1 Jɔn 5:7 - Ikan feg

⁷ Ane, inug itad mbe angu ne chwìye gha anug azo̰ ya tesiʼ.

Meta’

⁷ Mɨ̀zərɨmbin mɨ̀tad mbɨə ghàə̀ ni ənû zɔ̂ yɨ ənû rəsìʼ.

1 Jɔn 5:7 교차 참조

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 18:16

Àmə yaʼ aghi ne chəyi wì kə̀bi ni zug, àghò niŋ wə̀d ndəŋ imɔʼ kə̀ bəd ndəŋ məbe ni gha mbe yeʼe zug anug ne àghò we ghà abə ìwe ifi. Ghìyə ze yaʼ icheg ne mbi ŋwaʼri inga Àŋwàʼrì Ŋwiye gha, ‹Bɔŋ wə̀d we se pùtə wə̀d, bəd məbe kə̀ mətad mənyìʼ bḛ gha mbɔb kə̀ bàd ati ane anug ze.›

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Jn 1:1

Bɔŋ Ŋwiye ya ko ni tangi isəg, wə̀d we ne ya Ìngam ya fə se yi angu. Ìngam we ya yaʼ tì Ŋwiye. Ìngam we ya bə̀ Ŋwiye.

Jn 10:30

Mo tì ìmə Mbaʼ ya ane anug amɔʼ.”

Jn 12:28

Ìmə Mbaʼ, ghìyə gha bəd ghumni awe!” Anyumə̀ ne wì ya ghàmi ane, gì mɔ̀ʼɔ ya ghàm ikaŋ gha, “Mə fə ghì gha bəd ghumni amə. Mə biri ywiri ghì ighəm ndəŋ.”

Jn 14:17

Məd ya Azwighi Ŋwiye, wì biri ghì gha, bəd kyeri tesiʼ imbə̀ʼ Ŋwiye. Chəyi tì bəd igun isəg gho̰ niŋ aməd imbə̀ʼ icheg ne chəyi mbi kweʼì bàd aməd, kə̀ kyère aməd. Àsi awən, mbə biri kyeri aməd imbə̀ʼ icheg ne məd we abɔ̀ʼ inən. Məd we bə̀ inga inən.

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Jn 5:26

Icheg we ne à ya Mbaʼ we ghìyə̀ gha bəd jəg ìtḛ̀ ighə̀m imɔʼ, wè bə̀ nàʼ ika abə Ŋwan məd ni gha wì bə se ghìyə̀ gha bəd jəg ìtḛ̀ ighə̀m imɔʼ.

Jn 8:18

Mə ya ghà inug imbə̀ʼ ìmə nyɔd. Wə̀d ndəŋ ne ghà inug imbə̀ʼ amə ya ìmə Mbaʼ we ne cha amə.”

Jn 8:54

Yeso ya ywìtì gha, “Mo mə̀ ya ghùmnə yaʼ ìmə nyɔd, ighumni ya ati ako. Ìmə Mbaʼ ne mbə̰ mbe ghà gha à ya ìwən Ŋwiye, à ya məd we ghìyə̀ gha bəd ghumni amə.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 5:32

Mba ya bəd ne bari ati ane inug mbo̰ ijìm. Azwighi Ŋwiye ze ne Ŋwiye we nàʼà abə bəd mbe ne zùgrə aməd, ze bə̀ kyèri inug mbo̰ ijìm.”

2 Kɔrèn 13:14

Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

1 Jɔn 5:6

Anyumə̀ ne Yeso Kristo ya yeʼe, wì ya chwi gha zìye ya Ŋwan Ŋwiye icheg ne wì ya niŋi mənib fɔrɔ icheg ne wì ya chəmni anəm igun azed abaʼri. Chəyi wì ya niŋi məyi mənib. Wì ya niŋ mənib bə̀ chə̀mni anəm. Azwighi Ŋwiye zìye ze bḛ gha anug azo̰ ya tesiʼ imbə̀ʼ icheg ne Azwighi Ŋwiye ya ghà tesiʼ.

1 Jɔn 5:8

Inug mbo̰ ya Azwighi Ŋwiye tì mənib fɔrɔ anəm. Inug mbo̰ itad ya mə̀tə̀ məyi anug afibì.

Ɨnû 19:13

Wì ya zì ndwi ne mbi ya chùbi inga anəm. Ikum məd ya “Ìngam Ŋwiye”.