1 Jɔn 5:18 - Ikan feg

¹⁸ Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.

Meta’

¹⁸ Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.

1 Jɔn 5:18 교차 참조

Matìyò 5:37

Mbə̀ gha məyi gha, ‹E› kə̀ ‹Indèʼ› Anug ndəŋ ne wə̀d ywirì si ghà à ya se àze ne nɔʼi abə Wə̀d Tibɔ̀ŋ.”

Matìyò 6:13

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Jn 1:13

Chəyi mbi yaʼi bɔn Ŋwiye icheg we ne wə̀d-aku we gwìye ŋwan, kə̀ icheg we ne wə̀d-aku we chùʼrə, kə̀ icheg ne we kə̀bə̀. À ya kwàʼ məd Ŋwiye nàʼi ati inɔb gha mbe yaʼ ìmbi bɔn.

Jn 14:30

Chəyi mə̀ biri ghàm tì inən ane agha ne sa imbə̀ʼ icheg ne wə̀d we ne sàʼa igun isəg gho̰, we yèʼe. Chəyi wì beri ika igun inum.

Jn 15:4

Mbə mə̀ chè imbìghè ni yaʼ ane anug amɔʼ tì inum, mə biri bə chè imbìghè ni yaʼ ane anug amɔʼ tì nən. Chəyi fìtab azed mɔ̀ʼɔ ne tì fi ko titam ne chəyi fi yaʼ ywìrè yi ane ìtḭ vayìn. À ya icheg ne mbə̀ bə yaʼ. Chəyi wə̀d abɔ̀ʼ inən ne tì wì ghì inug mɔ̀ʼɔ ane ìwi ighəm ne chəyi məd we ywìrè ane anug amɔʼ tì inum.

Jn 15:7

Mbə̰ mə̀ chughi ane anug amɔʼ tì inum, ìmə ìngam bə̀ yaʼ inga inən, aghi ne mbə nɔ̰ Ìmə Mbaʼ, wì biri nàʼ inən.

Jn 15:9

Mə kɔ̀ŋ awən kwàʼ icheg ne ìmə Mbaʼ kɔ̀ŋi amə. Mbə̀ che imbìghè ni yaʼ ane anug amɔʼ tì inum imbə̀ʼ mə bə chè imbìghè ni kɔ̀ŋ awən.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Jems 1:18

À ya məd zìye ya kɔ̀ŋi ni chè anjìm ìngam məd ne yaʼi ìngam tesiʼ ni ghì awa gha tì yaʼ bəd məd. Wì ya niŋ awa ni ghì gha tì bere ati mbègtog inga ighi ijìm ne məd ya tangi.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

1 Pità 1:23

Ŋwiye we ne yaʼi izɔm ane ighə̀m imɔʼ fə ywìrì gwi awən anjìm ìngam məd we ne yaʼi izɔm bə̀ yaʼ ane ighə̀m imɔʼ. Chəyi ìngam gho̰ nɔʼi abə ìmbən mə̀mbaʼ ne tì mbi ku. À ya ìngam ne nɔʼi abə Ŋwiye ne chəyi tì wì ku.

1 Jɔn 2:29

Mbə̰ mə̀ kyèri gha məd ya wə̀d we ne təmi kòʼ, mbə biri bə kyeri gha wə̀d ne ghìyə̀ inug ne koʼi ya ŋwan Məd.

1 Jɔn 3:12

Imbə̀ʼ mbə̰ yaʼ awən icheg Ken ne ya yaʼi wə̀d ìwi Wə̀d Tibɔ̀ŋ bə̀ zwèti ìwi ifi, Abè. Aton ne wì ya zweti ìwi ifi àkə gha? À ya imbə̀ʼ icheg ne tìghinùg ifi məd ya təm kòʼ imbìghè abə Ŋwiye, ìti məd bə.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.

1 Jɔn 3:9

Chəyi wə̀d ne yaʼi ŋwan Ŋwiye biri chè imbìghè ni ghì inug tibɔ̀ŋ imbə̀ʼ icheg ne ikuchèg Ŋwiye fə se inga tengàŋ. Chəyi wì biri chè imbìghè ni ghì inug tibɔ̀ŋ imbə̀ʼ icheg ne Ŋwiye ya se mbaʼ məd.

1 Jɔn 4:6

Àsi awa, mba ya bəd Ŋwiye. Wə̀d we ne kyeri Ŋwiye ya zùghə anug ze ne te ghà. Àsi wə̀d we ne kayi wə̀d Ŋwiye, chəyi tengàŋ biri zug anug ze ne te ghà. Aŋa ya icheg ne tì biri chè angu ni kyeri azwighi ze ne ghìyə̀ gha bəd kyeri tesiʼ igun azwighi ze ne ghìyə̀ bəd ghà inug ako.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

1 Jɔn 5:15

Icheg ne tì kyeri gha məd we zùghə awa anyumə̀ ne te bìre inug ibo, tè bə̀ kyèri gha wì biri nàʼ ighi mbe ne te bìre.

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

1 Jɔn 5:21

Ìmbum bɔn ne mə̀ taŋ kɔ̀ŋ, imbə̀ʼ mbə̰ si bere awən anug mɔ̀ʼɔ ni ghì tì mə̀ŋwiye ako.

1 Jɔn 5:4

À ya ane imbə̀ʼ icheg ne wə̀d Ŋwiye ijìm fə màʼ chè inug inga isəg. Tì we tì tì màʼ chè inug inga isəg ijìm icheg ne tì nɔŋi fìŋ igun Yeso.

Jûd 1:21

Mbə̀ ya chùghə kyère gha Ŋwiye kɔ̀ŋ awən icheg ne mbə̰ mbe ghɔ̀mɔ̀ ìwa Anɔŋisəg Yeso Kristo. Anɔŋisəg biri bèrì àsɔ̀mnəfiŋ igun inən bə̀ ghì gha mbə̀ jəg ìtḛ̀ ighə̀m imɔʼ.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.