1 Jɔn 4:9 - Ikan feg

⁹ Ŋwiye ya chwi icheg ne wì kɔ̀ŋi bəd icheg ne wì ya tɔmi ìwi Ŋwan igun isəg ni ghì gha tì bere ìtḛ̀ anjìm Ŋwan we.

Meta’

⁹ Ŋwìə̀ wɨə chwi ɨchî nɨ wɨ̀ ghaʼ əwa əni: Wɨ̀ nyaʼa tom i Wan we mɔʼ ɨŋga ɨsɨg ɨmbə̀ʼ tɨ̀ we tɨ̀ rɨ̀ chè ənjìm məd jɨg ɨ̀tènɨ̀.

1 Jɔn 4:9 교차 참조

Mk 12:6

Mbaʼ mben we ya kiri bèrì wə̀d ndəŋ imɔʼ, ne ya ŋwan məd ne wì taŋ kɔ̀ŋ. Wì ya si nwḭ̀yḛ̀ chà ŋwan we inɔb, gha, ‹Mbi biri ghùmnə ìmə ŋwan.›

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Jn 10:10

Iji ya yèʼe ni ji, kə̀ ni zweti, kə̀ ni nimni njə̀g. Mə yèʼe gha, mbə̀ jəg ìtḛ̀, ne ya kwàʼ ìtḛ̀ ne chəyi wi cheʼi aghi mɔ̀ʼɔ ka.”

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 3:18

Wə̀d ijìm ne bḛ aməd, wè fə pum. Àsi wə̀d we ne chəyi wì bḛ aməd, Ŋwiye biri sɔb isaʼi igun məd chə aməd imbə̀ʼ icheg ne chəyi wì bḛ Ŋwan Ŋwiye we imɔʼ.

Jn 5:23

Àzo̰ ya ni ghì gha, wə̀d ijìm nàʼ ighumni abə Ŋwan icheg ne mbe bə̀ nàʼà ighumni abə Mbaʼ. Wə̀d ne chəyi we ghùmnə Ŋwan, ane ya gha chəyi tengàŋ bə ghùmni Mbaʼ we ne cha aməd.

Jn 6:29

Yeso ya ywìtì gha, “Anug ne Ŋwiye gha mbə̀ fàʼà ya gha: mbə̀ zìye ibḛfiŋ igun wə̀d we ne məd cha.”

Jn 6:51

Mo ya ngə̀ŋ ze ne swiʼi ikaŋ àbɔ̀ŋɔ ne nàʼà ìtḛ̀. Mbə̰ mə̀ jəg ngə̀ŋ izo̰, mbə biri chughi izɔm ane ighə̀m imɔʼ. Ngə̀ŋ ze ne mə̀ biri nàʼ abə wə̀d ijìm igun isəg gha wì jəg bèrì ìtḛ̀, à ya ìmə nyàmnyɔd.”

Jn 6:57

Icheg ne ìmə Mbaʼ we ne yaʼi izɔm ya cha amə, mə we izɔm imbə̀ʼ aməd. À ya bə̀ icheg ne wə̀d ne kuri ìmə nyàmnyɔd biri bə yaʼ ika imbə̀ʼ amə.

Jn 8:29

Wə̀d we ne ya cha amə we yi tì inum. Chəyi wì sàŋi mə tèzìʼì imbə̀ʼ icheg ne mə̀ ya ka fàʼà yaʼ anug ze ne bɔŋi ibo.”

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Jn 9:3

Yeso ya ywìtì gha, “Kayi inug tibɔ̀ŋ wə̀d gho̰ kə̀ inug tibɔ̀ŋ ìmbi mbaʼ məd tì ìmbi ngɔb məd ghi wì fəghə̀. Məd fə̀ghə̀ ni ghì gha bəd bari icheg ne Ŋwiye we fàʼà inga ìtḛ̀ məd.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

Mə̀Hibrù 1:5

Àkə angirə̀ iweg ne Ŋwiye ya kweʼì ghà ibo gha, “Àghò ya ìmə Ŋwan; Nɔ̀ʼ tèchɔ̀ŋ, mo fə si ìwe mbaʼ?” Kə̀ àkə angirə̀ iweg ne Ŋwiye ya gha imbə̀ʼ aməd gha, “Mə biri yaʼ mbaʼ məd, məd si yaʼ ìmə ŋwan?”

1 Jɔn 3:16

Tì kə kyère aghi ne àkɔ̀ŋì yaʼi àzewən iye? Yeso Kristo fə chwi àkɔ̀ŋì ze ina icheg ne wì ya nàʼi ìwi ìtḛ̀, ku igun azed abaʼri imbə̀ʼ awa. Ane, tè bə̀ kòʼ ni nàʼ ìwa ìtḛ̀ atog abə bəd ndəŋ.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

1 Jɔn 4:16

Ane, tè kyèri bə̀ bḛ gha Ŋwiye kɔ̀ŋ awa. Ŋwiye ya kɔ̀ŋɔ̀ bəd. Wə̀d ne kɔ̀ŋɔ̀ mə̀mbin, məd we ane anug amɔʼ tì Ŋwiye, Ŋwiye we bə̀ ane anug amɔʼ tì məd.

1 Jɔn 5:11

Anug ze ne wì gha imbə̀ʼ ìwi Ŋwan ya gha: Ŋwiye fə ghì gha tì jəg ìtḛ̀ ighə̀m imɔʼ we ne Ŋwan məd we nàʼà ina.

1 Jɔn 5:13

Mə ya ŋwàʼrà inug mbo̰ anìŋ inən, mbə̰ mbe ne bḛ Ŋwan Ŋwiye, ni gha mbə̀ kyeri gha mbə̰ biri jəg ìtḛ̀ ighə̀m imɔʼ.