1 Jɔn 4:7 - Ikan feg

⁷ Ìmbum mə̀sə̀ʼ, mbə̀ ghiyə tì ya kɔ̀ŋɔ̀ mə̀mbin imbə̀ʼ icheg ne àkɔ̀ŋì ya nɔ̀ʼɔ̀ abə Ŋwiye. Wə̀d we ne kɔ̀ŋɔ̀ bəd, məd ya wə̀d Ŋwiye bə̀ yaʼ wə̀d ne kyeri Ŋwiye.

Meta’

⁷ Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ wo ɨmbì nɨ ghaʼ mba bɔŋgɔb, ɨmbə̀ʼ ɨghəm nɨ à yɨə Ŋwìə̀ ə ghɨ̀ə̀ ni bə̂d ghaʼ mbə bɔŋgɔb. Wə̀d we nɨ ghaʼ mbi bɔŋgɔb yɨə wə̀d Ŋwìə̀, əne məd ə kyerɨ ə Ŋwìə̀.

1 Jɔn 4:7 교차 참조

Jn 13:34

Mə ya anìŋ nàʼà ikə feg inən gha, “Mbə̀ kɔŋɔ wə̀d imɔʼ imɔʼ. Icheg ne mə̀ kɔ̀ŋ awən, mbə̀ bə̀ kɔ̀ŋ mə̀mbin.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

1 Kɔrèn 8:3

Ŋwiye kyèri wə̀d ne kɔ̀ŋi aməd.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Gàlesìyà 4:9

Amad anìŋ ne mbə̀ kyeri Ŋwiye, ne Ŋwiye fə bə kyeri awən, mbə̀ kə ywìrè zùghrə izwighi mbe ne sàʼa isəg gho̰ ne chəyi mbi beri ika ane aghə? Mbə kə ywìrè kə̀bə̀ ni bḛ ìbòʼì abə izwighi mbe?

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

2 Timotì 1:7

Azwighi ze ne Ŋwiye nàʼi ina kayi àze ne ghìyə̀ tì bɔ ni ghàm. À ya Azwighi ne nàʼà ika ina bə̀ ghìyə̀ tì kɔ̀ŋɔ̀ bəd bə̀ kyère icheg ni nyimbi nyɔd.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Jɔn 2:10

Wə̀d ne kɔ̀ŋɔ̀ ìwi ifi ya wə̀d ne chùghə inga ìzḛzḛ. Ane, chəyi aghi mɔ̀ʼɔ inga məd ne biri ghì gha wì gughə anug.

1 Jɔn 2:29

Mbə̰ mə̀ kyèri gha məd ya wə̀d we ne təmi kòʼ, mbə biri bə kyeri gha wə̀d ne ghìyə̀ inug ne koʼi ya ŋwan Məd.

1 Jɔn 2:3

Tì mə ya zùgrə tikə Ŋwiye, nji ze biri chwi gha tè kyèri aməd.

1 Jɔn 2:4

Wə̀d ne gha zìye kyeri Ŋwiye ne chəyi məd we zùgrə tikə Ŋwiye, tengàŋ ya wə̀d inug ako. Chəyi məd we ghìyə̀ inug icheg wə̀d ne kyeri tesiʼ.

1 Jɔn 2:7

Ìmbum mə̀sə̀ʼ ne mə̀ taŋ kɔ̀ŋ, ikə gho̰ ne mə ŋwàʼrà inən anìŋ ya kayi ikə feg. À ya ikə anun ne mbi ya fə chwiti inən anyumə̀ ne mbə̀ ya bḛ Kristo. À ya ikə anun we ne mbə̀ ya fə zughi.

1 Jɔn 3:9

Chəyi wə̀d ne yaʼi ŋwan Ŋwiye biri chè imbìghè ni ghì inug tibɔ̀ŋ imbə̀ʼ icheg ne ikuchèg Ŋwiye fə se inga tengàŋ. Chəyi wì biri chè imbìghè ni ghì inug tibɔ̀ŋ imbə̀ʼ icheg ne Ŋwiye ya se mbaʼ məd.

1 Jɔn 4:11

Ìmbum mə̀sə̀ʼ, icheg ne Ŋwiye ya bi kɔ̀ŋ awa, tì mənyìʼ ya kɔ̀ŋɔ̀ wə̀d imɔʼ imɔʼ.

1 Jɔn 4:12

Chəyi wə̀d mɔ̀ʼɔ ne kweʼì bàd Ŋwiye. Si ya gha, tì mə̀ ya kɔ̀ŋɔ̀ wə̀d imɔʼ imɔʼ, Ŋwiye biri yaʼ abɔ̀ʼ ina. Ane, tì biri se taŋ kɔ̀ŋɔ̀ bəd icheg ne məd bə̀ taŋ kɔ̀ŋ awa.

1 Jɔn 4:16

Ane, tè kyèri bə̀ bḛ gha Ŋwiye kɔ̀ŋ awa. Ŋwiye ya kɔ̀ŋɔ̀ bəd. Wə̀d ne kɔ̀ŋɔ̀ mə̀mbin, məd we ane anug amɔʼ tì Ŋwiye, Ŋwiye we bə̀ ane anug amɔʼ tì məd.

1 Jɔn 4:20

Wə̀d mɔ̀ʼɔ mə̀ gha, “Mə kɔ̀ŋ Ŋwiye” si bàn ìwi ifi, tengàŋ ya wə̀d inug ako. Aton ya gha, wə̀d mə chəyi wì bi kɔ̀ŋ ìwi ifi ne wì ya bàrà, chəyi tì wì kɔ̀ŋ Ŋwiye ne chəyi wì ya bàrà.

1 Jɔn 4:8

Wə̀d we ne chəyi wì ya kɔ̀ŋɔ̀ bəd, chəyi wì kyeri Ŋwiye imbə̀ʼ icheg ne Ŋwiye ya kɔ̀ŋɔ̀ bəd.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

2 Jɔn 1:5

Amad anìŋ, mə ya ŋwàʼrà anìŋ ine, àghò àyi kyen ne mə̀ taŋ kɔ̀ŋ. Kayi ikə feg ne mə ŋwàʼrà. À ya ikə ne mbi ya nàʼi ina kwàʼ ane nyùmə̀ ne tì ya bḛ Yeso Kristo. Ikə gho̰ ya gha, tì ya kɔ̀ŋɔ̀ wə̀d imɔʼ imɔʼ ne yaʼi abɔ̀ʼ ina.