1 Jɔn 5:19 - Ikan feg

¹⁹ Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

Meta’

¹⁹ Tɨ̀ ə kyerɨ ni tɨ yɨə bə̂d Ŋwiə̀. Tɨ̀ bə̀ kyerɨ ni ɨsɨg jìm wɨ əton ə Satàn.

1 Jɔn 5:19 교차 참조

Lk 4:6

Si ghà ibo gha, “Mə biri nàʼ ika ni tùmbì iben mbo̰ ijìm fɔrɔ ni gha àghò jəg ighi chɔm chɔm mbe ne yaʼi inga ijìm. Mbi ya nàʼ ighi mbo̰ ijìm inum. Mə bèrì ika ni nàʼ abə wə̀d ne mə̀ kɔŋi.

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Jn 14:30

Chəyi mə̀ biri ghàm tì inən ane agha ne sa imbə̀ʼ icheg ne wə̀d we ne sàʼa igun isəg gho̰, we yèʼe. Chəyi wì beri ika igun inum.

Jn 16:11

Wì biri bə ghì mbə kyeri gha Ŋwiye we sàʼa bəd ane icheg ne koʼi imbə̀ʼ icheg ne wì fə sɔb isaʼi igun wə̀d we ne tùmbə̀ isəg gho̰.”

Jn 17:15

Chəyi mə̀ ghà gha, àghò chiye awɔb inga isəg gho̰. Mə ya ghà yaʼ gha, àghò chə̀ʼə awɔb abə Wə̀d Tibɔ̀ŋ.

Rm 8:16

Azwighi Ŋwiye ze fɔ̀tɔ tì àza tì azwighi ni bḛ gha mba ya bɔn Ŋwiye.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

Gàlesìyà 1:4

Anɔŋisəg Yeso Kristo ya fə nàʼ ìwi nyɔd ane aghi àfàtì imbə̀ʼ ìmba inug tibɔ̀ŋ. Wì ya ghì ane ni chì awa inga nyùmə̀ isəg inug tibɔ̀ŋ gho̰. Wì ya ghì ane icheg ne Ŋwiye ne yaʼi ìwa Mbaʼ kə̀bi.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Jems 4:4

Mbə̰ ya icheg mə̀yi nami ne kiri nɔ̀kɔ̀ mbaŋà ndəŋ. Àkə chəyi mbə̀ kyeri gha, wə̀d ne jə̀ghə àsə̀ʼ tì isəg ya wə̀d ìpàb Ŋwiye? Mbə̀ kyeri gha, wə̀d ne kɔ̀ŋɔ̀ anug ni jəg àsə̀ʼ tì isəg ya wə̀d ìpàb Ŋwiye.

1 Jɔn 3:14

Tè kyèri gha tì fə kɔpɔ dù inga inug mbe ne ghìyə̀ bəd kùyə nìme si yaʼ inga inug mbe ne ghìyə̀ bəd jəghə ìtḛ̀. Tè kyèri ane imbə̀ʼ icheg ne tì we kɔ̀ŋɔ̀ mə̀mbin. Wə̀d ne chəyi wì ya kɔ̀ŋɔ̀ mə̀mbin ya wə̀d ne kiri yaʼi inga inug mbe ne ghìyə̀ bəd kùyə nìme.

1 Jɔn 3:24

Wə̀d ne zùgrə tikə Ŋwiye ya chùghə ane ifɔti tì məd, məd bə̀ chùghə ane ifɔti tì tengàŋ. Tì kə kyère iye gha Ŋwiye we ane ifɔti tì ina? À ya Azwighi məd ze ne wì nàʼi ina ze ghìyə̀ tì kyère.

1 Jɔn 5:10

Wə̀d ne bḛ Ŋwan Ŋwiye fə bə̀ bḛ anug ze ne Ŋwiye gha. Wə̀d ne chəyi wì bḛ anug ne Ŋwiye gha imbə̀ʼ ìwi Ŋwan, tengàŋ we ghà gha Ŋwiye ya wə̀d inug ako. À ya ane imbə̀ʼ icheg ne chəyi məd bḛ anug ze ne Ŋwiye gha imbə̀ʼ ìwi Ŋwan.

1 Jɔn 5:13

Mə ya ŋwàʼrà inug mbo̰ anìŋ inən, mbə̰ mbe ne bḛ Ŋwan Ŋwiye, ni gha mbə̀ kyeri gha mbə̰ biri jəg ìtḛ̀ ighə̀m imɔʼ.

1 Jɔn 5:15

Icheg ne tì kyeri gha məd we zùghə awa anyumə̀ ne te bìre inug ibo, tè bə̀ kyèri gha wì biri nàʼ ighi mbe ne te bìre.

1 Jɔn 5:18

Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 20:3

Angirə̀ we ya màʼ tìsɔ̀ʼ jo ze inga ibighi kyen we ne chəyi ìnwḭ si fèni ichug ibighi, bə̀ zì aneni ni chwi gha imbə̀ʼ wə̀d mɔ̀ʼɔ fìʼe yi. Wì ya ghì ane ni gha imbə̀ʼ zì tàmba yi bəd ne yaʼi igun isəg anene tituʼ te chuʼ ifibì ti chè. Nyumə̀ we mə̀ chè, mbi biri sàŋì aməd ane iki nyumə̀ mɔ̀ʼɔ.