1 Pità 1:1 - Ikan feg

¹ À ya mo Pità, wə̀dtɔm Yeso Kristo ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye chɔ̀ʼi, ne yaʼi mə̀Ju mbe ne sàka ghò inga Pontùs, tì Gàlesìyà, tì Kàpàdosìyà, tì Esìyà fɔrɔ Bìtinìyà.

Meta’

¹ À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

1 Pità 1:1 교차 참조

Matìyò 10:2

Tikum bədtɔm Kristo mbe ìghum chɔ̀b ibe ya: Ìwi mbègtog ya Sayimùn we ne mbe kàrà ane Pità tì ifi məd Andrò, tì Jem fɔrɔ Jɔn ne ya bɔn ìmbi Zebedì

Matìyò 24:22

Tesiʼ ya gha, Ŋwiye fə bì sɔ̀bri ineg mbe, nji chəyi wə̀d mɔ̀ʼɔ ne biri tèn. Wì biri sɔbri inun ineg mbe imbə̀ʼ bəd məd mbe ne wì ya fə chɔʼi.

Matìyò 4:18

Icheg ne Yeso yaya yḛ̀ iban atəŋ ze a Galìli, wì ya bàd məfi mɔ̀ʼɔ məbe. Ifibì ya Sayimùn we ne mbi yaya kàrà ane Pità. Ìywin ya Andrò. Mbɔb yaya màʼà kyə̀ inga igyi tìbà we imbə̀ʼ icheg ne àzɔb atog àfàʼì yaya ni gwì àgweg.

Lk 18:7

Mbə̀ kɔ̀ndi gha chəyi Ŋwiye biri ghì anug ne koʼi abə bəd mbe ne wì chɔʼi? Mbɔb ya dèghè inug ibo ineg ijìm, tisi fɔrɔ tizimi. Mbə̀ kɔ̀ndi gha wì biri chìkì nyumə̀?

Jn 11:52

Ane, kayi məyi atog abə mə̀Ju. À ya fɔrɔ ni ghì gha bəd Ŋwiye mbe ne saka inga isəg ijìm, mbe si yaʼ bəd anug amɔʼ.

Jn 7:35

Itog bəd mə̀Ju ya se ghàmà mbɔb mbɔb gha, “Asiŋi ze ne mbe gho̰ biri ghò angu ne tì biri kə̀b aməd tèkan àkə aya? Ighəm mɔ̀ʼɔ wì biri ghò yi abɔ̀ʼ ìmba bəd mbe ne saka ghò inga aben mə̀Grig ni chwiti inug inɔb.”

Ɨ̀fàʼì 18:2

Wì ya pè angu bàd wə̀d Ju mɔ̀ʼɔ ne ikum məd ya Àkwilà ne ya nɔ̀ʼi à Pontùs. Ikum iweg məd ya Prìsilà. Mbi ya cherè nɔ̀ʼɔ̀ a Italì yèʼe a Kɔrèn. Mbi ya nɔ̀ʼ à Italì imbə̀ʼ icheg ne ifɔn Klodìyòs ya niŋ isɔbi anug gha mə̀Ju məjìm duwə à Rom. Pɔl ya ghò bàd awɔb.

Ɨ̀fàʼì 18:23

Anyumə̀ ne wì ya chughi angu ane iki nyumə̀ mɔ̀ʼɔ, wì ya nɔ̀ʼ ghò ŋa yḛ̀ isiŋi isiŋi inga aba aben ze a Gàlesìyà fɔrɔ a Fìrigìyà. Wì yaya yḛ ane nè nə̀rə fìŋ abə bəd məjìm mbe ne ya bḛ Kristo.

Ɨ̀fàʼì 19:10

Wì ya chwiti inug inɔb ane tituʼ tibe. Ane, mə̀Ju məjìm fɔrɔ bəd məjìm ne kayi mə̀Ju ne yaya chùghə inga aba aben Esìyà ya zug ìngam Anɔŋisəg.

Ɨ̀fàʼì 6:9

Bəd mɔ̀ʼɔ inga ichamì Ŋwiye mə̀Ju we ne mbi yaya kàrà ane “Bəd ne yaʼi awɔb atog inɔb”, tì mə̀Ju mbe a Sayirèn tì Àlèzandrìyà fɔrɔ mə̀Ju mbe aba isəg Sìlisìyà tì Esìyà ya ko se tàŋà inug tì Stifə̀n.

Ɨ̀fàʼì 8:4

Bəd Kristo mbe ne ya sàka yaya yḛ̀ nè ghàmà Ìngam Ŋwiye isiŋi ijìm.

1 Kɔrèn 16:19

Tifeti bəd Kristo te ne yaʼi aba isəg Esìyà te chàʼrà awən. Àkwilà tì Priskà fɔrɔ bəd Kristo mbe ne nyìme ifeti inɔb inga nəb mbe bə̀ chàʼrà awən inga ikum Anɔŋisəg.

2 Kɔrèn 1:8

Ìmba məfi fɔrɔ ìta njàbi, tì kə̀b gha mbə̀ wendi iku ngəʼ ne tì ya zə̰ inga aba aben ze a Esìyà. Ngəʼ ne tì ya zə̰ ya nìd ako ne chəyi tì ya ywirì kyèri gha tì biri nyìʼ. Tì ya kɔndi gha chəyi tì biri chughi izɔm.

Gàlesìyà 1:2

Ìmbum məfi məjìm fɔrɔ ìtum njàbi tijìm ne tì yaʼi ane anug amɔʼ tì Kristo, ne bə yaʼ abɔ̀ʼ inum, mbe bə̀ chàʼrà awən, mbə̰ bəd inga tifeti bəd Kristo te a Gàlesìyà.

Efesùs 2:12

À ya yaʼ anyumə̀ we, chəyi mbə̰ ya yaʼi ane ifɔti tì Kristo. Chəyi mbə̰ ya bə yaʼ bəd Izre. Chəyi mbə̰ ya beri apan ane ikan we ne Ŋwiye ya kàʼi abə ìmbi bəd. Chəyi mbə̰ ya bə yaʼ bəd Ŋwiye. Mbə̰ ya yaʼ igun isəg aŋa ne chəyi mbə̀ ya nɔŋi ikɔndi igun Ŋwiye.

Efesùs 2:19

Ane, mbə̰ mbe ne kayi mə̀Ju, chəyi mbə̀ ywirì yaʼ bəd tìsɔ̀ʼ. Amad anìŋ, mbə̰ mbe se inga iwaŋ abɔ̀ʼ bəd Ŋwiye bə̀ yaʼ inga inəbi Ŋwiye.

2 Timotì 1:15

Àghò kyeri gha bəd Kristo məjìm inga aba aben ze a Esìyà fə waʼ amə. Fìgelùs tì Hèmògenès fə bə̀ waʼ amə.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”