1 Jɔn 4:14 - Ikan feg

¹⁴ Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

Meta’

¹⁴ Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

1 Jɔn 4:14 교차 참조

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:29

Igun aneg abɔ̀ʼ, Jɔn ya bàra Yeso ne we yèʼe ibo imbìghè. Wì ghà abə bəd gha, “Mbə̀ nḛ! Aŋa ya Ŋwan njə̀g Ŋwiye. Məd ya wə̀d we ne wàʼa inug tibɔ̀ŋ bəd.

Jn 10:36

Àsi mo, ìmə Mbaʼ ya zɔʼ amə chà igun isəg. Mbə̀ kə si chè iye se gha, mə zɔ̀mbɔ̀ Ŋwiye icheg ne mə gha, ‹Mo ya Ŋwan Ŋwiye›?

Jn 12:47

Bəd mə̀ zug ìmə ikən chəyi mbi zugri ìwiwən chəyi mə̀ biri sàʼ awɔb. Chəyi mə̀ ya yèʼe ni sàʼ bəd igun isəg. Mə ya yeʼe ni pumni awɔb.

Jn 3:11

Mə ghà tesiʼ ine gha, tì ya ghà inug ne tì kyeri bə̀ ghà inug ne tì bari, si ya gha, chəyi mbə̰ bəd ne chwìte inug mbe kə̀bə̀ ni bḛ inug ne te ghà.

Jn 3:32

Wì ya ghà anug ne wì bàri bə̀ zug, si ya gha, chəyi wə̀d mɔ̀ʼɔ ne bḛ anug məd.

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Jn 4:42

Mbi ya si ghà abə àyi we gha, “Chəyi tì nɔ̀ŋì ibḛfiŋ igun məd məyi imbə̀ʼ anug ne àghò gha ina. Tì fə zug kwàʼ ane ìmba ìtɔ̀ŋi. Tì bə̀ kyèri gha wə̀d gho̰ ya kwàʼ Wə̀d we ne pùmnə bəd igun isəg.”

Jn 5:39

Mbə̰ ya jiʼè zìyè atog ni mə̀nì Ìngam Ŋwiye inga Àŋwàʼrì məd nè kɔ̀ndɔ gha mbə biri jəg ìtḛ̀ ighə̀m imɔʼ. Mbə̀ kyèri gha, Ìngam Ŋwiye we ne mbə̀ zi atog ni mə̀nì, wi ya ghàmà imbə̀ʼ amə.

Ɨ̀fàʼì 18:5

Anyumə̀ ne Sayilàs tì Timotì ya nɔ̀ʼi à Màsèdonìyà yèʼe a Kɔrèn, Pɔl ya si zì atog məyi ni ghàm Ìngam Ŋwiye bə̀ fɔrɔ ni tòʼrì abə mə̀Ju gha Yeso ya Wə̀d we ne Ŋwiye zɔ̀ʼi.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

1 Jɔn 5:9

Tè bḛ anug ne bəd mbe ghà. Si ya gha, anug ne Ŋwiye we ghà ze faŋ chè imbə̀ʼ icheg ne à ya anug ne Ŋwiye gha. Ŋwiye zìye fə ghà gha anug imbə̀ʼ Ŋwan məd ya anug tesiʼ.