bəd fə màna zwèti inun bəd àfàʼì mbe ne yaʼi icheg inɔb, bə̀ zweti ìmbɔb məfi mbe ne kòʼi ni ku.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

1 Pità 1:6

Ane, mbə̀ ya taŋ gyènde imbə̀ʼ inug mbo̰ ne Ŋwiye fə ghi, ka bəd mbe kiri kwaʼra awən, mbə̰ bə̀ kiri zə̰ ngəʼ ane iki nyumə̀.

Kòlosè 2:5

Ka chəyi awum abɔ̀ʼ inən, mbə̀ kyeri gha mə we kɔ̀ndɔ awən mà nyumə̀ ijìm. Mbə̀ bə kyèri gha, mə kɔ̀ŋ ni bàd icheg ne mbə̰ mbe ghìyə̀ inug ne koʼi bə̀ bàd icheg ne ìwən ibḛfiŋ təmi kà igun Kristo.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.

Lk 22:32

Si ya gha, mə fə chàʼra Ŋwiye imbə̀ʼ awe, àghò Sayimùn, gha imbə̀ʼ ìwe ibḛfiŋ nɔ̀ʼ bɔrɔ yi. Anyumə̀ ne àghò bəŋi fìŋ yeʼe abɔ̀ʼ inum, àghò ghìyə̀ ibḛfiŋ abə ìmbe məfi we təm kà.”

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

2 Timotì 4:7

Mə fə zɔ̀ŋ àzɔ̀ŋì chɔm ni fàʼ abə Kristo. Mə fə nòtò ghò pè ane ìnwḭ. Mə fə nɔ̀ŋì ìmə ibḛfiŋ igun Kristo ghò pè ane ìnwḭ.

Mə̀Hibrù 12:8

Àmə chəyi Ŋwiye kiri chə awən icheg ne we chə ìmbi bɔn, ane ya gha mbə̰ kayi kwàʼ bɔn məd. Mbə̰ ya icheg bɔn ne chəyi mbaʼ.